OTT Movie : ఈ ఏడాది నెట్‌ఫ్లిక్స్‌లో ఒక ప్రత్యేకమైన డాక్యుమెంటరీ సిరీస్ స్ట్రీమింగ్ కి వచ్చింది. ఇది జంతువుల జీవితాన్ని హారర్ సినిమాలా చూపిస్తుంది. సాధారణ డాక్యుమెంటరీలా కాకుండా, ఈ సిరీస్ ప్రకృతిలోని భయంకరమైన విషయాలను ఉత్కంఠగా, భయపెట్టే విధంగా చూపిస్తుంది. ఈ సిరీస్ జంతువుల పోరాటాన్ని ఒక థ్రిల్లర్ సినిమాలా ఫీల్ అయ్యేలా చేస్తుంది. ఈ సిరీస్‌లో జంతువుల జీవితంలోని నిజమైన సంఘటనలను తీసుకుని, వాటిని భయంకరంగా, సినిమాటిక్‌గా చూపించడం జరిగింది. ఈ డాక్యుమెంటరీ సిరీస్ పేరు ఏమిటి ? స్టోరీ ఎలా ఉంటుంది ? అనే వివరాలను తెలుసుకుందాం పదండి.
‘నైట్‌మేర్స్ ఆఫ్ నేచర్’ (Nightmares of Nature) 2025లో విడుదలైన అమెరికన్ హారర్ సై-ఫై డాక్యుమెంటరీ మినీ సిరీస్. దీనిని బ్లమ్‌హౌస్ టెలివిజన్, ప్లిమ్సాల్ ప్రొడక్షన్స్ కలసి నిర్మించాయి. ఈ సిరీస్ 2025 సెప్టెంబర్ 30న నెట్‌ఫ్లిక్స్‌లో ప్రీమియర్ అయింది. 3 ఎపిసోడ్‌లతో (ప్రతి ఎపిసోడ్ 44 నిమిషాలు) IMDbలో 7.5/10 రేటింగ్ పొందింది. సీజన్ 2, 2025 అక్టోబర్ లో విడుదల కానుంది.
మొదటి సీజన్‌లో మూడు ఎపిసోడ్‌లు ఉన్నాయి. అవి ఉత్తర అమెరికా అడవుల్లో జరుగుతాయి. కథలో మూడు జంతువులు, ఒక ప్రెగ్నెంట్ ఎలుక, ఒక చిన్న రాకూన్, ఒక కప్ప పిల్ల ప్రధాన పాత్రలుగా ఉన్నాయి. ఈ జంతువులు అడవిలో భయంకరమైన ప్రమాదాల నుంచి తప్పించుకోవడానికి ప్రయత్నిస్తాయి. తోడేళ్లు, గుడ్లగూబలు, ఇతర జంతువులు వీటిని వేటాడుతుంటాయి. ఈ సమయంలో ఒక రాత్రి భారీ వర్షం వస్తుంది. దీంతో ఈ మూడు జంతువులు ఒక పాడుబడిన క్యాబిన్‌లో దాక్కుంటాయి. కానీ ఈ క్యాబిన్ కూడా అనుకున్నంత సేఫ్టీ ఉండదు. వర్షం, చీకటి, బయట ఉన్న జంతువులు ఈ క్యాబిన్‌ను ఒక ఉచ్చులా మారుస్తాయి. ఎలుక, రాకూన్, కప్ప పిల్ల భయంతో వణికిపోతుంటాయి. ఒక్కో జంతువు తనదైన రీతిలో బయటపడేందుకు పోరాడుతుంది. కానీ అడవిలోకి తిరిగి వెళ్లాలంటే మరిన్ని ప్రమాదాలు ఎదురవుతాయి. కథ చివర్లో ఈ జంతువులు ప్రాణాలతో బయటపడతాయా ? అనేది ఈ సిరీస్ ని చూసి తెలుసుకోవాల్సిందే.
సెంట్రల్ అమెరికా రెయిన్‌ఫారెస్ట్‌లో జరుగుతుంది. ఇది అక్టోబర్ 2025 చివర్లో విడుదలవుతుంది. ఇందులో కొత్త జంతువులు ప్రధాన పాత్రలు పోషిస్తాయి. ఇవి భయంకరమైన వాంపైర్ ఫిష్, కీటకాలు, మాంసాన్ని తినే చెట్ల వంటి ప్రమాదాలను ఎదుర్కొంటాయి. ఈ సీజన్ కూడా జంతువుల బతుకు పోరాటాన్ని, ఒక హారర్ సినిమాలా చూపిస్తుంది. ఇందులో ప్రతి జంతువు తన శత్రువుల నుంచి తప్పించుకోవడానికి, బతకడానికి చేసే ప్రయత్నాలు ఉత్కంఠగా ఉంటాయి.
Read Also : చావడానికెళ్లి సీరియల్ కిల్లర్ చేతిలో అడ్డంగా బుక్కయ్యే అమ్మాయి… గూస్ బంప్స్ తెప్పించే సర్వైవల్ థ్రిల్లర్
Share
Balakrishna: బాలయ్య బ్రాండ్ కొత్త యాడ్ వీడియో... AI తో మ్యానేజ్ చేశారా ఏంటి?
Akhanda 2 : పోటాపోటీగా చిరు, బాలయ్య సినిమా అప్డేట్స్, ఫైట్ కొనసాగుతుందా?
