OTT Movie : ఓటిటిలో ఎన్నో క్రైమ్ థ్రిల్లర్ సినిమాలు ఉంటాయి. కానీ వాటిలో కొన్ని సినిమాలను చూస్తే గుండె బరువు ఎక్కడమే కాదు కోపంతో రక్తం సలసలా మరిగిపోతుంది. ఆ క్రైమ్ చేసే వారిని అక్కడే చంపి పాతరేయాలి అన్నంత కోపం వస్తుంది. అంతటి ఎక్సైటింగ్ ఫీలింగ్ ఇచ్చే క్రైం థ్రిల్లర్ మూవీనే ఇప్పుడు మనం మాట్లాడుకుంటున్న మూవీ. పైగా ఇది ఒక ఆంథాలజి సిరీస్. మరి ఈ సిరీస్ స్టోరీ ఏంటి? ఎక్కడ చూడొచ్చు? అనే విషయాలను తెలుసుకుందాం పదండి.
నెట్ ఫ్లిక్స్ లో స్ట్రీమింగ్…
ఇప్పుడు మనం చెప్పుకుంటున్న సిరీస్ పేరు ‘పావ కథైగల్’. ఇందులో సాయి పల్లవి, అంజలి, సిమ్రాన్, కల్కి, గౌతమ్ మీనన్, ప్రకాష్ రాజ్ వంటి స్టార్స్ ప్రధాన పాత్రలు పోషించారు. సిరీస్ మొత్తం నాలుగు ఎపిసోడ్లతో సాగగా, అందులో నాలుగు డిఫరెన్స్ స్టోరీలు ఉంటాయి. కానీ అన్ని పరువుకు సంబంధించిన స్టోరీలే కావడం గమనర్హం. ప్రస్తుతం ఈ సిరీస్ నెట్ ఫ్లిక్స్ లో స్ట్రీమింగ్ అవుతోంది.
ముందుగా టైటిల్ లో ప్రస్తావించిన ఎపిసోడ్ గురించి మాట్లాడుకుందాం. ఇది ఈ సిరీస్లో నాల్గవ స్టోరీ. విషయంలోకి వెళ్తే.. ఈ స్టోరీ పేరు ఆ రాత్రి. సుమతి అనే అమ్మాయి తండ్రికి చెప్పకుండానే లవ్ మ్యారేజ్ చేసుకొని భర్తతో సపరేట్ గా కాపురం ఉంటుంది. అయితే ప్రెగ్నెంట్ అయిన ఈ అమ్మాయి డెలివరీ టైం దగ్గర పడుతున్న టైంలో తండ్రి ఆమెను వెతుక్కుంటూ వస్తాడు. ఇంకేముంది మొత్తానికి తండ్రికి కోపం తగ్గింది, వారసుడు పుట్టే టైంకి వచ్చాడు అని తెగ సంతోషపడుతుంది. అంతా హ్యాపీ అనుకునే లోపే పరువు కోసం కడుపుతో ఉన్న కన్న కూతురిని చంపడానికి కూడా వెనకాడడు ఆ కసాయి తండ్రి. మరి చివరికి అతను కూతుర్ని చంపేశాడా? అనే విషయం తెలియాలంటే ఈ ఎపిసోడ్ చూడాల్సిందే.
మొదటి స్టోరీలోకి వెళ్తే ‘నా బంగారం’ టైటిల్. ఓ పల్లెటూరి అబ్బాయి తనకు అమ్మాయి లక్షణాలు ఉన్నాయని గుర్తిస్తాడు. అంతేకాకుండా తనకు అమ్మాయిల మారడం ఇష్టం ఉండడంతో ఆపరేషన్ చేయించుకుని, ప్రేమించిన అబ్బాయిని పెళ్లి చేసుకుందాం అని ఆశపడతాడు. ఆపరేషన్ తర్వాత ఊరికి తిరిగి వచ్చిన అతను ఊర్లో ఎలాంటి పరిస్థితులను ఎదుర్కొన్నాడు? అనుకున్నట్టుగా ప్రేమ పెళ్లి చేసుకున్నాడా అనేది ‘నా బంగారం’ స్టోరీ.
సెకండ్ స్టొరీలో ఇద్దరు ట్విన్స్ ఉంటారు. కానీ తండ్రికి భయపడి ప్రేమ విషయాన్ని దాచిపెడతారు. ట్విన్స్ లో ఆదిలక్ష్మి అనే అమ్మాయి కాస్త ధైర్యం చేసి తన ప్రేమ గురించి తనకి చెప్పేస్తుంది. కానీ ఆ తండ్రి కులం పేరుతో ఆమెను చంపి పారేస్తాడు. దీంతో తన లవ్ గురించి ఇంట్లో చెప్పకుండా ఒక లెస్బియన్ అంటూ డ్రామాలు ఆడిన మరో అమ్మాయిని తండ్రి ఏం చేశాడు అనేది ‘వాళ్లను ప్రేమించుకోనీ’ అనే స్టోరీలో చూడాల్సిందే.
మూడో స్టోరీ లో సత్యం, ఆది అనే దంపతులు ఉంటారు. ఈ దంపతులకు ముగ్గురు పిల్లలు ఉంటారు. ఈ హ్యాపీ ఫ్యామిలీలోని చిన్న పాపపై అత్యాచారం జరగడంతో ఆ కుటుంబం పరిస్థితి అల్లకల్లోలం అవుతుంది. మరి చివరికి స్టొరీ ఎలాంటి మలుపు తిరిగిందో తెలియాలంటే ‘దివి కుమార్తె’ అనే ఈ మూడో ఎపిసోడ్ ను చూడాల్సిందే.
Share
CM Chandrababu meet PM Modi: ప్రధాని మోదీ సీఎం చంద్రబాబు గంటపాటు భేటీ, చివరలో లడ్డూ వ్యవహారం కూడా?
Konda surekha comments: మంత్రిపై పరువు నష్టం కేసు.. నేడు కోర్టుకు నాగార్జున.. కోర్టు నిర్ణయంపై ఉత్కంఠ!
