The Early Spring OTT: ట్రైనీగా జాయిన్ అయిన ఓ అమ్మాయి… మొదటి రోజే తన బాస్ చేతిలో అవమానానికి గురైతే ? అతను ఎంత కఠినంగా ప్రవర్తించినా, తన టాలెంట్‌తో అందరి ప్రశంసలు అందుకుంటే ? అదే బాస్‌తో ప్రేమలో పడి ఏకంగా ఆరేళ్లు కలిసి ఉన్న తర్వాత ఇద్దరి మధ్య అపోహలు వచ్చి విడిపోతే ? ఏళ్ల తర్వాత మళ్లీ కలిసిన ఆ జంట తమ ప్రేమను తిరిగి పొందగలిగిందా ? అనే కథతో తెరకెక్కిన చైనీస్ వర్క్‌ప్లేస్ రొమాంటిక్ డ్రామా ‘ది ఎర్లీ స్ప్రింగ్’ (The Early Spring series). మరి ఈ ఫీల్ గుడ్ డ్రామాను ఏ ఓటీటీలో చూడచ్చు ? తెలుగులో ఉందా లేదా ? అన్న వివరాలపై ఒక లుక్కేద్దాం పదండి.
బీజింగ్‌లోని ఓ ప్రముఖ అడ్వర్టైజింగ్ ఏజెన్సీలోకి షాంగ్ జితావో ట్రైనీగా అడుగు పెడుతుంది. పెద్దగా అనుభవం లేకపోయినా, తన టాలెంట్‌పై నమ్మకంతో ఉద్యోగంలో చేరుతుంది. కానీ మొదటి రోజే ఆమెకు లూవాన్ నియాన్ అనే కఠినమైన సీనియర్ బాస్ ఎదురవుతాడు. జితావో సామర్థ్యాన్ని తక్కువగా అంచనా వేసిన అతను, ఈ ఉద్యోగం ఆమె వల్ల కాదంటూ పరోక్షంగా హెచ్చరిస్తాడు. అయితే జితావో వెనక్కి తగ్గదు.
బాస్ పెట్టే కఠినమైన టాస్కులు, ఆఫీస్ ప్రెజర్, రాజకీయాలను ఎదుర్కొంటూ తనను తాను నిరూపించుకుంటుంది. క్రమంగా కంపెనీలో కీలకమైన ఉద్యోగిగా ఎదుగుతుంది. ఈ ప్రయాణంలో లూవాన్ నియాన్ కూడా ఆమె పట్టుదలను గమనిస్తాడు. మొదట కేవలం బాస్, ఉద్యోగి మధ్య ఉన్న సంబంధం కాస్తా మెల్లగా ప్రేమగా మారుతుంది. అయితే ఇద్దరూ ఒకే సంస్థలో పని చేస్తుండటంతో తమ బంధాన్ని రహస్యంగా ఉంచుకుంటారు. దాదాపు ఆరేళ్ల పాటు వారి ప్రేమ కొనసాగుతుంది.
కానీ కొన్ని అపోహలు, మనస్పర్థలు ఇద్దరి మధ్య దూరాన్ని పెంచుతాయి. చివరకు జితావో ఎవరికీ చెప్పకుండా లూవాన్ జీవితంలో నుంచి వెళ్లిపోతుంది. కొన్నేళ్ల తర్వాత జితావో తన సొంత ఊరికి తిరిగి వస్తుంది. అప్పటికి ఆమె పూర్తిగా మారిపోయి ఉంటుంది. చిన్న రెస్టారెంట్‌తో పాటు సొంత ఈవెంట్ మేనేజ్‌మెంట్ కంపెనీని నడుపుతూ తనకు నచ్చిన జీవితాన్ని గడుపుతుంటుంది. అదే సమయంలో లూవాన్‌తో ఆమెకు అనుకోకుండా మళ్లీ ఎదురు పడుతుంది.
ఒకప్పుడు తన కింద పని చేసిన అమ్మాయి ఇప్పుడు ఎవరి మీద ఆధారపడకుండా తనకంటూ ఓ ప్రపంచాన్ని నిర్మించుకోవడం చూసి లూవాన్ ఆశ్చర్యపోతాడు. గతంలో జరిగిన తప్పులను అర్థం చేసుకున్న ఇద్దరూ తమ మధ్య ఉన్న అపోహలను తొలగించుకునే ప్రయత్నం చేస్తారు. మరి ఈసారి వారి ప్రేమ కథ సక్సెస్ అయిందా? ఆరేళ్ల బంధాన్ని విడదీసిన సమస్యలు పరిష్కారమయ్యాయా? ఇద్దరూ మళ్లీ ఒక్కటయ్యారా? అనేదే ఈ సిరీస్‌లోని ఎమోషనల్ పాయింట్.
Also Read : ఇదేం ఖర్మరా బాబు… షార్క్స్ ఒకవైపు… మాఫియా మరోవైపు… సీట్ ఎడ్జ్ అండర్ వాటర్ సర్వైవల్ థ్రిల్లర్
సన్ కియాన్, జింగ్ బోరాన్ ప్రధాన పాత్రల్లో నటించిన ఈ సిరీస్, 24 ఎపిసోడ్ల చైనీస్ వర్క్‌ప్లేస్ రొమాంటిక్ డ్రామా. ప్రస్తుతం Netflixలో స్ట్రీమింగ్ అవుతోంది. ఒరిజినల్ ఆడియో చైనీస్‌లో ఉండగా, ఇంగ్లీష్ సబ్‌టైటిల్స్ అందుబాటులో ఉన్నాయి. అయితే ప్రస్తుతం తెలుగు ఆడియో మాత్రం అవైలబుల్ గా లేదు. వర్క్‌ప్లేస్ లవ్ స్టోరీస్, బ్రేకప్ తర్వాత రీయూనియన్ కథలు ఇష్టపడే వారికి ఈ సిరీస్ పక్కాగా నచ్చుతుంది.
Share
MG డబుల్ ధమాకా.. EV, PHEVతో కొత్త టోమాహాక్ SUVలు లాంచ్!
ఫోన్ వెనుక అతికించుకుంటే చాలు.. మాట్లాడిన ప్రతిమాటను నోట్స్‌గా మార్చే AI డివైజ్!
