OTT Movie : 2024 టాప్ 5 అంతర్జాతీయ చిత్రాలలో ఒకటి… థియేటర్లలో అడ్డంకులు… మోస్ట్ కాంట్రవర్సీ సినిమా డైరెక్ట్‌గా ఓటీటీలోకి

OTT Movie : అంతర్జాతీయంగా ప్రశంసలు పొందిన ‘సంతోష్’ అనే పోలీస్ ప్రొసీజరల్ క్రైమ్ థ్రిల్లర్ సినిమా ఓటీటీలోకి అడుగు పెట్టబోతోంది. ఈ సినిమా గత ఏడాది రిలీజ్ అవ్వాల్సి ఉండగా, సెన్సార్ నిబంధనల కారణంగా థియేటర్లలో విడుదల కాలేదు. అయితే నేషనల్ బోర్డ్ ఆఫ్ రివ్యూ దీనిని 2024లో టాప్ ఐదు అంతర్జాతీయ చిత్రాలలో ఒకటిగా ప్రశంసించింది. డిసెంబర్‌లో 97వ అకాడమీ అవార్డ్స్ ఉత్తమ అంతర్జాతీయ ఫీచర్ ఫిల్మ్ కోసం షార్ట్‌లిస్ట్‌లో అధికారిక ఎంట్రీగా ఇచ్చింది. అయితే కొన్ని సెన్సిటివ్ అంశాల కారణంగా ఇది ఓటీటీలో నేరుగా రిలీజ్ కాబోతోంది. ఈ సినిమా ఏ ఓటీటీలో కి రాబోతోంది ? స్టోరీ ఏమిటి ? అనే వివరాలను తెలుసుకుందాం పదండి.

లయన్స్‌గేట్ ప్లే లో

‘సంతోష్’ (Santosh) 2024లో వచ్చిన క్రైమ్ థ్రిల్లర్ సినిమా. సంధ్యా సూరి దీనికి దర్శకత్వం వహించారు. ఇందులో షహానా గోస్వామి, సునీతా రాజ్వర్ ప్రధాన పాత్రల్లో నటించారు. ఈ సినిమా 2025 జనవరి 10 నుంచి PVR థియేటర్లలో రిలీజ్ అవ్వాల్సి ఉండగా సెన్సార్ వల్ల ఆలస్యం అయింది. అయితే ఈ నెల 17 నుంచి లయన్స్‌గేట్ ప్లే లో అందుబాటులోకి వస్తోంది.

కథలోకి వెళ్తే

సంతోష్ అనే మహిళ భర్త పోలీసు కానిస్టేబుల్ గా డ్యూటీలో చనిపోతాడు. దీంతో సంతోష్‌కు ఆమె భర్త జాబ్ వస్తుంది. ఆమె ఒక గ్రామంలో కానిస్టేబుల్ గా జాయిన్ అవుతుంది. కానీ అక్కడ ఆమెకు చాలా ఇబ్బందులు ఎదురవుతాయి. ఆమెను ఎవరూ పెద్దగా లెక్కలోకి తీసుకోరు. ఆమె తక్కువ కులానికి చెందటంవల్ల, పైగా మహిళ కావడంతో అందరూ ఆమె పట్ల చిన్న చూపు చూస్తుంటారు. సంతోష్ ఈ విషయంలో చాలా బాధపడుతుంది. భర్త పోయి ఒక వైపు దుఃఖంలో ఉంటే, ప్రస్తుత పరిస్థితి ఆమెను ఇంకా కుంగదీస్తుంది. అయితే ఆమె వీటిని తట్టుకుని ధైర్యంగా ముందుకు వెళ్తుంది. అదే స్టేషన్లో ఉండే ఇన్స్పెక్టర్ గీతా ఆమెకు ఓదార్పును ఇస్తుంది.

ఈ సమయంలో సంతోష్, గీతా కలిసి ఒక పెద్ద కేస్ ను ఇన్వెస్టిగేషన్ చేయడం మొదలు పెడతారు. ఆ స్టేషన్ కి సమీప గ్రామంలో ఉండే దేవికా అనే అమ్మాయిని ఎవరో దారుణంగా అఘాయిత్యం చేసి, చంపి ఒక చోట పడేసి ఉంటారు. ఆమె పేరెంట్స్ పోలీస్ స్టేషన్ ముందు న్యాయం కోసం నిరసన చేస్తారు. సంతోష్ ఈ కేస్‌ను సీరియస్‌గా తీసుకుని, గ్రామంలో విచారణ మొదలుపెడుతుంది. కానీ కొంతమంది పోలీసులు,గ్రామస్తులు దీనికి ఆటంకం కలిగిస్తారు. కొంతమంది పెద్దలు కుల సమస్యల కారణంగా కేస్‌ను క్లోజ్ చేయమని పైరవీలు చేస్తారు. అయితే ఆమెకు ఎన్ని అడ్డంకులు వచ్చినా ఈ కేసును వదిలి పెట్టకుండా ముందుకు వెళ్తుంది. చివరికి సంతోష్ అసలు నేరస్తులను పట్టుకుంటుందా ? దేవికాని చంపింది ఎవరు ? ఎందుకు చంపారు ? గ్రామంలో కుల సమస్యలు ఎందుకు వచ్చాయి ? అనే విషయాలను, ఈ థ్రిల్లర్ సినిమాను చూసి తెలుసుకోండి.