OTT Movie : ముంబై, బెంగళూరు, కొచ్చి మూడు భిన్నమైన నగరాల్లో నివసిస్తున్న ఒక ఫ్యామిలీ చుట్టూ ఈ స్టోరీ తిరుగుతుంది. వీళ్ళంతా తమ కుటుంబంతో సంబంధాన్ని కోల్పోతారు. వీళ్ళ తల్లి చనిపోవడంతో ఆమె చివరి కోరిక మేరకు, వీరి స్వస్థలమైన మున్నార్‌లో తమ తండ్రిని కలవడానికి వీళ్ళంతా వస్తారు. ఒక వారం పాటు ఫ్యామిలీ కలిసి ఉండమని ఆమె తన చివరి కోరికగా చెప్పిఉంటుంది. ఈ ప్రయాణంలో గతంలో జరిగిన కొన్ని సంఘటనలు సోదరుల మధ్య గొడవలు తెస్తాయి. ఈ సన్నివేశాలు ఓవైపు నవ్వు తెప్పిస్తూ, మరో వైపు కన్నీళ్లు కూడా పెట్టిస్తాయి. ఈ క్రమంలో ఈ కుటుంబం అన్యోన్యంగా ఉంటుందా ? ఈ కలయిక దూరాన్ని మరింత పెంచుతుందా? ఈ సినిమా పేరు ? ఏ ఓటీటీలో ఉంది ? అనే విషయాలను తెలుసుకుందాం పదండి.
స్టోరీలోకి వెళితే
ఈ స్టోరీ ముగ్గురు సోదరులు అన్నీ (మంజు వారియర్), సన్నీ (బిజు మీనన్), జెర్రీ (అను మోహన్) చుట్టూ తిరుగుతుంది. వీళ్ళు తమ బిజీ జీవితాల కారణంగా ఒకరికొకరు దూరమై, తమ స్వస్థలం మున్నార్‌లోని కుటుంబంతో సంబంధాన్ని కోల్పోతారు. అన్నీ ముంబైలో ఒక కార్పొరేట్ CEOగా, భర్త సందీప్ (సైజు కురుప్) ఇద్దరు పిల్లలతో (రుక్మిణి అకా రుక్కు సహా) జీవిస్తుంది. సన్నీ, ఒక ఈవెంట్ మేనేజ్‌మెంట్ వ్యాపారవేత్త, ఇటీవల వ్యాపారంలో నష్టాలను చూస్తాడు. తన భార్య (రమ్య నంబీసన్) లేకుండా మున్నార్‌కు వస్తాడు. జెర్రీ బెంగళూరులో IT ఉద్యోగి, తన గర్ల్‌ఫ్రెండ్ (దీప్తి సతి)తో కలిసి ఉంటాడు. వీళ్ళంతా తమ తల్లి (జరీనా వహాబ్) మరణ వార్షికోత్సవం కోసం, తమ తండ్రి (రఘునాథ్ పలేరి)ని కలవడానికి మున్నార్‌లోని తమ పాత ఇంటికి వస్తారు. వీళ్ళ తల్లి ఒక వీడియో సందేశంలో తన చివరి కోరికను వెల్లడిస్తుంది. దీనిని నెరవేర్చడానికి సోదరులు ఒక వారం పాటు కలిసి ఉండాలని తండ్రి అభ్యర్థిస్తాడు. తల్లి కోరిక నెరవేర్చడానికి వీళ్ళంతా అక్కడ ఉండటానికి ఒప్పుకుంటారు.
ఇక అక్కడ సోదరుల మధ్య గతంలో జరిగిన ఒక సంఘటన కారణంగా, ముఖ్యంగా సన్నీ, అన్నీ మధ్య కోప తాపాలు పెరుగుతాయి. ఈ రీయూనియన్ సమయంలో, వారు తమ గత తప్పిదాలను, అపార్థాలను, వ్యక్తిగత సవాళ్లను ఎదుర్కొంటారు. సన్నీ తన వ్యాపార వైఫల్యాలతో పోరాడుతుండగా, అన్నీ తన కెరీర్ కుటుంబ జీవితాన్ని సమతుల్యం చేయడానికి ప్రయత్నిస్తుంది. జెర్రీ తన సంబంధం, కుటుంబ అంచనాల మధ్య చిక్కుకుంటాడు. రాజేష్ (సుధీష్) అనే వ్యక్తి ఈ కుటుంబానికి సన్నిహితుడిగా ఉంటాడు. కథలో ఒక భావోద్వేగ లంగరుగా ఇతను పనిచేస్తాడు. కుటుంబం ప్రాముఖ్యతను గుర్తుచేస్తూ వీళ్ళల్లో మార్పును తీసుకురావడానికి ప్రయత్నిస్తాడు. ఈ సినిమా 80ల శైలిలోని పిక్నిక్‌లు, గొడవలు, హాస్య సన్నివేశాలతో నిండి ఉంటుంది. చివరికి ఈ కుటుంబం పంతాలను పక్కనపెట్టి ఒక్కటిగా కలసి ఉంటుందా ? ఈ వారం రోజుల్లో వీళ్ళు తెలుసుకున్నది ఏమిటి ? అనే విషయాలను ఈ సినిమాను చూసి తెలుసుకోవాలసిందే.
Read Also : రిచ్ ఫ్యామిలీలో వరుస ఆత్మహత్యలు… 11 ఏళ్ల క్రితం చనిపోయిన అమ్మాయే కారణమా? వణికించే మలయాళ హర్రర్ మూవీ
ఈ సినిమా ఏ ఓటీటీలో ఉందంటే
ఈ మలయాళ ఫీల్ గుడ్ మూవీ పేరు ‘లలితం సుందరం’ (Lalitham Sundaram). 2022 లో వచ్చిన ఈ సినిమాకి మధు వారియర్ దర్శకత్వం వహించారు. ఓటీటీ ప్లాట్‌ ఫామ్ జియో హాట్ స్టార్ (Jio Hotstar) లో అందుబాటులో ఉంది. ఈ మలయాళం సినిమా తెలుగు, తమిళం, హిందీ సబ్‌టైటిల్స్‌తో అందుబాటులో ఉంది. 1 గంట 59 నిమిషాల రన్‌ టైమ్ ఉన్న ఈ సినిమాకి IMDbలో 6.1/10 రేటింగ్ ఉంది. ఇందులో మంజు వారియర్ (అన్నీ), బిజు మీనన్ (సన్నీ), అను మోహన్ (జెర్రీ), సైజు కురుప్ (సందీప్), దీప్తి సతి (జెర్రీ గర్ల్‌ఫ్రెండ్), జరీనా వహాబ్ (తల్లి), రఘునాథ్ పలేరి (తండ్రి), సుధీష్ (రాజేష్), దిలీష్ పోతన్ వంటి నటులు నటించారు.
Share
Sridevi Drama Company Promo: జీవితంలో మరో ఛాన్స్ ఉంటుంది.. నాన్నను మళ్లీ ఇవ్వదురా..కన్నీళ్లు పెట్టించింది..
One Nation One Election: జమిలి వస్తే ఏయో రాష్ట్రాల్లో.. పదవీకాలం కటాఫ్ అవుతుంది..? కలిసి వచ్చే పార్టీలేంటి?
