Pyaar Prema Kalyanam OTT : పెళ్లయ్యాక అమ్మాయి అత్తారింటికి వెళ్లడం మన దగ్గర చాలా సాధారణం. కానీ ఇక్కడ మాత్రం కథ పూర్తిగా రివర్స్. ప్రేమించిన అమ్మాయిని పెళ్లి చేసుకున్న హీరో… చివరికి అత్తారింటికి ఇల్లరికం వెళ్లాల్సి వస్తుంది. మొదట్లో భార్యతో కలిసి ఉంటే చాలు అనుకున్న అతనికి, పెళ్లి తర్వాతే అసలు కష్టాలు మొదలవుతాయి. అత్తగారి రూల్స్, భార్య మాట, తన సెల్ఫ్ రెస్పెక్ట్ మధ్య ఇరుక్కుపోయిన అతని జీవితం ఎలా మారిపోయింది ? ప్రేమ కోసం తీసుకున్న నిర్ణయమే చివరికి ఎందుకు భారంగా అనిపించింది ? అదే ఈ Pyaar Prema Kalyanam సినిమా కథ. మరి ఈ జెన్ జీ లవ్ స్టోరీని తెలుగులో ఏ ఓటీటీలో చూడవచ్చు ? అన్నది తెలుసుకుందాం పదండి.
హీరో ఓ మిడిల్ క్లాస్ కుర్రాడు. ఎలాంటి హంగామా లేకుండా తనదైన స్టైల్లో జీవితాన్ని గడుపుతుంటాడు. అలాంటి సమయంలో అతనికి ఓ మోడ్రన్, ఇండిపెండెంట్గా ఆలోచించే ఐటీ ఉద్యోగినితో పరిచయం ఏర్పడుతుంది. పరిచయం కాస్తా ప్రేమగా మారుతుంది. ఇద్దరూ ఒకరినొకరు అర్థం చేసుకున్న తర్వాత పెళ్లి చేసుకోవాలని నిర్ణయించుకుంటారు. కానీ హీరోయిన్ తల్లికి కూతురంటే చాలా ఇష్టం. పెళ్లి తర్వాత ఆమె వేరే ఇంటికి వెళ్లిపోవడం ఆమెకు అస్సలు ఇష్టం ఉండదు. తన కూతురు ఎప్పుడూ తన దగ్గరే ఉండాలనుకుంటుంది. అందుకే పెళ్లికి ఓ షరతు పెడుతుంది. అల్లుడు తమ ఇంట్లోనే ఉండాలని చెబుతుంది.
భార్యపై ఉన్న ప్రేమతో హీరో కూడా ఈ కండిషన్కు ఒప్పుకుంటాడు. తన ఇల్లు వదిలి అత్తారింట్లో అడుగుపెడతాడు. కానీ అక్కడికి వెళ్లిన తర్వాత అతనికి అసలు కష్టం మొదలవుతుంది. ఇంట్లో ప్రతి విషయానికీ అత్తగారి రూల్స్ ఉంటాయి. ఎప్పుడు లేవాలి, ఎలా ఉండాలి, ఏం చేయాలి అన్నదానిపై కూడా ఆమెదే ఫైనల్ డెసిషన్. మరోవైపు భార్య తన ఉద్యోగం, కెరీర్లో బిజీగా ఉంటుంది. భర్తతో ఏదైనా చిన్న గొడవ వచ్చినా అత్తగారు మధ్యలోకి రావడంతో సమస్య మరింత పెద్దదవుతుంది. హీరో తన మాటకు కూడా ఇంట్లో విలువ ఉండాలని కోరుకుంటాడు. కానీ ఏం మాట్లాడినా చివరికి తానే ఇబ్బందుల్లో పడుతుంటాడు.
మొదట ఇవన్నీ కామెడీగా కనిపించినా… క్రమంగా హీరోలో అసంతృప్తి పెరుగుతుంది. తాను ప్రేమ కోసం ఇంత త్యాగం చేసినా, భార్య తన భావాలను అర్థం చేసుకోవడం లేదనే బాధ మొదలవుతుంది. భార్య కూడా తల్లి మాటకు, భర్త ప్రేమకు మధ్య నలిగిపోతుంది. మరి చివరికి హీరో తన సెల్ఫ్ రెస్పెక్ట్ కోసం అత్తారింటిని వదిలి వెళ్లిపోయాడా ? భార్య తన తప్పును గుర్తించి భర్త వైపు నిలబడిందా? అత్తగారి రూల్స్కు హీరో ఎలా చెక్ పెట్టాడు ? ప్రేమించి పెళ్లి చేసుకున్న ఈ జంట చివరికి కలిసి ఉన్నారా ? ఈ ప్రశ్నలకు సమాధానమే మిగతా కథ.
తమిళ మూవీ ‘ప్యార్ ప్రేమ కళ్యాణం’ Netflixలో తెలుగు డబ్బింగ్తో అందుబాటులో ఉంది. ప్రేమ, ఫ్యామిలీ కామెడీ, భార్యాభర్తల మధ్య జరిగే చిన్న చిన్న గొడవలతో పాటు రిలేషన్షిప్ ఎమోషన్స్ తో సినిమా సరదాగా సాగిపోతుంది.
Share
బాబర్ లేకపోతే ఇంత దారుణంగా ఓడిపోతారా ? ఇక అందరూ వెళ్లి బావిలో దూకండి
ఫోక్ ఇండస్ట్రీని బ్లేమ్ చేస్తే ఊరుకోం!.. ఈశ్వర్ సాయి-మాధురి రాధోడ్ లపై మండిపడ్డ జాను లిరి!
