Telugu Comedy Drama : ఇటీవల కాలంలో సినిమాలు ఒకే ఓటీటీలో కాకుండా మల్టిపుల్ ఓటీటీలలో దర్శనం ఇస్తున్నాయి. తాజాగా మరో తెలుగు సినిమా కూడా ఇలా రెండు ఓటీటీ ప్లాట్ ఫామ్ లలోకి అందుబాటులోకి వచ్చింది. ఇప్పటికే ETV Winలో హిట్ అయి, ఇప్పుడు Amazon Prime Videoలోకి కూడా వచ్చేసిన ఈ సినిమా తెలుగు ఆడియన్స్ను బాగా ఆకట్టుకుంటోంది. థియేటర్లలో ఆశించిన రెస్పాన్స్ దక్కకపోయినా, ఓటీటీలో మాత్రం దూసుకుపోతోంది. ఈ మూవీ పేరు ‘పాపం ప్రతాప్’ (Papam Prathap). 2026 ఏప్రిల్ 17న థియేటర్లలో విడుదలైన ఈ కామెడీ డ్రామాను ఎస్పీ దుర్గా నరేష్ దర్శకత్వం వహించారు. తిరువీర్, పాయల్ రాధాకృష్ణ జంటగా నటించిన ఈ చిత్రం నవ్వుల విందుగా ఉంటుంది.
గోదావరి లంక గ్రామంలో పురుగుల మందుల వ్యాపారం చేసుకుంటాడు వీరయ్య (అజయ్ ఘోష్). అతని కొడుకు ప్రతాప్ (తిరువీర్). చిన్నప్పటి నుంచి తన క్లాస్మేట్ బుజ్జమ్మ (పాయల్ రాధాకృష్ణ)ను ప్రతాప్ ప్రేమిస్తాడు. పెద్దయ్యాకా ఇద్దరూ పెళ్లి కూడా చేసుకుంటారు. అంతా సంతోషంగా సాగుతుందనుకున్న సమయంలోనే ఒక ఊహించని ట్విస్ట్ వచ్చి పడుతుంది. బుజ్జమ్మ ఊరి పెద్దల ముందు ఒక పంచాయితీ పెట్టి, తన భర్తతో తనకు సంబంధించిన ఒక సమస్యను బయట పెడుతుంది.
ఆ సమస్య ఏమిటో తెలిసి ఊరంతా షాక్ అవుతుంది. ప్రతాప్పై గ్రామంలో అనుమానాలు మొదలవుతాయి. దీంతో ఊర్లో వాళ్ళ వ్యంగ్యాస్త్రాలు విసరడంతో పాటు చెవులు కోరుక్కుంటూ ఉంటారు. భార్య శోభనం జరిగిన వెంటనే ఇలా తన సమస్యను అందరి ముందు పెట్టడం పెద్ద తలనొప్పిగా మారుతుంది. ఈ పరిస్థితుల్లో ప్రతాప్ తన సమస్యను అర్థం చేసుకుని దాన్ని ఎలా ఎదుర్కొంటాడు ? తన భార్యతో సంబంధాన్ని ఎలా సరిదిద్దుకుంటాడు ? ఈ క్రమంలో జరిగే ఫన్నీ, ఎమోషనల్, ఫ్యామిలీ డ్రామా, మంచి సందేశం ఉన్న ఈ సినిమాను అస్సలు మిస్ చేసుకోకండి
తిరువీర్ సహజమైన కామెడీ టైమింగ్తో మంచి పర్ఫార్మెన్స్ ఇచ్చాడు. పాయల్ రాధాకృష్ణ బ్రేవ్ అండ్ ఎమోషనల్ హీరోయిన్ పాత్రలో ఆకట్టుకుంటుంది. అజయ్ ఘోష్, రాశి, దేవి ప్రసాద్, రఘుబాబు, శ్రీనివాస్ అవసరాల తదితరులు సపోర్టింగ్ కాస్ట్ గా నటించారు. గ్రామీణ బ్యాక్డ్రాప్తో సరదా, హార్ట్ టచింగ్ స్టోరీగా రూపొందింది. సెన్సిటివ్ అంశాన్ని కామెడీ ద్వారా సెన్సిటివ్ గా చెప్పడం నిజంగా స్పెషలే. ‘పాపం ప్రతాప్’ ప్రస్తుతం ఈటీవీ విన్, అమెజాన్ ప్రైమ్ వీడియోలో అందుబాటులో ఉంది. వీకెండ్ మంచి ఫ్యామిలీ ఎంటర్టైనర్ ను చూడాలి అనుకునే వారికి ఇది బెస్ట్ సజెషన్. పైగా రెండు ఓటీటీలలో అందుబాటులో ఉంది. ఒక దాంట్లో సబ్స్క్రిప్షన్ లేకపోతే మరో ఓటీటీలో చూసి ఎంజాయ్ చేయవచ్చు.
Read Also : ఇంటర్వ్యూను మధ్యలో ఆపేస్తే మర్డర్… మైండ్ బెండింగ్ కొరియన్ సైకలాజికల్ థ్రిల్లర్
Share
Telugu Tv Serials : సీరియల్స్ కు డబ్బులు ఎలా వస్తాయో తెలుసా..? ఇన్నాళ్లకు క్లారిటీ వచ్చేసిందిగా..
Brahmamudi Serial Today Episode June 25th ‘బ్రహ్మముడి’ సీరియల్: ఇందుకు షాక్ ఇచ్చిన రేఖ - అడ్డుగా నిలబడిన రాజు 
