OTT Movie : ఓటిటిలో హారర్ సినిమాలకు ఎలాంటి క్రేజ్ ఉందో ప్రత్యేకంగా చెప్పక్కర్లేదు. ఈ జానర్ లో వచ్చే సినిమాలకు సపరేట్ గా ఫ్యాన్ బేస్ కూడా ఉంటుంది. ఎప్పుడెప్పుడు నయా హారర్ సినిమాలు వస్తాయా ఓటీటీలోకి అని ఓటిటి మూవీ లవర్స్ ఈగర్ గా వెయిట్ చేస్తూ ఉంటారు. గత పది రోజుల్లోనే ఓటిల్లోకి ఏకంగా మూడు హర్రర్ సినిమాలు అడుగు పెట్టాయి. అందులో రెండు తమిళ సినిమాలు ఉంటే, ఒకటి బాలీవుడ్ మూవీ. మరి ఈ మూడు సినిమాలు ఏ ఓటీటీలో స్ట్రీమింగ్ అవుతున్నాయి? వాటి స్టోరీ ఏంటి? అనే విషయాలను తెలుసుకుందాం పదండి.
బాక్స్ ఆఫీస్ ను షేక్ చేసిన స్త్రీ
ఆగస్ట్ 15న థియేటర్లలో రిలీజ్ అయిన హిందీ సీక్వెల్ స్త్రీ 2 సంచలన విజయాన్ని నమోదు చేసుకుంది. ఈ బిగ్గెస్ట్ బ్లాక్ బస్టర్ హిట్ మూవీ 60 కోట్ల బడ్జెట్ తో రూపొంది, ఇప్పటిదాకా 850 కోట్లకు పైగా కలెక్షన్లను కొల్లగొట్టింది. ఇందులో రాజ్ కుమార్ రావు హీరోగా నటించగా, శ్రద్ధ కపూర్ హీరోయిన్ గా నటించింది. ఆగస్టు 15న థియేటర్లలో రిలీజ్ అయిన ఈ మూవీకి డైరెక్టర్ అమర్ కౌశిక్ దర్శకత్వం వహించారు. ప్రస్తుతం ఈ మూవీ అమెజాన్ ప్రైమ్ వీడియోలో స్ట్రీమింగ్ అవుతోంది. అయితే ఈ సినిమా రెంటల్ విధానంలో అందుబాటులో ఉంది.
పేచి
ఇదొక తమిళ హారర్ మూవీ. ‘పేచీ’ అనే టైటిల్ తో తెరకెక్కిన ఈ సినిమా సెప్టెంబర్ 20 నుంచి ఓటిటిలో అందుబాటులోకి వచ్చింది. ఈ సినిమా ఆహా తమిళ్ తో పాటు అమెజాన్ ప్రైమ్ వీడియోలో కూడా స్ట్రీమింగ్ అవుతోంది. బాల శర్వానంద్, గాయత్రి శంకర్ ఇందులో లీడ్ రోల్స్ చేశారు. ప్రస్తుతం రెండు ఓటిటిలలో స్ట్రిమింగ్ అవుతున్న ఈ సినిమా ఆగస్టు 2న థియేటర్లలో రిలీజై మిక్స్డ్ టాక్ తెచ్చుకుంది. రామచంద్రన్ బి ఈ సినిమాకు దర్శకత్వం వహించారు. సినిమా మొత్తం తమిళనాడులో ఉన్న కొల్లిమలై హిల్స్ అనే అటవీ ప్రాంతంలో ట్రెక్కింగ్ కు వెళ్లే ఒక ఫ్రెండ్స్ గ్రూప్ చుట్టూ తిరుగుతుంది. అడవిలో ఉండే పేచీ అనే దయ్యాన్ని వీళ్ళు నిద్ర లేపుతారు. ఆ తర్వాత ఈ దయ్యం నుంచి ఎలా తప్పించుకున్నారు అనేది స్టోరీ.
డిమోంటి కాలనీ 2
డిమోంటి కాలనీ మూవీకి తెలుగులో కూడా మంచి రెస్పాన్స్ దక్కింది. దీంతో చాలా కాలంగా ఈ మూవీ సీక్వెల్ గురించి వెయిట్ చేస్తున్నారు మూవీ లవర్స్. అయితే అజయ్ జ్ఞానముత్తు దర్శకత్వం వహించిన ఈ సీక్వెల్ మూవీ ఆగస్ట్ 15 నుంచి తమిళంలో థియేటర్లలోకి వచ్చింది. ఆ వారం తర్వాత తెలుగులో కూడా రిలీజ్ అయింది. రెండు భాషల్లోనూ మంచి కలెక్షన్స్ సాధించిన ఈ సినిమాలో ప్రియా భవాని శంకర్, అరుల్ నిధి ప్రధాన పాత్రలు పోషించారు. ఇక సెప్టెంబర్ 27 నుంచి జీ5 అనే ఓటీటీలో ‘డిమోంటి కాలనీ 2’ స్ట్రీమింగ్ అవుతోంది. ఓటీటీలో కూడా తెలుగుతో పాటు తమిళంలో ఈ మూవీ అందుబాటులో ఉంది.
Share
Road Accidents: అర్ధరాత్రి ఘోర రోడ్డు ప్రమాదాలు.. ఎనిమిది మంది దుర్మరణం
Jr NTR vs Ram Charan : గ్లోబల్ స్టార్ రేంజ్ అంటే ఇదే మరి... తారక్ పై ఈజీగా గెలిచాడు..
