Romantic Comedy OTT: యూత్ బ్యాక్‌డ్రాప్‌లో వచ్చే ట్రయాంగిల్ రొమాంటిక్ కామెడీ సినిమాలకు ఓటీటీ ఆడియన్స్ ఎప్పుడూ క్రేజీగా చూస్తుంటారు. ఫ్రెండ్షిప్, లవ్ మధ్య ఉండే ఆ సన్నటి గ్యాప్ ని, ఇగో క్లాషెస్ ని చాలా హిలేరియస్‌గా చూపించడం జరిగింది ఇప్పుడు మనం చెప్పుకోబోయే సినిమాలో. బెస్ట్ ఫ్రెండ్ ప్రేమించిన అమ్మాయిపైనే మరో స్నేహితుడికి మనసు పడితే పరిస్థితులు ఎలా ఉంటాయో ఊహించుకోవచ్చు. ఇలాంటి చిక్కుముడితో తెరకెక్కిన అమెరికన్ లేటెస్ట్ రొమాంటిక్ కామెడీ డ్రామానే ‘Falling’. ప్రస్తుతం ఈ అవుట్ అండ్ అవుట్ యూత్ ఫుల్ ఎంటర్‌టైనర్ ఓటీటీలో రెంట్ బేసిస్ లో అందుబాటులోకి వచ్చింది. అమెరికన్ హ్యూమర్ ఇష్టపడే వారికి ఇదొక పర్ఫెక్ట్ వీకెండ్ ట్రీట్.
ఇది ఒక మామూలు లవ్ స్టోరీ లా కాకుండా, నిజ జీవితంలో జరిగే సంఘటనల లాగా సహజంగా ఉండే ఒక ట్రయాంగిల్ లవ్ స్టోరీ. ఇందులో జాక్ అనే అబ్బాయి ఎవరితోనూ సీరియస్‌గా ప్రేమలో పడకుండా సరదాగా ఉండే ఒక లాయర్. అతని బెస్ట్ ఫ్రెండ్ జానీ ఒక రచయిత, ఇతను నిజమైన ప్రేమను బాగా నమ్ముతాడు. ఒకరోజు జాక్ అనుకోకుండా ఒక కాఫీ షాప్‌లో జిలియన్ అనే అమ్మాయిని చూసి, మొదటి చూపులోనే ఆమెతో సీరియస్‌గా ప్రేమలో పడిపోతాడు. తన ప్రేమ గురించి జాక్ చాలా సంతోషంగా తన బెస్ట్ ఫ్రెండ్ జానీకి చెప్తాడు. కానీ జిలియన్‌ని కలిశాక జానీకి కూడా ఆమె మీద ఇష్టం మొదలవుతుంది. జాక్‌కి ఏమాత్రం తెలియకుండానే జిలియన్, జానీ ఒకరికొకరు దగ్గరై రహస్యంగా ప్రేమించుకుంటారు. ఈ విషయం ఒకరోజు జాక్‌కి తెలిసిపోవడంతో వాళ్ళిద్దరి మధ్య ఉన్న మంచి స్నేహం, జాక్ ప్రేమ అన్నీ ఒక్కసారిగా ముక్కలైపోతాయి.
ఈ నిజం బయటపడ్డాక జిలియన్, జానీ కొన్నాళ్ళు కలిసి ఉండాలని ట్రై చేస్తారు కానీ, తప్పు చేశామనే బాధతో వాళ్ళ బంధం ఎక్కువ కాలం నిలబడదు. చివరికి ఈ ముగ్గురూ పాత విషయాలన్నీ మర్చిపోయి, ఎవరి దారిలో వాళ్ళు ముందుకు వెళ్ళిపోవడంతో ఈ సినిమా కథ ముగుస్తుంది. ఇందులో కేవలం ఒక అమ్మాయి కోసం ఇద్దరు స్నేహితులు పోటీపడటమే కాకుండా, ప్రేమలో ఉండే బాధ్యత, నమ్మకం, నిజాయితీ వంటి విషయాలను కూడా చూపించారు. ఇందులో డైలాగ్స్ చాలా ట్రెండింగ్ గా ఉంటూ నేటితరం యూత్‌కి పక్కాగా కనెక్ట్ అవుతాయి. వీకెండ్‌లో ఫ్రెండ్స్ తో కలిసి బాగా నవ్వుకోవడానికి ఇదొక బెస్ట్ ఛాయిస్.
ఇందులో జాక్ పాత్రలో కేజే అపా నటించగా, జిలియన్‌గా ఇసాబెల్‌ మే, జానీగా ఆర్చీ రెనాక్స్‌ కనిపించారు. జేమ్స్‌ క్రిసెల్‌, కోలిన్‌ క్రిసెల్‌ ఈ చిత్రానికి దర్శకత్వం వహించడంతో పాటు కథను కూడా అందించారు. విల్‌ బ్లూమ్‌ఫీల్డ్‌ సంగీతం అందించారు. 107 నిమిషాల నిడివి ఉన్న ఈ సినిమా 2026 అక్టోబర్‌ 9న థియేటర్లలో విడుదలైంది. నవంబర్‌ 10 నుంచి Prime Videoలో రెంట్ ఆప్షన్‌ తో అందుబాటులోకి వచ్చింది. ప్రస్తుతం ఇది ఇంగ్లీష్ భాషలోనే రెంట్ ఆప్షన్‌తో స్ట్రీమింగ్ అవుతోంది. దీనికి ఇంకా తెలుగు డబ్బింగ్ లేదా సబ్‌టైటిల్స్ రాలేదు.
Read Also: నిన్నటిదాకా స్టార్ హీరోయిన్… ఇప్పుడు ఉండటానికి ఇల్లు కూడా లేదు… ఎమోషనల్ కామెడీ డ్రామా
Share
ప్రపంచానికి దిశానిర్దేశం చేయనున్న హైదరాబాద్.. డిప్యూటీ సీఎం భట్టి విక్రమార్క
నాగార్జునతో కలిసి తమ్మిడికుంట చెరువును ప్రారంభించిన సీఎం రేవంత్ రెడ్డి.. ప్రత్యేకతలు ఇవే!
