ఓటీటీలోకి రెండు మైండ్ బ్లోయింగ్ హర్రర్ యానిమే సిరీసులు… స్ట్రీమింగ్ ఎక్కడంటే ?

New Animated Series on OTT : ఓటీటీలో హారర్, ఫాంటసీ కథలు చూసేవారి కోసం ఈ వారం రెండు ఆసక్తికరమైన యానిమేటెడ్ సిరీసులు అందుబాటులోకి వచ్చాయి. ఒక కథలో సాధారణ ఉద్యోగి జీవితంలోకి మరో ప్రపంచానికి చెందిన శక్తివంతమైన మాంత్రిక పక్షి ప్రవేశిస్తే, మరో కథలో దెయ్యాలతో నిండిన హోటల్‌ను నిర్వహించాల్సిన పరిస్థితి ఓ తల్లికి ఎదురవుతుంది. మాయాజాలం, వింత జీవులు, అతీంద్రియ శక్తులు, హాస్యం కలగలిసిన ఈ రెండు సిరీసుల రెండో సీజన్లు ప్రేక్షకులను అలరించేందుకు సిద్ధమయ్యాయి. అవే ‘ససాకి అండ్ పీప్స్ సీజన్ 2’ (Sasaki and Peeps Season 2), ‘హాంటెడ్ హోటల్ సీజన్ 2’ (Haunted Hotel Season 2). అంతేకాదు ఈ రెండు సిరీస్ లు కూడా ఓటీటీలో స్ట్రీమింగ్ అవుతున్నాయి.

కథలోకి వెళ్తే…

ససాకి అండ్ పీప్స్ సీజన్ 2 స్టోరీ విషయానికి వస్తే… ససాకి (Sasaki) ఓ మధ్యవయస్కుడైన ఉద్యోగి. రోజూ ఆఫీసుకు వెళ్లడం, పని చేసుకోవడం, అదే రకమైన జీవితాన్ని గడపడం అతడికి విసుగు తెప్పిస్తుంది. జీవితంలో కొంత మార్పు రావాలనే ఉద్దేశంతో ఓ పెంపుడు పక్షిని కొనుక్కుంటాడు. దానికి పీప్స్ అని పేరు పెట్టుకుంటాడు. అయితే ఆ చిన్న పక్షి మరో ప్రపంచానికి చెందిన శక్తివంతమైన మాంత్రికుడు. ఈ విషయం తెలిశాక ససాకి జీవితంలో వచ్చే మార్పులు ఏంటి ? ఒకవైపు తన ఉద్యోగాన్ని కొనసాగిస్తూనే, మరోవైపు మాంత్రిక శక్తులు, వింత సంఘటనలు, రెండు ప్రపంచాలకు సంబంధించిన సమస్యలను ఎలా ఎదుర్కొన్నాడు ? చివరికి ఏమైంది ? అన్నది తెరపై చూడాల్సిందే.

ఇక రెండవ సిరీస్ ‘హాంటెడ్ హోటల్ సీజన్ 2’ ఇందులో కేథరిన్ అనే ఒంటరి తల్లి తన ఇద్దరు పిల్లలను పెంచుకుంటూ హోటల్‌ను నిర్వహిస్తుంది. అయితే ఆ హోటల్‌లో అతిథులుగా వచ్చే వాళ్లు సాధారణ మనుషులు మాత్రమే కాదు. అక్కడ దెయ్యాలు, రాక్షస జీవులు, వింత అతీంద్రియ శక్తులు కూడా ఉంటాయి. వాటితో కలిసి జీవించడం, హోటల్‌ను నడపడం కేథరిన్‌కు సవాలుగా మారుతుంది. ఈ ప్రయాణంలో ఆమెకు తోడుగా ఉండేది తన సోదరుడు. అతడు చనిపోయినప్పటికీ దెయ్యంగా అదే హోటల్‌లో ఉంటూ ఆమెకు సహాయం చేస్తుంటాడు. అంతేకాదు, ఓ చిన్న బాలుడి శరీరంలో బంధించబడిన రాక్షసుడితో సహా ఎన్నో వింత పాత్రలు ఈ హోటల్ చుట్టూ తిరుగుతుంటాయి. వాటి వల్ల ఎదురయ్యే సమస్యలు భయపెట్టడంతో పాటు నవ్వులు కూడా పుట్టిస్తాయి. ఈ విచిత్రమైన హోటల్‌ను ఆమె ఎలా నిర్వహిస్తుంది? అక్కడి దెయ్యాల సమస్యలకు పరిష్కారం దొరుకుతుందా? అనేది రెండో సీజన్‌లో చూడాలి.

Also Read : గ్రామ దేవత ప్రతిరూపంగా భావించే దున్నపోతు… బలిచ్చే రోజే మిస్సింగ్… రవితేజ సోదరుడి కొడుకు మూవీ స్ట్రీమింగ్

రెండూ ఒకే ఓటీటీలో స్ట్రీమింగ్

‘ససాకి అండ్ పీప్స్’ సీజన్ 2 అక్టోబర్ 7 నుంచి అమెజాన్ ప్రైమ్ వీడియోలో స్ట్రీమింగ్ అవుతోంది. ‘హాంటెడ్ హోటల్ సీజన్ 2’ అక్టోబర్ 9 నుంచి నెట్‌ఫ్లిక్స్ (Netflix)లో అందుబాటులోకి వచ్చింది. మొదటి సిరీస్ జపనీస్ ఫాంటసీ అడ్వెంచర్ కామెడీ కాగా, రెండోది ఇంగ్లీష్ అడల్ట్ యానిమేషన్ హారర్ కామెడీ. యానిమేషన్‌లో కొత్త ప్రపంచాలు, మాయాజాలం, దెయ్యాలు, వింత సాహసాలు ఇష్టపడేవారికి ఈ రెండు సిరీసులు మంచి ఆప్షన్లు.