Action Thriller : 2014 జపనీస్ లైవ్ – హీస్ట్ యాక్షన్ సూపర్ హిట్ మూవీ ‘లుపిన్ III’ (Lupin the 3rd). ప్రపంచంలోనే అత్యంత తెలివైన, స్టైలిష్ దొంగ అర్సేన్ లుపిన్ III, అతని బృందం హై-ఆక్టేవ్, స్మార్ట్ హీస్ట్ అడ్వెంచర్ ఇది. ప్రముఖ మాంగా అండ్ యానిమే సిరీస్ ఆధారంగా తీసిన ఈ లైవ్-యాక్షన్ సినిమా యాక్షన్, స్టైల్, హ్యూమర్, భారీ హీస్ట్ సీక్వెన్స్లతో, పీక్ సస్పెన్స్, మెంటలెక్కించే ట్విస్టులతో అద్భుతంగా ఉంటుంది. ర్యుహీ కితామురా దర్శకత్వం వహించిన ఈ చిత్రంలో షున్ ఒగురి లుపిన్ III పాత్రలో బ్రహ్మాండంగా నటించాడు. మరి ఈ మూవీ కథేంటి ? ఎక్కడ స్ట్రీమింగ్ అవుతోంది ? అన్న వివరాల్లోకి వెళ్తే…
అర్సేన్ లుపిన్ III (షున్ ఒగురి) ప్రపంచంలోనే తెలివైన దొంగ. అతను ‘ది వర్క్స్’ అనే అంతర్జాతీయ దొంగల సంస్థలో సభ్యుడు. ఈ సంస్థను లుపిన్ గురువు థామస్ డాసన్ నడుపుతుంటాడు. సింగపూర్ లో జరిగిన ఒక హై-ప్రొఫైల్ దొంగతనంలో లుపిన్ ఒక ఒలింపిక్ పతకాన్ని విజయవంతంగా దొంగిలిస్తాడు. కానీ అతని పాత మిత్రుడు ప్రస్తుత ప్రత్యర్థి మైఖేల్ లీ (జెర్రీ యాన్) ఆ నిధిని లుపిన్ నుంచి బలవంతంగా లాక్కుంటాడు. ఇది లుపిన్కు పెద్ద షాక్.
ఇదే సమయంలో థామస్ డాసన్ దగ్గర ప్రపంచంలోనే అత్యంత విలువైన ‘క్రిమ్సన్ హార్ట్ ఆఫ్ క్లియోపాత్రా’ అనే అమూల్యమైన హారం ఉంటుంది. ఆ హారం మధ్యలో ఉండాల్సిన అరుదైన రూబీ మాత్రం ఆసియా అండర్వరల్డ్ డాన్ ప్రముక్ ఆధీనంలో ఉంటుంది. హారంతో పాటు రూబీ రెండూ కలిస్తేనే ఆ నిధికి పూర్తి విలువ లభిస్తుంది. మైఖేల్ లీ మరో వ్యక్తితో కలిసి థామస్ డాసన్ పై దాడి చేసి అతనిని చంపేస్తారు. ఆ హారాన్ని కూడా దొంగిలిస్తారు. ఈ ఘటనతో ‘ది వర్క్స్’ కూటమి పూర్తిగా విచ్ఛిన్నమవుతుంది. తన గురువు మరణానికి పగ తీర్చుకోవాలని, దొంగిలించబడిన హారాన్ని తిరిగి సంపాదించాలని లుపిన్ నిర్ణయించుకుంటాడు.
అందుకోసం అతను అపజయం అన్నదే ఎరుగని టీంను తయారు చేస్తాడు. ప్రపంచంలోనే అత్యుత్తమ గన్మ్యాన్ డైసుకే జిగెన్, ఏ వస్తువునైనా ఒక్క కత్తి కొట్టుతో నరికేసే సమురాయ్ గోఎమోన్ ఇషికావా XIII, తెలివైన, మనసు మార్చే లేడీ థీఫ్ ఫుజికో మైన్ ఈ టీంలో భాగం అవుతారు. ఈ బృందాన్ని అంతం చేయడానికి ఇంటర్పోల్ ఇన్స్పెక్టర్ కోయిచి జెనిగాటా వారిని అవిరామంగా వెంటాడుతూనే ఉంటాడు. మైఖేల్ లీ ద్వారా హారాన్ని కూడా దక్కించుకున్న లీ టీంమేట్, ఆ నిధిని థాయ్లాండ్ అడవుల్లో ఉన్న అత్యంత సురక్షితమైన, అత్యాధునిక సెక్యూరిటీ గల ‘ఆర్క్ ఆఫ్ నవరోన్’ అనే కోటలాంటి సేఫ్హౌస్లో దాచేస్తాడు. మరి లుపిన్ భద్రతా వలయాలను ఛేదించి ఆ కోటలోకి ఎలా చొరబడతారు ? ఈ క్రమంలో బయట పడ్డ షాకింగ్ నిజం ఏంటి ? చివరికి హీరో విలన్ ను చంపి పగ ఎలా తీర్చుకుంటాడు ? ఆ అమూల్యమైన క్లియోపాత్రా హారాన్ని హీరో ఎలా తెచ్చాడు ? అన్నది తెరపై చూడాల్సిందే. ‘లుపిన్ III’ని ప్రస్తుతం Netflixలో వీక్షించవచ్చు.
Read Also : వీళ్ళు పిల్లలు కాదు బాబోయ్ పిశాచాలు… కమ్యూనిటీలోకి వెళ్ళే బేబీసిట్టర్లు మాయం
Share
మహిళలు ఇంట్లో చేసే ఈ తప్పుల వల్లే ఆర్థిక కష్టాలు.. వాస్తు శాస్త్రంలో ఏముందంటే
Today Movies in Tv : గురువారం మూవీ లవర్స్ కు పండగే.. టీవీల్లోకి సూపర్ హిట్ సినిమాలు..
