Psychological Crime Thriller: చిన్న పిల్లలను టార్గెట్ చేసే ఓ సీరియల్ కిల్లర్… అతని పేరు వింటేనే తల్లిదండ్రులు వణికిపోయేంత భయం. కానీ అతని నేరాలు బయటపడిన 25 ఏళ్ల తర్వాత, అదే తరహాలో మరో బాలుడు కనిపించకుండా పోతే ? ఇంతకాలం జైలులో ఉన్న కిల్లర్ మళ్లీ బయటకు వచ్చాడా ? లేక అతని పాత నేరాలను ఎవరో కాపీ చేస్తున్నారా ? తండ్రి తన కొడుకును వెతుక్కుంటూ వెళ్లిన కొద్దీ, పాత కేసు వెనుక దాగి ఉన్న భయంకరమైన నిజాలు బయటపడే సైకలాజికల్ క్రైమ్ థ్రిల్లర్ ‘The Whisper Man’. మరి పాత సీరియల్ కిల్లర్ కథ మళ్లీ ఎందుకు తెరపైకి వచ్చింది ? చిన్నారి అదృశ్యానికి దానికున్న సంబంధం ఏంటి ? అనే వివరాలను కథలో తెలుసుకుందాం పదండి.
టామ్ కెన్నెడీ తన భార్యను కోల్పోయిన తర్వాత తన ఎనిమిదేళ్ల కొడుకు జేక్ తో కలిసి కొత్త ఇంటికి మారతాడు. కొడుకుతో కలిసి కొత్త జీవితాన్ని మొదలు పెట్టాలని అనుకుంటున్న సమయంలోనే జేక్ అనూహ్యంగా కనిపించకుండా పోతాడు. మొదట ఇది సాధారణ కిడ్నాప్ కేసులా అనిపించినా, దర్యాప్తు ముందుకు వెళ్లే కొద్దీ 25 ఏళ్ల క్రితం జరిగిన ఓ సీరియల్ కిల్లర్ కేసుతో ఉన్న లింక్ బయట పడుతుంది. ఆ కిల్లర్ను ‘ది విస్పర్ మ్యాన్’ అని పిలుస్తారు. పిల్లలను అపహరించి, వారి కుటుంబాలకు భయంకరమైన పరిస్థితులు సృష్టించడం అతని నేరాల పద్ధతి. అప్పట్లో ఈ కేసును ఛేదించిన మాజీ పోలీస్ అధికారి పీట్ విల్లిస్ ఇప్పుడు రిటైర్ అయి ఉంటాడు. కానీ జేక్ అదృశ్యం కావడంతో పాత కేసు మళ్లీ అతని ముందుకొస్తుంది.
జేక్ కోసం వెతుకుతున్న టామ్, తన తండ్రితో ఉన్న పాత విభేదాలను పక్కన పెట్టి అతని సహాయం కోరాల్సి వస్తుంది. అయితే అసలు ప్రశ్న ఇక్కడే మొదలవుతుంది. పాత కిల్లర్ నిజంగానే ఈ ఘటన వెనుక ఉన్నాడా ? లేక అతని నేరాలను ఎవరో కాపీ చేస్తున్నారా ? జేక్ అదృశ్యానికి, పాత కేసులోని రహస్యాలకు ఏదైనా లింక్ ఉందా ? కొడుకును వెతుక్కుంటూ వెళ్లిన టామ్ కు తన కుటుంబం గురించి కూడా ఊహించని నిజాలు బయటపడతాయి. చివరికి అసలు ‘విస్పర్ మ్యాన్’ ఎవరు? అతని భయంకరమైన ఆట మళ్లీ ఎందుకు మొదలైంది ? అనేదే సినిమాలో చూడాల్సిన అసలు ట్విస్ట్.
జేమ్స్ ఆష్క్రాఫ్ట్ దర్శకత్వం వహించిన ఈ సినిమా అలెక్స్ నార్త్ రాసిన 2019 బెస్ట్ సెల్లింగ్ నవల ఆధారంగా రూపొందింది. రాబర్ట్ డి నిరో పీట్ విల్లిస్గా, ఆడమ్ స్కాట్ టామ్ కెన్నెడీగా, మిషెల్ మోనగన్ డిటెక్టివ్ అమాండా బెక్గా, మైఖేల్ కీటన్ కీలక పాత్రలో నటించారు. ఆగస్టు 28 నుంచి Netflixలో స్ట్రీమింగ్ అవుతోంది. తెలుగు డబ్బింగ్ కూడా అందుబాటులో ఉంది. పిల్లల మిస్సింగ్ కేసులు, సీరియల్ కిల్లర్ మిస్టరీలు, డార్క్ క్రైమ్ థ్రిల్లర్స్ వంటి అంశాలతో సాగే ఈ సినిమా మంచి సీట్ ఎడ్జ్ వాచ్ అని చెప్పొచ్చు.
Read Also: దొంగను పట్టుకోబోయిన ఏజెంట్కి చుక్కలు… అడుగడుగునా ట్విస్టులు… ఇదేం కామెడీ భయ్యా
Share
కొండగట్టు కొట్లాట పొన్నంపై పవన్ వార్!
వెలిగొండ ప్రాజెక్ట్పై క్రెడిట్ వార్
