OTT Movie : నెట్ ఫ్లిక్స్ లో నాలుగు రోజుల్లో డిలీట్ కాబోతున్న సినిమాలు… మిస్ అవ్వకూడదంటే వెంటనే చూడండి

OTT Movie : ఓటీటీ ప్లాట్‌ఫామ్‌లోని సినిమాలను స్మార్ట్ ఫోన్ లో కూడా చూసుకునే స్థాయికి ఇప్పుడు చేరుకున్నాము. అయితే ఏ సినిమా చూడాలి, ఏది వద్దనే నిర్ణయం తీసుకోవడం కొంత కష్టంగానే ఉంటుంది. థియేటర్లలో ఒక మంచి సినిమా వచ్చిందని తెలిసి దానిని చూద్దామనుకునే లోపు అది వెళ్లిపోతుంది. ఇక ఓటీటీలోనూ ఇలాంటి పరిస్థితి తలెత్తుతొంది. ఈ నేపథ్యంలో 2025 జూలై 31 లోగా నెట్‌ఫ్లిక్స్ నుంచి కొన్ని గొప్ప సినిమాలు కనుమరుగవనున్నాయి. ఇందులో కామెడీల నుంచి ఉత్కంఠభరిత థ్రిల్లర్ల వరకు, వైవిధ్యమైన చిత్రాలు ఉన్నాయి. వీటిని చూడకపోతే తొందరగా ఓ లుక్ వేయండి.

‘అమెరికాస్ స్వీట్‌హార్ట్స్’ (America’s Sweethearts) (2001)

జో రోత్ దర్శకత్వంలో వచ్చిన ఈ కామెడీ సినిమాలో జూలియా రాబర్ట్స్ ఒక హాలీవుడ్ ప్రచారకర్తగా నటించారు. ఆమెతో పాటు కేథరీన్ జీటా-జోన్స్, జాన్ కుసాక్ కూడా ప్రధాన పాత్రల్లో కనిపించారు. బిల్లీ క్రిస్టల్ కామెడీ ఈ సినిమాకు హైలెట్ గా నిలిచింది. హాలీవుడ్ గ్లామర్ వెనుక ఉండే ప్రేమ, గందరగోళ సంబంధాలను ఈ చిత్రం సరదాగా చూపిస్తుంది.

‘పంచ్ డ్రంక్ లవ్’ (Punch-Drunk Love) (2002)

పాల్ థామస్ ఆండర్సన్ రూపొందించిన ఈ ఎంటర్టైనర్ డ్రామాలో ఆడమ్ సాండ్లర్, బారీ ఎగాన్‌గా నటించారు. ఇతను కోప సమస్యలతో బాధపడే ఒక వ్యాపారి. ఎమిలీ వాట్సన్‌ అనే అమ్మాయితో అనుకోకుండా ప్రేమలో పడతాడు. ఈ లవ్ ట్రాక్ ఆసక్తికరంగా సాగుతుంది. ఈ చిత్రం చమత్కారమైన శైలితో ప్రేక్షకులను ఆకట్టుకుంటుంది. ఇందులో సాండ్లర్ నటనకు ప్రశంసలు కూడా దక్కాయి.

‘రెడ్ ఐ’ (Red Eye) (2005)

వెస్ క్రావెన్ దర్శకత్వంలో తెరకెక్కిన ఈ థ్రిల్లర్‌లో, రాచెల్ మెక్‌ఆడమ్స్ ఒక హోటల్ మేనేజర్‌గా, సిలియన్ మర్ఫీ ఒక అపరిచితుడిగా కనిపిస్తారు. అర్ధరాత్రి ఫ్లైట్‌లో వీరి సంభాషణ సాధారణంగా మొదలై, ఊహించని మలుపులతో ఉత్కంఠను పెంచుతుంది.

‘అవేకెనింగ్స్’ (Awakenings) (1990)

పెన్నీ మార్షల్ దర్శకత్వంలో వచ్చిన ఈ ఫీల్ గుడ్ డ్రామాలో రాబిన్ విలియమ్స్ ఒక వైద్యుడిగా, రాబర్ట్ డి నీరో కాటటోనిక్ రోగి గా నటించారు. ఒక అరుదైన చికిత్స రోగుల జీవితాలను ఎలా మారుస్తుందనేదే ఈ కథ. నిజ జీవిత సంఘటనల ఆధారంగా రూపొందిన ఈ సినిమా హార్ట్ ను టచ్ చేస్తుంది.

‘అమెరికన్ బ్యూటీ’ (American Beauty) (1999)

సామ్ మెండిస్ దర్శకత్వంలో రూపొందిన ఈ ఆస్కార్ విన్నింగ్ డార్క్ కామెడీలో కెవిన్ స్పేసీ, లెస్టర్ బర్న్‌హామ్‌గా నటించారు. నగర శివారు ప్రాంతంలో రొటీన్ కు భిన్నంగా, ఒక వ్యక్తి తన జీవితాన్ని మార్చుకునే ప్రయత్నంలో ఈ స్టోరీ నడుస్తుంది. అన్నెట్ బెనింగ్, థోరా బిర్చ్, మేనా సువారీ లాంటి నటులు కీలక పాత్రల్లో మెప్పించారు.

Read Also : నిద్రలోనే పక్షవాతం తెప్పించి, తినేసే డెవిల్… హార్ట్ ప్రాబ్లెమ్స్ ఉన్నవాళ్లు చూడకూడని హర్రర్ మూవీ

Share

• 
• 
• 
• 
• 
•