OTT Movie : క్రైమ్ థ్రిల్లర్ సినిమాలు ఓటీటీ ఫ్లాట్ ఫామ్లో హల్చల్ చేస్తున్నాయి. ఈ క్రైమ్ స్టోరీలు, వెబ్ సిరీస్ లను ప్రేక్షకులు బాగా ఆదరిస్తున్నారు. రీసెంట్ గా వచ్చిన ఇటువంటి సినిమాలు మంచి విజయాలను అందుకుంటున్నాయి. ఇప్పుడు మనం చెప్పుకునే క్రైమ్ థ్రిల్లర్ మూవీ తమిళ్ ఇండస్ట్రీ నుంచి వచ్చింది. ఇందులో రజిని తన భర్తని చంపిన వాళ్లపై రివేంజ్ తీర్చుకోవడానికి ప్రయత్నిస్తుంది. చివరివరకు ఈ మూవీ ట్విస్ట్ లతో కుర్చీలకి కట్టిపడేస్తుంది. ఈ క్రైమ్ థ్రిల్లర్ మూవీ పేరు ఏమిటి? ఎందులో స్ట్రీమింగ్ అవుతుందో వివరాల్లోకి వెళితే..
ఆహా (aha) లో
ఈ తమిళ క్రైమ్ థ్రిల్లర్ మూవీ పేరు ‘రెజీనా’ (Regina). 2023 లో వచ్చిన ఈ తమిళ క్రైమ్ థ్రిల్లర్ మూవీకి రెజీనా డొమిన్ దర్శకత్వం వహించారు. డి. సిల్వా, ఎల్లో బేర్ ప్రొడక్షన్ బ్యానర్పై సతీష్ నాయర్ ఈ మూవీని నిర్మించారు. ఇందులో సునైనా టైటిల్ రోల్లో నటించగా, అనంత్, బావ చెల్లదురై, గజరాజ్, సాయి ధీనా, రీతు మంత్ర, నివాస్ అధితన్, వివేక్ ప్రసన్న మరియు అజీష్ జోస్ సహాయక పాత్రల్లో నటించారు. ఈ క్రైమ్ థ్రిల్లర్ మూవీ ఓటిటి ప్లాట్ ఫామ్ ఆహా (aha) లో స్ట్రీమింగ్ అవుతోంది.
స్టోరీ లోకి వెళితే
రజిని పోలీస్ స్టేషన్ కి వచ్చి ఒక కంప్లైంట్ ఇస్తుంది. తన భర్తని చంపిన వాళ్లను పట్టుకునే క్రమంలో స్టేషన్ చుట్టూ తిరుగుతూ ఉంటుంది. అయితే పోలీసులు ఆమెకు నిర్లక్ష్యంగా సమాధానం చెబుతుంటారు. రజిని ఎలాగైనా నిందితులను శిక్షించాలనుకుంటుంది. రజిని భర్త బ్యాంకు లో ఎంప్లాయ్ గా పనిచేస్తుంటాడు. ఒకరోజు బ్యాంకు రాబరికి వచ్చిన దొంగలు రజిని భర్తను దారుణంగా కొడతారు. ఆ దాడిలో రజిని భర్త తీవ్రంగా గాయపడతాడు. హాస్పిటల్ కి తీసుకు వెళ్లేలోగానే అతను తీవ్ర గాయాలతో చనిపోతాడు. చిన్నప్పుడే తండ్రిని కూడా ఇలాగే పోగొట్టుకుని ఉంటుంది రజిని. ఇప్పుడు భర్త కూడా పోవడంతో చాలా డిప్రెషన్ లోకి వెళ్ళిపోతుంది. చాలా రోజులు ఇంట్లోనే ఒంటరిగా ఉండిపోతుంది. ఆ తర్వాత భర్త చావుకి కారణమైన వాళ్ల పై పగ తీర్చుకోవాలనుకుంటుంది.
ఈ క్రమంలోనే దోపిడీ చేసిన గ్యాంగ్లో ఒకన్ని కలుస్తుంది. అతని భార్యని కిడ్నాప్ చేసి, మిగతా వాళ్ళని చంపడానికి అతని హెల్ప్ తీసుకుంటుంది. ఆ తర్వాత వీళ్ళందరికీ పెద్ద డాన్ ఒకడు ఉంటాడు. వాన్ని చంపడానికి కూడా హీరోయిన్ వెళ్తుంది. అయితే అతన్ని చంపడం కస్టమని చెప్పినా వినకుండా వెళ్తుంది. ఆ విషయం గ్యాంగ్ స్టర్ పసిగడుతాడు. చివరికి హీరోయిన్ ఆ గ్యాంగ్ స్టర్ ని చంపుతుందా? పోలీసులు హీరోయిన్ ను అరెస్ట్ చేస్తారా? భర్త చావుకి కారణమైన వాళ్లపై ప్రతీకారం తీర్చుకుంటుందా ? ఈ విషయాలను తెలుసుకోవాలనుకుంటే, ఓటిటి ప్లాట్ ఫామ్ ఆహా (aha) లో స్ట్రీమింగ్ అవుతున్న ‘రెజీనా’ (Regina) అనే ఈ క్రైమ్ థ్రిల్లర్ మూవీని చూడాల్సిందే.
Share
Gudivada Amarnath: చోడవరం అయినా మిగులుతుందా? అయోమయంలో గుడివాడ అమర్ నాథ్
Jagan on Shankar Naik: సేవలు ఇక చాలు.. శంకర్ నాయక్పై వైసీపీ వేటు
