Motu Patlu & the Mystery of Nagmani OTT: ఇండియాలో చిన్నారులకు ఎంతో ఇష్టమైన యానిమేషన్‌ జోడీ మోటు-పత్లూ. ఫుర్ఫురి నగర్‌లో వీళ్లు చేసే అల్లరి, జాన్‌ దొంగతనాలు, మోటు సమోసాల కోసం పడే పాట్లు.. ఇవన్నీ పిల్లలతో పాటు పెద్దలకూ వినోదాన్ని పంచుతుంటాయి. ఇప్పుడు ఈ ఫేమస్‌ జోడీ మరో కొత్త సాహసంతో ప్రేక్షకుల ముందుకు వచ్చింది. అదే ‘Motu Patlu & the Mystery of Nagmani’ (2026). టైమ్ ట్రావెల్‌, కామెడీ, అడ్వెంచర్ అంశాలతో రూపొందిన ఈ యానిమేషన్‌ మూవీ నవంబర్‌ 8 నుంచి JioHotstarలో 8 భాషల్లో స్ట్రీమింగ్ అవుతోంది. కేవలం పిల్లలే కాకుండా ఫ్యామిలీ ఆడియన్స్ ని కూడా కడుపుబ్బా నవ్వించే ఈ ఐకానిక్ జోడి ఈసారి ఎలాంటి ప్రమాదంలో చిక్కుకున్నారు? తిరిగి తమ కాలానికి ఎలా చేరుకున్నారు? అనే వివరాలను తెలుసుకుందాం పదండి.
ఈ సినిమా కథాంశం అంతా మన మోటు మరియు పత్లూ వేసే ఒక క్రేజీ టైమ్ మెషిన్ ప్లాన్ చుట్టూ తిరుగుతుంది. సైంటిస్ట్ డాక్టర్ ఝట్కా కనిపెట్టిన ఒక కొత్త గ్యాడ్జెట్ వల్ల మన మోటు-పత్లూ, వాళ్ళ గ్యాంగ్ మెంబర్స్ అయిన ఘసితారామ్ అండ్ చింగం సార్ తో కలిసి అనుహ్యంగా నాటి రాతియుగం కాలంలోకి వెళ్ళిపోతారు. అక్కడ అడుగు పెట్టగానే వాళ్లకు లైఫ్ లోనే బిగ్గెస్ట్ రోలర్ కోస్టర్ రైడ్ ఎక్స్ పీరియన్స్ అవుతుంది. చుట్టూ తిరిగే భారీ డైనోసార్లు, క్రూరమైన వింత మనుషులు మధ్య మన మోటు గ్యాంగ్ ఇరుక్కుపోతుంది.
ఇక్కడి నుండి రాతియుగంలో మోటు-పత్లూ అసలైన రచ్చ మొదలవుతుంది! అక్కడ తినడానికి సమోసాలు దొరక్కపోవడంతో మన మోటు నీరసపడిపోవడం, ఆ కేవ్‌మెన్ మాఫియా గ్యాంగ్ మోటుని దేవుడిలా పూజించడం లాంటి సీన్స్ చిన్న పిల్లల్ని కడుపుబ్బా నవ్విస్తాయి. మరోవైపు తెలివైన పత్లూ తన ఐడియాస్ తో ఆ డైనోసార్ల దాడుల నుండి, వింత మనుషుల ట్రాప్ నుండి తప్పించుకుని తిరిగి తమ మోడరన్ వరల్డ్ కి రావడానికి వేసే స్కెచ్ లు చాలా అడ్వెంచరస్ గా డిజైన్ చేశారు. విజువల్ ఎఫెక్ట్స్ స్క్రీన్ పై చాలా గ్రాండ్‌గా అనిపిస్తాయి.
‘Motu Patlu & the Mystery of Nagmani’ 2026 నవంబర్‌ 8న JioHotstarలో విడుదలైంది. ఈ యానిమేషన్‌ మూవీ నిడివి సుమారు 66 నిమిషాలు. హిందీతో పాటు తెలుగు, బెంగాలీ, మలయాళం, మరాఠీ, కన్నడ భాషల్లోనూ అందుబాటులో ఉంది. వీకెండ్ లో మీ ఇంట్లో ఉన్న పిల్లలతో కలిసి ఎటువంటి టెన్షన్స్ లేకుండా హ్యాపీగా నవ్వుకుంటూ టైమ్ స్పెండ్ చేయడానికి జియోహాట్‌స్టార్ లో ఉన్న ఈ మోటు-పత్లూ సరికొత్త అడ్వెంచర్ మూవీ ఒక పర్ఫెక్ట్ ఫ్యామిలీ ఛాయిస్.
Read Also: రాణి శరీరంలోకి మగ చెఫ్‌ ఆత్మ… రాజభవనంలో వంటలతో పాటు రాజకీయాలు కూడా… కొరియన్‌ ఫాంటసీ కామెడీ డ్రామా
Share
మహిళల అండాల అక్రమ దందా కేసులో.. కీలక నిందితుడు అరెస్ట్!
'35 చిన్న కథ కాదు' వెనుక అసలు కథ ఇదే.. సీక్రెట్స్ బయటపెట్టిన విశ్వదేవ్!
