OTT Movie : బెంగాలీ నుంచి వచ్చిన ఒక హారర్ థ్రిల్లర్ సిరీస్ ప్రేక్షకులను అమితంగా ఆకట్టుకుంటోంది. ఒక కార్టూనిస్ట్ జీవితంలో జరిగే అతీంద్రియ సంఘటనల చుట్టూ ఈ కథ తిరుగుతుంది. దెయ్యాల కథలను ఇష్టపడేవాళ్ళు ఈ సిరీస్ ని కళ్ళు మూసుకోకుండా హ్యాపీగా చూడవచ్చు. ఎందుకంటే ఈ సిరీస్ లో అంతగా భయపెట్టే సన్నివేశాలు లేకపోయినా, కథ చిల్లింగ్ థ్రిల్ ని ఇస్తుంది. ఈ సిరీస్ పేరు ఏమిటి ? ఎందులో స్ట్రీమింగ్ అవుతుంది ? స్టోరీ ఏమిటి ? అనే వివరాలనుతెలుసుకుందాం పదండి.
‘కార్టూన్ ‘ (Cartoon) బెంగాలీ భాషలో విడుదలైన ఒక హారర్ సస్పెన్స్ థ్రిల్లర్ వెబ్ సిరీస్. సౌరవ్ చక్రవర్తి దీనికి దర్శకత్వం వహించారు. ఇందులో మైనక్ బెనర్జీ (అరిత్రా), పాయెల్ సర్కార్ (జినియా), సందీప్ చక్రవర్తి ప్రధాన పాత్రల్లో నటించారు. ఈ వెబ్ సిరీస్ 2017 సెప్టెంబర్ 26న హోయ్‌చోయ్ ప్లాట్‌ఫారమ్‌లో విడుదలై, 7 ఎపిసోడ్‌లతో IMDbలో 6.0/10 రేటింగ్ సాధించింది.
అరిత్ర అనే వ్యక్తి ఒక కార్టూనిస్ట్, తన ప్రియురాలు జినియాతో కలిసి ఒక కొత్త అపార్ట్‌మెంట్‌లోకి మారతాడు. కానీ ఆ అపార్ట్‌మెంట్‌లోకి వెళ్లిన తర్వాత వింత సంఘటనలు జరగడం మొదలవుతాయి. అరిత్ర డ్రాయింగ్‌ వేసిన కార్టూన్‌లు వాటంతట అవే వేరే రూపంలోకి మారిపోతాయి. అతను పంపిన డ్రాయింగ్‌లకు బదులుగా ఖాళీ కాగితాలు అతని బాస్‌కు చేరతాయి. ఈ ఘటనలు అరిత్రను గందరగోళంలో పడేస్తాయి. అరిత్ర ఈ వింతలు హాలూసినేషన్స్ అని మొదట అనుకుంటాడు. కానీ జినియా సలహాతో అతను ఒక పారానార్మల్ యాక్టివిస్ట్ అయిన రతికాంతబాబును సంప్రదిస్తాడు. రతికాంతబాబు ఆ అపార్ట్‌మెంట్‌లో ఒక ఆత్మ ఉందని అనుమానిస్తాడు. జినియాకు వీలైనంత త్వరగా ఆ స్థలాన్ని వదిలేయమని చెబుతాడు. కానీ పరిస్థితులు మరింత దిగజారతాయి.
ఈ సమయంలో రతికాంత బాబు అరిత్ర ఇంట్లో హఠాత్తుగా మరణిస్తాడు. ఈ మరణంతో అరిత్ర ప్రధాన అనుమానితుడిగా మారతాడు. కథ మరింత ఉత్కంఠభరితంగా మారుతుంది. అరిత్ర ఈ రహస్యాల వెనుక ఉన్న నిజాన్ని కనుగొనేందుకు ప్రయత్నిస్తాడు. ఆ అపార్ట్‌మెంట్‌లోని ఆత్మలు, వాటి వెనుక ఉన్న గతం, అరిత్ర జీవితంపై ఎలాంటి ప్రభావం చూపుతాయనేది కథని ఉత్కంఠంగా మారుస్తుంది. ఈ సిరీస్ ప్రతి ఎపిసోడ్‌లో కొత్త ట్విస్ట్‌లతో ప్రేక్షకులను ఆకట్టుకుంటుంది. ఈ అపార్ట్‌మెంట్‌లో భయంకరమైన సంఘటనల వెనుక ఉన్న నిజం ఏమిటి? అరిత్రా, జినియా ఈ అతీంద్రియ శక్తుల నుంచి బయటపడగలరా? అనే విషయాలను ఈ సిరీస్ ని చూసి తెలుసుకోండి.
Read Also : నిద్రపోతే రూపం మారే విడ్డూరం… అలాంటి వాడితో అమ్మాయి ప్రేమ… ఈ కొరియన్ మూవీ క్లైమాక్స్ డోంట్ మిస్
Share
Breaking News: టీవీకే అధినేత విజయ్ సభలో తొక్కిసలాట.. 40 మంది మృతి.. పలువురి పరిస్థితి విషమం
Shahidi Afridi : ఫైనల్స్ లో షాహిన్ ఆఫ్రిది 5 వికెట్లు తీయడం పక్కా... రాసి పెట్టుకోండి.. ఇండియాకు నిద్ర లేకుండా చేస్తాం
