OTT Movie : ఓటీటీలో ఎన్నో జానర్లలో సినిమాలు అందుబాటులో ఉన్నా క్రైమ్ థ్రిల్లర్ లకు ఉండే క్రేజ్ వేరు. మీకు కూడా ఇలాంటి సినిమాలంటే ఇష్టం ఉంటే ఈ మూవీ సజెషన్ మీ కోసమే. ప్రారంభంలో నెమ్మదిగా ఉండే కథ అకస్మాత్తుగా భయం, ఉత్కంఠ, ప్రతీకార టర్న్స్ తో మంచి థ్రిల్ ఇస్తుంది. చివరి వరకు ఊహించని మలుపుతో కట్టిపడేసే ఈ మూవీలో కోడలు తన ప్రియుడితో కలిసి తన అత్తని హత్య చేస్తుంది.
సరికొత్త కథనం, ఇంటెన్స్ క్రైమ్ థ్రిల్లర్ కోసం చూసే వాళ్ళకి “ఉడాల్” (Udal) పర్ఫెక్ట్ ఛాయిస్. రతీష్ రఘునందన్ దర్శకత్వం వహించిన ఈ చిత్రం 2022లో విడుదలైన మలయాళీ డ్రామా థ్రిల్లర్. ఈ సినిమా కుటుంబ సంబంధాలు, పక్క చూపుల పరిణామాల నేపథ్యంలో అల్లుకున్న ఒక రాత్రి కథ. ఇందులో ఇంద్రన్స్, ధ్యాన్ శ్రీనివాసన్, దుర్గా కృష్ణ ప్రధాన పాత్రలు పోషించారు. ఈ క్రేజీ క్రైమ్ థ్రిల్లర్ అమెజాన్ ప్రైమ్ వీడియో (Amazon Prime Video) ఓటీటీలో అందుబాటులో ఉంది.
Read Also : నదిలో తేలే శవాలు… జంతుబలితో శాంతి పూజలు… కన్నడ హర్రర్ థ్రిల్లర్ ఓటీటీ రిలీజ్ డేట్
ఈ సినిమా స్టోరీ మొత్తం ఒకే ఇంట్లో నడుస్తుంది. అనారోగ్యంతో మంచానపడిన అత్తగారిని చూసుకుంటూ కాలం గడుపుతుంది కోడలు. భర్త ఉద్యోగం కోసం పెళ్ళానికి, ఊరికి దూరంగా ఉంటాడు. ఎప్పుడో ఒకసారి వచ్చే భర్త దగ్గర లేకపోవడంతో ఒంటరిగా ఫీల్ అవుతుంది భార్య. అలా అందరూ భార్యాభర్తలు ఉన్నట్టుగా తాము లేమనే తీవ్ర నిరాశలో ఉన్న షైనీ లైఫ్ మరో మగాడి ఎంట్రీతో ఊహించని మలుపు తీసుకుంటుంది. తన పాత స్నేహితుడు కిరణ్ తో రిలేషన్ స్టార్ట్ చేస్తుంది. ఓరోజు రాత్రి కిరణ్‌ను ఇంటికి పిలవడంతో అక్కడ ఊహించని సంఘటనలు చోటు చేసుకుంటాయి.
కోడలు ప్రియుడితో సన్నిహితంగా ఉండడాన్ని అత్త చూస్తుంది. దీంతో ప్రియుడితో కలిసి అత్తను చంపేస్తుంది కోడలు. కానీ స్టోరీ అంతా రెండవ అర్ధభాగంలో ప్రారంభమవుతుంది. చూడలేని, వినలేని షైనీ మామ తన కోడలిపై ప్రతీకారం తీర్చుకోవడానికి ప్లాన్ చేస్తాడు. అతను తన ప్రతీకారం తీర్చుకునే విధానం సినిమాను మరింత ఉత్కంఠభరితంగా చేస్తుంది. ఇంతకీ షైనీ మామ అసలు ఎలా ప్రతీకారం తీర్చుకున్నాడు? షైనీ, ఆమె ప్రియుడు ఆ ప్రమాదం నుంచి తప్పించుకున్నారా లేదా ? అనేది కథ.
Share
Sangareddy District: వెలుగులోకి.. SRC ల్యాబొరేటరీ యాజమాన్యం అరాచకాలు
Priyanka Jawalkar : జలకన్యలా మెరిసిపోతున్న జవాల్కర్.. స్కార్పియన్ బేబీ అదుర్స్..
