Heart Touching Telugu Movie : ఓటీటీలో జూన్ 21 నుంచి నేరుగా స్ట్రీమింగ్ అవుతున్న తెలుగు మెడికో లవ్ ఫ్యామిలీ డ్రామా ‘సిస్టర్ మహి (Sister Mahi). దిగ్గజ దర్శకుడు కె. రాఘవేంద్రరావు కథ, స్క్రీన్ప్లే అందించి స్వయంగా నిర్మించిన ఈ చిత్రంలో సాధారణ నర్స్ జీవితంలోని హృదయ విదారక సంఘటనలు, త్యాగాలు, ప్రేమ, కుటుంబ బంధాలను చాలా ఎమోషనల్ గా తెరకెక్కించారు. సవతి తల్లి టార్చర్, ప్రేమ, విషాదం మధ్య సాగే ఈ కథ ప్రేక్షకుల గుండెల్ని పిండేస్తుంది. మరి ఇంతకీ ఈ మూవీని ఎక్కడ చూడవచ్చు ? స్టోరీ ఏంటి ? అనే వివరాల్లోకి వెళ్దాం పదండి.
కథ ప్రధానంగా మహి (ప్రీతి నేహా) అనే యువతి చుట్టూ తిరుగుతుంది. ఆసుపత్రిలో నర్స్ గా పని చేస్తూ, రోగులకు సేవ చేయడం తన ఉద్యోగం మాత్రమే కాదని, అది తన ధర్మమని బలంగా నమ్మే మంచి మనసున్న గుణవంతురాలు మహి. ఆసుపత్రిలోనే ల్యాబ్ టెక్నీషియన్ గా పని చేసే సూర్యతో ఆమె ప్రేమలో పడుతుంది. వారిద్దరి మధ్య సాగే స్వచ్ఛమైన ప్రేమ, చిన్న చిన్న సంతోషాలు, భవిష్యత్ కలలు చాలా ఆహ్లాదకరంగా ఉంటాయి. కానీ పెళ్లి పీటలు ఎక్కడానికి కొన్ని రోజుల ముందు వారి జీవితాల్లో ఒక భయంకరమైన విషాదం చోటు చేసుకుంటుంది.
మహి రోడ్డు దాటుతున్నప్పుడు ఘోర ప్రమాదం జరుగుతుంది. ఆ తర్వాత సూర్య జీవితం ఎలా మారింది ? మహి కుటుంబ నేపథ్యం ఏంటి ? సవతి తల్లి ఆమెను పెట్టిన టార్చర్ ఏంటి ? అనే అంశాలన్నీ ఎంతో ఎమోషనల్ ట్విస్టులతో సాగుతాయి. ఒక సాధారణ నర్స్ జీవితంలోని కష్టాలు, త్యాగాలు, సమాజంలో నర్సుల పాత్ర ప్రాముఖ్యతను ఈ చిత్రం ద్వారా హృదయానికి హత్తుకునేలా చూపించారు.
మహి పాత్రలో ప్రీతి నేహా అద్భుతమైన ఎమోషనల్ డెప్త్ ఇచ్చి మెప్పించింది. సూర్య పాత్రలో దీక్షిత్ సహజంగా నటించాడు. భాస్కర్, రాజ్కుమారి, మధులిక శర్మ, రామ్ చరణ్, సమన్వి పవార్ సపోర్టింగ్ కాస్ట్ గా నటించారు. ఇక సాయి మధుకర్ అందించిన సంగీతం మరియు పాటలు సినిమాకు ప్రధాన బలం. వివమ్, బృందా ఆలపించిన ఎమోషనల్ పాటలు హృదయాన్ని తాకుతాయి. నర్సుల జీవితాలు, వారి త్యాగాలు, సమాజంలో వారి ప్రాముఖ్యతను చూపించే సోషల్ మెసేజ్ ఉన్న ఈ సినిమా హృదయానికి హత్తుకునే ఎమోషన్స్, ఫ్యామిలీ డ్రామా, రాఘవేంద్రరావు స్టైల్ లోని సున్నితమైన కథనం, అసభ్యకర కంటెంట్ లేకుండా కుటుంబంతో కలిసి చూడగలిగే క్లీన్ ఎంటర్టైనర్.
ఈటీవీ విన్ (ETV Win) ఓటీటీలో ఇప్పుడు స్ట్రీమింగ్ అవుతోంది. కథా సుధ సిరీస్లో భాగంగా వచ్చిన ఈ చిత్రం వీకెండ్ లో కుటుంబంతో కలిసి చూడదగ్గ మంచి హార్ట్ టచింగ్ ఫ్యామిలీ ఎంటర్టైనర్.
Share
ఐఐటి vs ఐఏఎస్.. సాఫ్ట్వేర్ వద్దు ప్రభుత్వ ఉద్యోగం ముద్దు.. పెళ్లి సంబంధాల్లో ఇప్పటికీ ఇదే తంతు
దినేష్ కార్తీక్ కథ క్లోజ్.. హగ్ విషయాన్ని సీరియస్ గా తీసుకున్న కోహ్లీ ?
