Actor Sivaji: ఆనంద్ దేవరకొండ, వైష్ణవి చైతన్య జంటగా నటించిన ‘ఎపిక్: ఫస్ట్ సెమిస్టర్’ మూవీ ప్రమోషన్స్లో సీనియర్ నటుడు శివాజీ చేసిన వ్యాఖ్యలు ఇప్పుడు ఫిలిం వర్గాల్లో పెద్ద దుమారాన్ని రేపుతున్నాయి. ఓటీటీ ప్లాట్ఫామ్స్ కేవలం “సోమరిపోతుల కోసమే” అంటూ ఆయన చేసిన సంచలన కామెంట్స్ సినీ ప్రేమికుల్లో కొత్త చర్చకు తెరలేపాయి. థియేటర్ అనుభూతిని ఓటీటీలు దెబ్బతీస్తున్నాయనే కోణంలో శివాజీ మాట్లాడగా, నెటిజన్ల నుంచి దీనిపై భిన్నాభిప్రాయాలు వ్యక్తమవుతున్నాయి. వివరాల్లోకి వెళితే ..
‘ఎపిక్’ ప్రమోషన్స్ సందర్భంగా శివాజీ మాట్లాడుతూ.. ఓటీటీలో ఇంట్లో కూర్చుని సినిమాలు చూడటం ప్రేక్షకులను బద్ధకస్తులుగా మారుస్తోందని వ్యాఖ్యానించారు. అంతేకాకుండా, తాను నటించి మైండ్ బ్లాకింగ్ హిట్ సాధించిన ’90s – ఏ మిడిల్ క్లాస్ బయోపిక్’ వెబ్ సిరీస్ గనుక థియేటర్లలో విడుదలయ్యుంటే సునాయాసంగా రూ. 100 కోట్ల గ్రాస్ వసూలు చేసి ఉండేదని ధీమా వ్యక్తం చేశారు. ఇక బిగ్ స్క్రీన్ ఎక్స్పీరియన్స్ గొప్పదనాన్ని చెప్పే ప్రయత్నంలో ఆయన ఈ కామెంట్స్ చేశారు.
శివాజీ చేసిన కామెంట్స్ను కొంతమంది థియేటర్ ప్రేమికులు సమర్థిస్తున్నారు. వెండితెరపై విజిల్స్ వేస్తూ, అందరితో కలిసి సినిమా చూడటంలో ఉండే కిక్కే వేరని వారు అభిప్రాయపడుతున్నారు. ఇక ఓటీటీల వల్ల జనాలు థియేటర్లకు రావడం తగ్గించేస్తున్నారని, థియేటర్ వ్యవస్థను కాపాడుకోవాలనే మంచి ఉద్దేశంతోనే శివాజీ అంత ఘాటుగా స్పందించారని వారు అంటున్నారు.
మరోవైపు శివాజీ కామెంట్స్పై నెటిజన్లు తీవ్రంగా మండిపడుతున్నారు. పెరిగిన థియేటర్ టికెట్ ధరలు, పాప్కార్న్ రేట్లు భరించడం సామాన్య కుటుంబాలకు కష్టంగా మారిందని గుర్తుచేస్తున్నారు. బిజీ లైఫ్లో ఫ్యామిలీతో కలిసి ప్రశాంతంగా ఇంట్లోనే వినోదాన్ని పొందే వెసులుబాటును ఓటీటీలు కల్పిస్తుంటే, ప్రేక్షకులను ‘సోమరిపోతులు’ అని అనడం సరికాదని విమర్శిస్తున్నారు. అంతేకాకుండా శివాజీకి సెకండ్ ఇన్నింగ్స్లో అంత పెద్ద క్రేజ్ ఇచ్చింది కూడా ఓటీటీయే కదా అని ప్రశ్నిస్తున్నారు.
also read: కృష్ణాష్టమి రోజున కల నెరవేరిందంటున్న ఉపాసన.. పోస్ట్ వైరల్!
థియేటర్లో పొందే అనుభూతి వేరు, ఓటీటీ ఇచ్చే వెసులుబాటు వేరు. కాలంతో పాటు ప్రేక్షకుల వినోద మార్గాలు మారిన మాట వాస్తవమే. సినీ పరిశ్రమ మనుగడకు థియేటర్లు ఎంత ముఖ్యమో, మారుతున్న జీవనశైలికి ఓటీటీలు కూడా అంతే అవసరమని గ్రహించాలి. ఇక ప్రేక్షకులను నిందించడం కంటే, వారిని తిరిగి థియేటర్లకు రప్పించేలా మంచి కంటెంట్, అందుబాటు ధరలను తీసుకురావడమే ఏకైక పరిష్కారం.
Share
ఇంట్లో Wi-Fi పెట్టిస్తున్నారా? జియో, ఎయిర్టెల్ రూ.999 ప్లాన్స్లో దేనితో ఎక్కువ లాభం?
బడ్జెట్ ధరలో బెస్ట్ ఫ్రిజ్ కావాలా ? మీ కోసమే టాప్-5 లిస్ట్
