OTT Movie : ఓటిటిలో వందలాది సినిమాలు అందుబాటులో ఉన్నాయి. అయితే అందులోనూ కొన్ని సినిమాలు మాత్రం ఒక్కసారి చూస్తే జీవితాంతం మర్చిపోలేమో అన్నట్టుగా ఉంటాయి. ఈరోజు మనం చెప్పుకోబోయే మూవీ కూడా అలాంటిదే. అయితే టైటిల్ ని చూసి బో*ల్డ్ మూవీ అనుకుంటున్నారేమో ఇది పక్కా ఫ్యామిలీ ఎంటర్టైనర్. తండ్రి కూతుర్ల అనుబంధంతో తెరకెక్కిన ఈ సినిమా థియేటర్లను షేక్ చేసింది. తాజాగా ఓటీటీలో కూడా మంచి రెస్పాన్స్ ను దక్కించుకుంది. మరి ఈ మూవీ కథ ఏంటి? ఏ ఓటీటీలో అందుబాటులో ఉంది? అనే విషయాన్ని ఇప్పుడు తెలుసుకుందాం.
స్టోరీ లోకి వెళ్తే…
సినిమాలో తల్లి చనిపోవడంతో తండ్రీ కూతుర్లు మాత్రమే ఉంటారు. మొండిగా ఉండే తండ్రికి కూతురు అంటే మహా ఇష్టం. ఆమె ఏం చెప్పినా సరే చిన్న పిల్లాడిలా తలాడిస్తాడు ఆ తండ్రి. కూతురు లేకుండా ఒక్క నిమిషం కూడా బతకలేను అన్నంత ప్రేమగా చూసుకుంటాడు. పెద్దగా ఆస్తిపాస్తులు ఏమీ లేకపోయినా కూతురే ప్రపంచం అన్నట్టుగా ఆ తండ్రి ఉంటే, తండ్రిని తల్లిలా చూసుకునే కూతురు స్టోరీ తో ఈ మూవీ నడుస్తుంది. అయితే ఓ రోజు పాప స్కూల్ ట్రిప్ కోసం వేరే ప్రాంతానికి వెళ్లాల్సి వస్తుంది. వెళ్ళినప్పటి నుంచి ఇద్దరూ ఎప్పటికప్పుడు ఫోన్లో మాట్లాడుకుంటూనే ఉంటారు. అయితే కూతురు ఇంటికి వచ్చే టైంకి తండ్రి వేరే పనిలో బిజీగా ఉండి ఇంటికి త్వరగా రాలేకపోతాడు. అంతలోనే జరగరాని అఘాయిత్యం జరిగిపోతుంది. అయితే అసలు అక్కడ ఏం జరిగింది? చేసింది ఎవరు? అనే విషయాలను తెలుసుకోవడానికి ఆ తండ్రి కొత్త నాటకం మొదలు పెడతాడు. మరి చివరికి హీరో తన కూతురిపై అఘాయిత్యం చేసిన నిందితులు ఎవరు అన్నది కనిపెట్టాడా? ఆ అమ్మాయి బతికే ఉందా? ఇంతకీ ఇలాంటి దారుణమైన ఘాతకానికి ఒడిగట్టింది ఎవరు? ఎందుకు చేశారు? అనే విషయాలు తెలియాలంటే ఈ మూవీని తెరపై చూసి తెలుసుకోవాల్సిందే.
నెట్ ఫ్లిక్స్ లో స్ట్రీమింగ్…
ఇప్పుడు మనం మాట్లాడుకుంటున్న మూవీ మరేదో కాదు తమిళ స్టార్ విజయ్ సేతుపతి హీరోగా నటించిన ‘మహారాజా’. జూలై 12 నుంచి ఈ మూవీ ఓటిటి లో తెలుగుతో పాటు తమిళ, హిందీ, కన్నడ, మలయాళ భాషల్లో స్ట్రీమింగ్ అవుతోంది. జూన్ 14న థియేటర్లలోకి వచ్చిన ఈ తమిళ మూవీ 100 కోట్లకు పైగా వసూళ్లను కొల్లగొట్టింది. తెలుగులో కూడా మంచి హిట్ టాక్ ను సొంతం చేసుకుంది. అయితే థియేటర్లలో రిలీజ్ అయిన నెల రోజుల్లోనే ఈ మూవీ ఓటిటిలోకి అడుగు పెట్టింది. ఇక ఇక్కడ చెప్పుకోవాల్సిన మరో విషయం ఏమిటంటే హీరోగా విజయ్ సేతుపతికి ఇది 50వ సినిమా. ఈ స్టోరీని మ్యాజికల్ స్క్రీన్ ప్లే తో నడిపించింది డైరెక్టర్ నితిలన్ స్వామినాథన్. గ్రిప్పింగ్ స్టోరీ తో ప్రేక్షకులను కట్టి పడేసారు డైరెక్టర్. ఒకవేళ ఎవరైనా ఇంకా ఈ సినిమాను చూడకపోతే వెంటనే ఒక లుక్కెయ్యండి.
Share
Horoscope 27 September 2024: ఈ రాశి వారికి ఊహించని ధన లాభం.. శ్రీలక్ష్మి ధ్యానం శుభకరం!
OTT Movie : 19 ఏళ్ల అబ్బాయికి రొమాన్స్ నేర్పించే 30 ఏళ్ల యువతి... సింగిల్ గా ఉన్నప్పుడు చూడాల్సిన మూవీ
