OTT Movie : కొరియన్ సినిమాలు డిఫరెంట్ స్టోరీలతో ఆడియన్స్ ని అలరించడానికి వస్తున్నాయి. ఓటీటీలో ఈ సినిమాలకు మంచి డిమాండ్ కూడా ఉంది. ఇప్పుడు మనం చెప్పుకోబోయే సినిమా, యాక్షన్ థ్రిల్లర్ జానర్ లో రీసెంట్ గా ఓటిటిలోకి వచ్చి దూసుకుపోతోంది. ఈ కథ ఒక మాఫియా ప్రపంచంలో, ముగ్గురు వ్యక్తుల ఆధిపత్యం చుట్టూ తిరుగుతుంది. ఈ కథలో మధ్యలో వచ్చే లవ్ స్టోరీ కావాల్సినంత కిక్ ఇస్తుంది. ఈ సినిమా పేరు ఏమిటి ? ఎందులో స్ట్రీమింగ్ అవుతుంది ? కథ ఏమిటి ? అనే వివరాలను తెలుసుకుందాం పదండి.
‘మాంటిస్’ (Mantis) 2023లో వచ్చిన కొరియన్ యాక్షన్ థ్రిల్లర్ సినిమా. దీనికి లీ టే-సంగ్ దర్శకత్వం వహించారు. 2025 సెప్టెంబర్ 26 నుంచి నెట్‌ఫ్లిక్స్‌లో స్ట్రీమింగ్ కి వచ్చింది. ఇందులో ఇమ్ సి-వాన్, పార్క్ గ్యూ-యంగ్, జో వూ-జిన్ ప్రధాన పాత్రల్లో నటించారు. 1 గంట 51 నిమిషాల రన్‌ టైమ్ ఉన్న ఈ సినిమా IMDbలో 5.6/10 రేటింగ్ పొందింది.
ఈ కథలో హాన్ వుల్ అనే వ్యక్తికి ‘మాంటిస్’ అనే మారు పేరు ఉంటుంది. ఆ పేరు నేర ప్రపంచంలో బాగా పాపులర్. ఇతను ఒక తెలివైన పెద్ద క్రిమినల్. అతను MK ఎంటర్‌ప్రైజ్ అనే కంపెనీలో పని చేస్తుంటాడు. కానీ ఆ కంపెనీ ఇప్పుడు సమస్యల్లో ఉంటుంది. ఎందుకంటే ఈ పరిస్థితి దాని బాస్ చా మిన్-గ్యూ చనిపోవడంతో వస్తుంది. హాన్ వుల్ ఒక వెకేషన్ కి వెళ్ళి, తిరిగి వచ్చినప్పుడు ఈ గందరగోళం చూస్తాడు. ఈ సమయంలో అతను తన సొంత మాంటిస్ కంపెనీ స్టార్ట్ చేయాలనుకుంటాడు. కానీ అతని ముందు రెండు పెద్ద సవాళ్లు ఉంటాయి. మొదటిది అతనితో పాటు శిక్షణ తీసుకున్న జే-యి అనే యువతి. ఆమె ఒకప్పుడు హాన్ వుల్ తో సన్నిహితంగా ఉండేది. కానీ ఇప్పుడు ప్రత్యర్థిగా మారుతుంది. వీళ్లిద్దరి మధ్య ప్రేమ గొడవలు జరుగుతుంటాయి.
ఈ సమయంలో జే-యి స్వోర్డ్‌తో హాన్-వుల్‌ని సవాలు చేస్తుంది. రెండవది డోక్-గో అనే రిటైర్డ్ కి దగ్గరగా ఉన్న క్రిమినల్. అతను హాన్-వుల్, జే-యిలను ఢీ కొడతాడు. ఈ కథ ముందుకు వెళ్తున్న కొద్దీ హాన్-వుల్, జే-యి, డోక్-గో ముగ్గురూ అసాసిన్ ప్రపంచంలో నంబర్ 1 స్థానం కోసం పోటీపడతారు. వీళ్ళ ముగ్గురి మధ్య జరిగే ఫైట్ సీన్స్ చాలా ఉత్కంఠగా ఉంటాయి. హాన్-వుల్ తన కంపెనీని నడపడానికి ప్రయత్నిస్తూనే, జే-యితో తన లవ్ ట్రాక్ ని సరి చేయడానికి పోరాడతాడు. హాన్-వుల్, జే-యి మధ్య ప్రేమ కథ సినిమాకు ఎమోషనల్ టచ్ ఇస్తుంది. చివరికి ఈ మాఫియా రాజ్యంలో ఎవరు నంబర్ 1 స్థానంలో ఉంటారు ? హాన్ వుల్, జే-యి మధ్య ప్రేమ కథ మళ్ళీ చిగురిస్తుందా ? అనే విషయాలను, ఈ కొరియన్ యాక్షన్ థ్రిల్లర్ సినిమాను చూసి తెలుసుకోవాల్సిందే.
Read Also : కొత్త కాపురంలో పాత దెయ్యం … రాత్రయితే వణికిపోయే జంట… ఒక్కసారి చూడటం స్టార్ట్ చేస్తే
Share
OG Film: ఓజి నిర్మాతలను రిక్వెస్ట్ చేస్తున్న యంగ్ ప్రొడ్యూసర్ రాహుల్ యాదవ్
AP Power Charges: ఏపీ వాసులకు గుడ్ న్యూస్.. నవంబర్ నుంచి తగ్గనున్న విద్యుత్ బిల్లులు
