OTT Movie : గంతులు వేస్తూ 20 ఏళ్ళు కోమాలోకి… గందరగోళంలో ఈ సస్పెన్స్ డ్రామా

OTT Movie : ఇప్పుడు ఎంటర్టైన్మెంట్ కోసం ఎక్కువగా ఓటీటీ వైపు చూస్తున్నారు మూవీ లవర్స్. ఇందులో కామెడీ స్టోరీలు అందరినీ ఆకట్టుకుంటున్నాయి. వీటిని ఫ్యామిలీలు కూడా చాలా ఇష్టంగా చూస్తారు. అయితే ఇప్పుడు మనం చెప్పుకోబోయే మూవీలో ఒక అమ్మాయి 20 ఏళ్లు కోమాలో ఉండి, మళ్లీ తన స్కూల్ లైఫ్ ని స్టార్ట్ చేస్తుంది. అక్కడ జరిగే సన్నివేశాలు కడుపుబ్బ నవ్విస్తాయి. ఈ మూవీ పేరు ఏమిటి ? ఎందులో స్ట్రీమింగ్ అవుతుంది ? అనే వివరాల్లోకి వెళితే…

నెట్‌ఫ్లిక్స్‌ (Netflix) లో

ఈ అమెరికన్ కామెడీ మూవీ పేరు ‘సీనియర్ ఇయర్’ (Senior Year). 2022 లో వచ్చిన ఈ మూవీకి అలెక్స్ హార్డ్‌కాసిల్ దర్శకత్వం వహించారు. ఇందులో రెబెల్ విల్సన్ ప్రధాన పాత్రలో నటించారు. ఈ సినిమా నెట్‌ఫ్లిక్స్‌ (Netflix) లో మే 13, 2022 నుంచి స్ట్రీమింగ్ కు వచ్చింది. ఇది ఒక హైస్కూల్ చీర్‌లీడర్ స్టెఫానీ కాన్వే అనే పాత్ర చుట్టూ తిరుగుతుంది. ఆమె 20 సంవత్సరాల కోమాలోకి వెళ్లి, తిరిగి తన హైస్కూల్ కలలను సాకారం చేసుకోవడానికి ప్రయత్నిస్తుంది.

స్టోరీలోకి వెళితే

స్టెఫానీ కాన్వే అనే 14 ఏళ్ల అమ్మాయి ఆస్ట్రేలియా నుండి అమెరికాకు వలస వస్తుంది.  ఆమె తన పుట్టినరోజు పార్టీలో అక్కడ ఉన్న వాళ్ళను ఆకట్టుకోవడంలో విఫలమవుతుంది. అప్పటి నుండి హైస్కూల్‌లో పాపులర్ అవ్వాలని నిర్ణయించుకుంటుంది. 2002 నాటికి స్టెఫానీ చీర్‌లీడింగ్ బృందం కెప్టెన్‌గా మారుతుంది. ఆ తరువాత పాపులర్ ఫుట్‌బాల్ ప్లేయర్ బ్లెయిన్‌తో డేటింగ్ చేస్తుంది. ప్రామ్ క్వీన్ కావాలనే ఒక లక్ష్యంతో ఉంటుంది. ఆమె తన స్కూల్‌లోని పాత విద్యార్థిని డీనా రస్సోను ఆదర్శంగా తీసుకుంటుంది, ఆమె ప్రామ్ క్వీన్ అయిన తర్వాత వివాహం చేసుకుని ఒక గొప్ప జీవితాన్ని గడిపిందని భావిస్తుంది. అయితే, ఒక చీర్‌లీడింగ్ ప్రదర్శనలో, స్టెఫానీ ప్రత్యర్థి టిఫనీ ఆమె స్టంట్‌ ఉద్దేశపూర్వకంగా ప్రమాదాన్ని సృష్టిస్తారు.  దీనివల్ల స్టెఫానీ కిందపడి తీవ్రంగా గాయపడుతుంది. 20 సంవత్సరాలు కోమాలోకి వెళుతుంది. 2022లో, 37 ఏళ్ల వయసులో స్టెఫానీ కోమా నుండి బయటికి వస్తుంది. ఆమె తండ్రి, ఆమె పాత స్నేహితురాలు మార్తా ఆమెను ఇంటికి తీసుకెళతారు.

ఆమె తన పాత ప్రియుడు బ్లెయిన్ ఇప్పుడు టిఫనీని వివాహం చేసుకుని, తన డ్రీం హౌస్ లో నివసిస్తున్నాడని తెలుసుకుంటుంది. స్టెఫానీ తన సీనియర్ ఇయర్‌ను పూర్తి చేసి, ప్రామ్ క్వీన్ కావాలనే తన కలను సాధించాలని నిర్ణయించుకుంటుంది. ఆమె మార్తా సహాయంతో హైస్కూల్‌లో తిరిగి చేరుతుంది. కానీ 2022 లో పాఠశాల ఎంతో మారిపోయి ఉంటుంది.  ప్రామ్ కింగ్, క్వీన్ టైటిల్స్ రద్దు చేయబడతాయి. సోషల్ మీడియా ఆధిపత్యం చెలాయిస్తోంది.  ఇప్పుడు చీర్‌లీడర్లు అంత పాపులర్ కాదు. స్టెఫానీ తన పాత పద్ధతులతో పాపులర్ కావడానికి ప్రయత్నిస్తుంది. కానీ కొత్త తరం విద్యార్థులతో సర్దుకోవడంలో ఇబ్బంది పడుతుంది. ఆమె తన స్నేహితులు సేత్, మార్తాతో తిరిగి కనెక్ట్ అవుతుంది. బ్లెయిన్‌తో తన సంబంధాన్ని మళ్ళీ కొనసాగించడానికి  ప్రయత్నిస్తుంది. చివరికి స్టెఫానీ తన లక్ష్యాలను ఎలా నెరవేర్చుకుంటుందనేది ఈ మూవీని చూసి తెలుసుకోవాల్సిందే.

Share

• 
• 
• 
• 
• 
•