Psychological Thriller: ఒక ఇంట్లో భార్యాభర్తల మధ్య ప్రేమ తగ్గిపోయింది. కానీ ఆ గ్యాప్ ను ఫిల్ చేయడానికి భార్య తీసుకున్న ఓ నిర్ణయం… చివరికి అదే ఇంట్లో తల్లీకూతుళ్ల మధ్యే దూరం పెంచితే ? పైకి ఎంతో పర్ఫెక్ట్‌గా కనిపించే కుటుంబంలోకి ఓ కొత్త వ్యక్తి రావడంతో అందరి జీవితాలు తలకిందులైతే ? ఒక రహస్య బంధం బయట పడుతుందనే భయం, ఈర్ష్య, మోసం… ఇవన్నీ కలిసి పరిస్థితిని ఎక్కడికి తీసుకెళ్లాయి? అదే తాజాగా ఓటీటీలోకి వచ్చిన మెక్సికన్ సైకలాజికల్ థ్రిల్లర్ ‘డిజైర్’ (Desire / Deseo) కథ. మరి పెద్దలకు మాత్రమే అనిపించేలా ఉన్న ఈ సినిమా ఏ ఓటీటీలో ఉంది ? స్టోరీ ఏంటి ? అనే వివరాలపై ఒక లుక్కేద్దాం పదండి.
లూసెరో మంచి పేరు ఉన్న సక్సెస్ ఫుల్ లాయర్. భర్త ఫెర్నాండోతో కలిసి సంపన్నమైన జీవితాన్ని గడుపుతూ ఉంటుంది. వాళ్లకు ఓ టీనేజ్ కుమార్తె కూడా ఉంటుంది. బయట నుంచి చూస్తే ఈ కుటుంబంలో ఎలాంటి సమస్యా లేనట్టే కనిపిస్తుంది. కానీ లూసెరో మాత్రం తన వైవాహిక జీవితంలో సంతోషంగా ఉండదు. భర్తతో బంధం క్రమంగా ప్రేమ కంటే అలవాటుగా మారిపోవడంతో లోలోపల అసంతృప్తిగా ఉంటుంది.
అలాంటి సమయంలో ఆమె కూతురికి స్విమ్మింగ్ కోచ్‌గా మాటియాస్ వస్తాడు. యువకుడైన మాటియాస్ వ్యక్తిత్వం లూసెరోను ఆకర్షిస్తుంది. మొదట్లో తనలో కలుగుతున్న భావాలను ఆమె పట్టించుకోదు. కానీ అతనితో పరిచయం పెరిగే కొద్దీ పరిస్థితి మారిపోతుంది. చివరికి తన కుటుంబానికి తెలియకుండా మాటియాస్‌తో రహస్య సంబంధాన్ని కొనసాగిస్తుంది. ఇక్కడి నుంచే అసలు సమస్య మొదలవుతుంది. లూసెరో తన రహస్యాన్ని దాచిపెట్టాలని ప్రయత్నిస్తుండగానే, మాటియాస్‌పై తన కూతురికి కూడా ఆసక్తి పెరుగుతుంది.
ఆమెకు తల్లి ఏం చేస్తుందో తెలియదు. దీంతో ఒకే వ్యక్తి చుట్టూ తల్లీకూతుళ్ల మధ్య తెలియని పోటీ మొదలవుతుంది. లూసెరో మాత్రం విషయం బయట పడితే తన కుటుంబ జీవితం పూర్తిగా కూలిపోతుందని భయపడుతుంది. మాటియాస్‌తో ఉన్న సంబంధాన్ని ఎలా దాచాలి? కూతురికి నిజం తెలియకుండా ఎలా ఆపాలి? అనే ఆలోచనలతో ఆమె మరింత ఒత్తిడికి లోనవుతుంది.
మరోవైపు కుటుంబంలో అనుమానాలు మొదలవుతాయి. చిన్న చిన్న విషయాలే పెద్ద గొడవలకు దారితీస్తాయి. ఈర్ష్య, అనుమానం, దాచిన నిజాలు ఒక్కొక్కటిగా బయటకు రావడంతో లూసెరో తన నిర్ణయాల పర్యవసానాలను ఎదుర్కోవాల్సి వస్తుంది. ఒకప్పుడు తనకు ఆనందాన్ని ఇచ్చిన ఆ రహస్య బంధమే ఇప్పుడు తన కుటుంబాన్ని కోల్పోయే పరిస్థితికి తీసుకొస్తుంది.
చివరికి నిజాలు బయటపడే కొద్దీ ప్రతి ఒక్కరి మధ్య ఉన్న సంబంధాలు మారిపోతాయి. లూసెరో తన కోరిక కోసం తీసుకున్న నిర్ణయం ఎలాంటి పరిణామాలకు దారి తీసింది ? ఒక రహస్య సంబంధంతో మొదలైన కథ చివరికి ఎలాంటి టర్న్ తీసుకుంది ? అన్నది తెలియాలంటే సినిమాను చూడాల్సిందే. నమ్మకం పోయినప్పుడు కుటుంబ బంధాలు ఎంత సులభంగా కూలిపోతాయో ఈ సినిమాలో చూడవచ్చు.
‘డిజైర్’ మూవీ ప్రస్తుతం నెట్‌ఫ్లిక్స్‌ (Netflix)లో అందుబాటులో ఉంది. సినిమా ఒరిజినల్ స్పానిష్ ఆడియోతో పాటు ఇంగ్లీష్ డబ్బింగ్, సబ్‌టైటిల్స్ ఆప్షన్స్‌తో వస్తోంది. ప్రస్తుతం తెలుగు డబ్బింగ్ ఆడియో అందుబాటులో లేదు. ఇందులో అడల్ట్ థీమ్స్, బోల్డ్ కంటెంట్ ఉండటంతో, ఈ సినిమా పెద్దలకు మాత్రమే అని గుర్తు పెట్టుకోండి.
Read Also: అడవిలో ఫ్రెండ్స్‌తో పార్టీ…
చివరికి ఒకరినొకరు చంపుకునే పరిస్థితి… క్లైమాక్స్ ట్విస్ట్ కేక
Share
కేబీఆర్ పార్క్ చుట్టూ కొత్త ట్రాఫిక్ రూల్స్.. వన్-వే నిబంధనలతో అల్లాడిపోయిన వాహనదారులు
రూ. 1185 కోట్ల కలెక్షన్స్... తెలుగులో స్ట్రీమింగ్ అవుతున్న రాబిన్ హుడ్ చివరి కథ
