Idli Kottu OTT: ప్రముఖ కోలీవుడ్ స్టార్ హీరో ధనుష్ (Dhanush) స్వీయ దర్శకత్వంలో తాజాగా నటించిన చిత్రం ‘ఇడ్లీ కడై’. ఈ చిత్రాన్ని తెలుగులో ‘ఇడ్లీ కొట్టు’ అంటూ విడుదల చేశారు. భారీ అంచనాల మధ్య ప్రేక్షకుల ముందుకు ఈరోజు(అక్టోబర్ 1 2025) థియేటర్లలోకి వచ్చింది ఈ సినిమా. ప్రముఖ హీరోయిన్ నిత్యామీనన్ (Nithya Menon) ధనుష్ తో ఈ సినిమా ద్వారా మరోసారి జతకట్టింది. ఇప్పటికే వీరిద్దరి కాంబినేషన్లో వచ్చిన ‘తిరు’ సినిమా మంచి విజయాన్ని అందుకోవడమే కాకుండా నేషనల్ అవార్డులు కూడా అందుకున్నారు. దీంతో ఈ కాంబినేషన్ పై ఇప్పుడు అభిమానులలో భారీ అంచనాలు పెరిగిపోయాయి. మరి అభిమానుల అంచనాలను ఏ మేరకు ఆకట్టుకుంది అనే విషయం తెలియాలి అంటే ఇంకొంత సమయం ఆగాల్సిందే.
ఇకపోతే ఈరోజు ప్రపంచవ్యాప్తంగా థియేటర్లలోకి వచ్చిన ఈ చిత్రానికి ఓటీటీ ఫ్లాట్ ఫామ్ ని కూడా మేకర్స్ ఫిక్స్ చేశారు. దిగ్గజ ఓటీటీ ఫ్లాట్ ఫామ్ గా పేరు సొంతం చేసుకున్న నెట్ ఫ్లిక్స్ (Netflix) వేదికగా ఈ సినిమా స్ట్రీమింగ్ కానున్నట్లు సమాచారం.. ఇకపోతే ఈ రోజే థియేటర్లలోకి వచ్చింది కాబట్టి ఈ సినిమా రిజల్ట్ ని బట్టి ఓటీటీ స్ట్రీమింగ్ కి వచ్చే అవకాశాలు కనిపిస్తున్నాయి.
ఇడ్లీ కొట్టు సినిమా విషయానికొస్తే.. మురళి (ధనుష్) శంకరా పట్నం అనే చిన్న గ్రామంలో ఇడ్లీలు అమ్ముకునే శివకేశవుడి కొడుకు. ఉన్న ఊరిలోనే తన పని తాను చేసుకుంటూ గౌరవంగా బ్రతికే వ్యక్తి శివకేశవుడు. కానీ మురళీ మాత్రం జీవితంలో ఎదగాలని , కారు, బిల్డింగ్ ఉండాలి అని కోరుకుంటాడు. అలా ఊరి నుంచి వెళ్ళిపోయి బ్యాంకాక్ లో సెటిల్ అవుతాడు. అక్కడే మురళి పనిచేసే రెస్టారెంట్ ఓనర్ విష్ణువర్ధన్ (సత్యరాజ్) కూతురు మీనా (షాలినీ పాండే) తో ప్రేమలో పడతాడు. పెళ్లి టైంలో మురళి ఇంట్లో విషాదం చోటు చేసుకుంటుంది. దీంతో మురళి తన తండ్రి ఇడ్లీ కొట్టునే చూసుకోవాలని ఫిక్స్ అయిపోతాడు. అది విష్ణువర్ధన్ కొడుకు అశ్విన్ కి నచ్చదు. ఈగోతో రగిలిపోయే అశ్విన్ మురళిని ఏం చేశాడు? మురళి తన తండ్రి ఇడ్లీ కొట్టును ఎలా చూసుకున్నాడు? మీరా ఫ్యామిలీ మొత్తం ఇండియాకు వచ్చిందా ? వచ్చి ఏం చేసింది? ఈ ప్రాసెస్ లో మురళికి కళ్యాణి (నిత్యా మీనన్) చేసిన హెల్ప్ ఏంటి? ఇలా పలు విషయాలు తెలియాలి అంటే ఈ సినిమా చూడాల్సిందే. సినిమాలో సెకండ్ హాఫ్ పెద్దగా ప్రేక్షకులను మెప్పించలేదని, ఇందులో స్లో నేరేషన్, ఎక్స్పెక్టెడ్ స్టోరీ ఉండడం, కొన్ని సన్నివేశాలలో ల్యాగ్ ఉండడంతో కొంతమేర అభిమానులు నిరాశ వ్యక్తం చేస్తున్నట్లు సమాచారం.
ALSO READ:Kantara 2 Premiers: ఏపీలో కాంతార ప్రీమియర్ షోలు రద్దు.. నిరాశలో ఫ్యాన్స్.. కారణం?
Share
Telangana politics: మొదలైన స్థానిక ఎన్నికల వేడి.. సీఎం రేవంత్ కీలక భేటీ, ఏడున అభ్యర్థుల ప్రకటన
Rowdy Sheeter: కత్తితో రౌడీ షీటర్ వీరంగం.. పరిగెత్తించి.. పరిగెత్తించి
