పెళ్లి కాకుండానే చచ్చి దెయ్యంగా… అబ్బాయిలు కన్పిస్తే వదలని ఆడ పిశాచి

Korean Comedy Thriller: పెళ్లి కాకుండా చచ్చి, దెయ్యమైతే ఆ ఆడ దెయ్యం ఏం చేస్తుంది ? అబ్బాయిలతో ఎలా ఆడుకుంటుంది ? కన్యత్వం పోతేనే ముక్తి అని నమ్మే ఆ దెయ్యం అబ్బాయిలు కనిపిస్తే ఏం చేసింది ? అనేది తెలియాలంటే ఈ కొరియన్ సిరీస్ ను చూడాల్సిందే. దక్షిణ కొరియా సిరీస్‌లలో ఎప్పటికీ గుర్తుండిపోయే హిట్ రొమాంటిక్ కామెడీ ఫాంటసీ థ్రిల్లర్ ‘Oh My Ghost’. 2015లో విడుదలైన ఈ సిరీస్ ఎక్కడ స్ట్రీమింగ్ అవుతోంది ? స్టోరీ ఏంటి ? అనే విషయాలు తెలియాలంటే ఈ సిరీస్ ను చూడాల్సిందే.

కథలోకి వెళ్తే…

నా బోంగ్-సున్ ఈ సినిమాలో హీరోయిన్ పేరు. ఆమె అమాయకమైన, సిగ్గుపడే అమ్మాయి. ఒక ప్రముఖ రెస్టారెంట్‌ లో అసిస్టెంట్ కుక్‌ గా పని చేస్తుంది. ఆమె పని మీద ఎంతో అంకితభావం ఉంటుంది. కానీ, తన బాస్ అయిన స్టార్ చెఫ్ కాంగ్ సున్-వూ ముందు మాటలు రావు. చిన్నప్పటి నుంచి ఆమెకు ఒక విచిత్రమైన శక్తి ఉంటుంది. అదేంటంటే… ఆమెకు దెయ్యాలు కనిపిస్తాయి. ఈ భయం వల్ల ఆమె ఎప్పుడూ ఒంటరిగా, భయపడుతూ జీవితం గడుపుతుంది.

అటు షిన్ సూన్-ఏ అనే ఆడ దెయ్యం తిరుగుతుంది. ఆమె స్వర్గానికి వెళ్లాలంటే ఒక్క షరతు ఉంటుంది. పెళ్లి కాకుండానే చనిపోయి దెయ్యంగా మారిన ఆ అమ్మాయి ఒక మగాడిని నిజంగా ప్రేమించి, ఆ కోరిక తీర్చుకోవాలి. ఆమె “కన్య దెయ్యం” కావడం వల్ల ఇంకా భూమి మీదే తిరుగుతోంది. ఒక రోజు తనకు సరైన వ్యక్తిని వెతుకుతూ బోంగ్-సున్ శరీరంలోకి వెళ్ళిపోతుంది. అక్కడి నుంచి సిరీస్ లో అసలైన ఆట మొదలవుతుంది.

దెయ్యం లోపలికి రాగానే బోంగ్-సున్ పూర్తిగా మారిపోతుంది. సిగ్గుపడే అమ్మాయి ఒక్కసారిగా బోల్డ్ గా, అల్లరి గా మారిపోతుంది. రెస్టారెంట్ కిచెన్‌ లోనే తన క్రష్ సున్-వూను లైన్‌ లో పెట్టడం, ఫ్లర్ట్ చేయడం, ధైర్యంగా అతని ముందు నిలబడడం వంటివి చేస్తుంది. ఇవన్నీ చూసి సున్-వూ మొదట షాక్ అవుతాడు. కానీ నెమ్మదిగా ఆమెలోని ఈ కొత్త ఎనర్జీ, నిజాయితీ అతన్ని ఆకర్షిస్తుంది. వంటలు చేస్తూ, రెస్టారెంట్‌ లో రొటీన్ జీవితంలో జరిగే ఈ రొమాన్స్ చాలా సరదాగా, కామెడీగా సాగుతుంది. బోంగ్-సున్ శరీరాన్ని కంట్రోల్ చేస్తున్న సూన్-ఏ తన కోరిక తీర్చుకోవడానికి ప్రయత్నాలు ముమ్మరం చేస్తుంది.

కానీ కథ ఇక్కడే ట్విస్ట్ తీసుకుంటుంది. సూన్-ఏకు తన మరణం గురించి నిజం తెలుస్తుంది. ఆమె ప్రమాదంలో చనిపోలేదు. హత్యకు గురైంది. ఆ హంతకుడు మరెవరో కాదు, సున్-వూకు బావ అయిన పోలీస్ ఆఫీసర్ చోయ్ సుంగ్-జే. బయటకు మంచి వ్యక్తిగా కనిపించే సుంగ్-జే శరీరాన్ని ఒక దుష్ట శక్తి ఆవహిస్తుంది. గతంలో జరిగిన హిట్ అండ్ రన్ కేసును సూన్-ఏ చూడడం వల్లే ఆమెను గొంతు పిసికి చంపాడు. ఇక్కడి నుంచి సిరీస్ రొమాంటిక్ కామెడీ నుంచి సస్పెన్స్ థ్రిల్లర్‌గా మారిపోతుంది.

బోంగ్-సున్, సూన్-ఏ, సున్-వూ కలిసి ఈ క్రూరమైన సత్యాన్ని బయటపెట్టడానికి ప్రయత్నం చేస్తారు. దీంతో కథ తీవ్రమైన క్లైమాక్స్‌కు దారి తీస్తాయి. సుంగ్-జే నేరాలు బయట పడకుండా ఉండడానికి ఏం చేశాడు ? సూన్-ఏ తన ప్రతీకారం ఎలా తీర్చుకుంది ? ఆమె స్వర్గానికి వెళ్లిందా ? బోంగ్-సున్ పరిస్థితి ఏమైంది ? అన్నది తెలియాలంటే ఈ సిరీస్ ను చూడాల్సిందే.

రెండు ఓటీటీలలో

‘ఓ మై ఘోస్ట్’ సిరీస్ లో ప్రతి ఎపిసోడ్ మిమ్మల్ని ఆకట్టుకుంటుంది. మీరు లైట్ హార్టెడ్ ఫాంటసీ కావాలనుకున్నా, మంచి ఫీల్-గుడ్ స్టోరీ చూడాలనుకున్నా ఈ సిరీస్ బెస్ట్ ఆప్షన్. ఒకసారి మొదలుపెడితే 16 ఎపిసోడ్‌లు కూడా తక్కువే అనిపిస్తుంది. ఇప్పుడు భారతదేశంలో Amazon miniTV, Amazon MX Playerలో ఉచితంగా స్ట్రీమింగ్ అవుతోంది. ఈ సిరీస్ తెలుగు డబ్బింగ్ లేకపోయినా, హిందీ, కొరియన్, ఇంగ్లీష్ భాషల్లో అందుబాటులో ఉంది. హృదయాన్ని కదిలించే ఈ ఫీల్-గుడ్ ఎంటర్‌టైనర్ ను డోంట్ మిస్.

Read Also : ఇండియన్ మైథాలాజి మిక్సయ్యి ఉన్న హాలీవుడ్ హర్రర్ మూవీ… లాస్ట్ ట్విస్ట్ డోంట్ మిస్

Share

• 
• 
• 
• 
• 
•