OTT Movie : క్రికెట్ ఈ పేరు వింటే ఇండియన్ సిటిజన్స్ పిచ్చెక్కిపోతారు. ప్రాణం కన్నా ఎక్కువగా క్రికెట్ ని ప్రేమిస్తారు ఇండియన్స్. అటువంటి కాన్సెప్ట్ తో ప్రేక్షకులముందుకు వస్తే ఆ సినిమాలను ఎలా ఆదరిస్తారో ప్రత్యేకంగా చెప్పక్కర్లేదు. క్రికెట్ కాన్సెప్ట్ తో వచ్చిన సినిమాలన్నీ బాక్సాఫీస్ దగ్గర మంచి విజయాన్ని నమోదు చేశాయి. ఓటిటి ప్లాట్ ఫామ్ లో సందడి చేస్తున్న ఈ సినిమాలపై ఓ లుక్ వేద్దాం పదండి.
లగాన్ : వన్స్ అపాన్ ఎ టైమ్ ఇన్ ఇండియా (Lagaan : Once upon a time in india)
2001లో హిందీలో విడుదలైన ఈ స్పోర్ట్స్ డ్రామా సినిమాని అమీర్ ఖాన్ నిర్మించారు. ఈ సినిమాకు అశుతోష్ గోవారికర్ దర్శకత్వం వహించాడు. అమీర్ ఖాన్, గ్రేసీ సింగ్, ప్రధాన పాత్రల్లో నటించారు. 25 కోట్ల బడ్జెట్తో నిర్మించిన లగాన్ 15 జూన్ 2001న విడుదలైంది. ఈ సినిమా షూటింగ్ భుజ్ సమీపంలోని గ్రామాల్లో జరిగింది. లగాన్ సినిమాకు నితిన్ చంద్రకాంత్ దేశాయ్ ఆర్ట్ డైరెక్టర్గా చేశారు. ఎ.ఆర్ రెహమాన్ సంగీతం తో ప్రేక్షకులను అలరించాడు. ఈ సినిమా అనేక అంతర్జాతీయ చలనచిత్రోత్సవాలలో ప్రదర్శించబడింది. ఉత్తమ విదేశీ భాషా చిత్రంగా అకాడమీ అవార్డుకు నామినేట్ చేయబడిన చివరి భారతీయ చిత్రంగా నిలిచింది. ఈ బ్లాక్ బస్టర్ మూవీ నెట్ఫ్లిక్స్ (Netflix) లో స్ట్రీమింగ్ అవుతుంది.
ఎమ్మెస్ ధోని : ది అన్ టోల్డ్ స్టోరీ (M.S.Dhoni : The Untold Story)
ఎమ్మెస్ ధోని మూవీ 2016లో హిందీ భాషలో విడుదలైంది. భారత జాతీయ క్రికెట్ జట్టు మాజీ కెప్టెన్ మహేంద్ర సింగ్ ధోని జీవితం ఆధారంగా రూపొందించారు. అరుణ్ పాండే, ఫాక్స్ స్టార్ స్టూడియోస్ నిర్మించిన ఈ సినిమాకు నీరజ్ పాండే దర్శకత్వం వహించాడు. సుశాంత్ సింగ్ రాజ్పుత్, దిశా పటాని, కియారా అద్వానీ, అనుపమ్ ఖేర్ ప్రధాన పాత్రల్లో నటించిన ఈ సినిమా సెప్టెంబర్ 30న విడుదలైంది. ఈ సూపర్ హిట్ మూవీ హాట్స్టార్ (hotstar) లో స్ట్రీమింగ్ అవుతుంది.
800
శ్రీలంక క్రికెటర్ ముత్తయ్య మురళీధరన్ జీవితం ఆధారంగా రూపొందిన సినిమా 2023లో విడుదలైంది. వివేక్ రంగాచారి నిర్మించిన ఈ సినిమాకు ఎంఎస్ శ్రీపతి దర్శకత్వం వహించారు. మధుర్ మిట్టల్, మహిమా నంబియార్, నాజర్, రిత్విక ప్రధాన పాత్రల్లో నటించిన ఈ సినిమా ను అక్టోబరు 6న తమిళ, తెలుగు, హిందీ భాషల్లో విడుదలచేశారు. ఈ మూవీ అమెజాన్ ప్రైమ్ వీడియో (Amazon prime video) లో స్ట్రీమింగ్ అవుతోంది.
లబ్బర్ పండు (Lubber Pandhu)
లబ్బర్ పాండు 2024లో విడుదలైన తమిళ స్పోర్ట్స్ డ్రామా మూవీ. ఈ మూవీకి తమిళరసన్ పచ్చముత్తు దర్శకత్వం వహించాడు.ఈ చిత్రంలో సంజన కృష్ణమూర్తి, స్వసిక, బాల శరవణన్, కాళి వెంకట్, గీతా కైలాసం, దేవదర్శిని,జెన్సన్ ప్రధాన పాత్రలు పోషించారు. లబ్బర్ పాండు ప్రపంచవ్యాప్తంగా 20 సెప్టెంబర్ 2024న థియేటర్లలో విడుదలైంది. ఈ మూవీకి సీన్ రోల్డాన్ సంగీతం అందించారు. విమర్శకుల ప్రశంసలను అందుకున్న ఈ మూవీ హాట్ స్టార్ (hotstar) లో స్ట్రీమింగ్ అవుతుంది.
Share
Pushpa2 Collections : బాక్సాఫీస్ ఊచకోత.. పుష్ప గాడి రికార్డుల మోత.. ఎన్ని కోట్లంటే..?
Bhatti Vikramarka vs Harish Rao: తెలంగాణ అప్పులపై చర్చ.. చరిత్ర వద్దు, అసలు విషయానికి రండి
