గోవింద్ ఫ్యామిలీ థెరపిస్ట్. భార్యాభర్తల మధ్య వచ్చే సమస్యలను పరిష్కరించడమే అతని వృత్తి. ఎవరి మధ్య విభేదాలు వచ్చినా మాట్లాడుకోవాలని, ఒకరినొకరు అర్థం చేసుకోవాలని ఇతరులకు చెబుతుంటాడు. కానీ అతని వివాహ బంధంలో మాత్రం పరిస్థితులు ఆపొజిట్ గా ఉంటాయి. ఒక దశలో గోవింద్ భార్య కమల అతని నుంచి విడిపోవాలని నిర్ణయించుకుంటుంది. గోవింద్ కు ఇది ఊహించని షాక్. తన కుటుంబాన్ని ఎలా కాపాడుకోవాలో ఆలోచించే సమయంలోనే అతని ముగ్గురు స్నేహితుల జీవితాల్లో కూడా దాదాపు ఇదే సమస్య మొదలవుతుంది. వారి భార్యలు కూడా విడాకుల నిర్ణయం తీసుకుంటారు.
నలుగురు స్నేహితులు కలిసి తమ పెళ్లిళ్లను కాపాడుకునేందుకు ప్రయత్నిస్తారు. కానీ సమస్య ఎక్కడుందో బయట నుంచి అంచనా వేయడం, సొంత జీవితంలో దాన్ని ఎదుర్కోవడం మధ్య ఎంత తేడా ఉంటుందో గోవింద్ కు తెలుస్తుంది. ఇతరులకు సలహాలు ఇచ్చే వ్యక్తే తన భార్యతో మాట్లాడేటప్పుడు ఎందుకు విఫలమవుతున్నాడనే అంశం కథలో ఆసక్తిని పెంచుతుంది. వీళ్ల ప్రయత్నాల్లో ఎన్నో హాస్యభరితమైన పరిస్థితులు ఎదురవుతాయి. అదే సమయంలో భార్యాభర్తల మధ్య సంవత్సరాలుగా పేరుకుపోయిన అసంతృప్తులు కూడా బయటకు వస్తాయి. ప్రేమ ఉన్నప్పటికీ దాన్ని వ్యక్తం చేయకపోవడం, ఒకరినొకరు అర్థం చేసుకోకపోవడం, కుటుంబ జీవితంలో చిన్న విషయాలు పెద్ద సమస్యలుగా మారడం వంటి అంశాలను సినిమా వినోదాత్మకంగా చూపిస్తుంది.
గోవింద్ తన భార్యను తిరిగి తన జీవితంలోకి తీసుకురాగలడా ? నలుగురు స్నేహితుల పెళ్లిళ్లు నిజంగానే విడాకుల వరకు వెళ్తాయా ? వాళ్ల భార్యలు ఒకేసారి ఎందుకు ఇలాంటి నిర్ణయం తీసుకున్నారు ? ఇతరుల కుటుంబాలను కాపాడే ఫ్యామిలీ థెరపిస్ట్ తన పెళ్లిని కాపాడుకోవడానికి చివరకు ఏం చేశాడనేది ‘పురుషః’ (Purushaha)లో చూడాల్సిన ఆసక్తికరమైన అంశం.
Also Read : రాత్రిళ్లు కనిపిస్తున్న ఆ శవం ఎవరిది ? హారర్ కాదు అంతకు మించి… ప్రతీ సీన్ సీట్ ఎడ్జ్ ట్విస్ట్
‘పురుషః’ తెలుగు సినిమా. ఈ సినిమా Ahaలో తెలుగు ఆడియోతో అందుబాటులో ఉంది. పవన్ కళ్యాణ్ బట్టుల, సప్తగిరి, వెన్నెల కిషోర్, రాజ్‌కుమార్ కసిరెడ్డి తదితరులు ఇందులో నటించారు.
Share
మహాత్మా గాంధీని అవమానించేలా రీల్.. పాపులర్ ఇన్‌ఫ్లుయెన్సర్ అరెస్ట్
సిమ్ లేదు.. టవర్ అక్కర్లేదు.. భద్రతా బలగాలకు చుక్కలు చూపిస్తున్న 'లోరా' ఆయుధం!
