Superhero Series: సూపర్ హీరో సిరీసులు అంటే ఇష్టమా ? ఇప్పటికే మార్వెల్, డీసీ సిరీస్ లు చూసి సరిపెట్టుకుంటున్నారా ? అయితే మీరో మంచి సూపర్ హీరో సిరీస్ ను మిస్ అవుతున్నట్టే. ఇప్పుడు మనం మాట్లాడుకోబోయే సిరీస్ కూడా అచ్చం మార్వెల్ సిరీస్ ల లాగే ఉంటుంది. కాకపోతే స్టోరీ ఇంకాస్త డిఫరెంట్ గా, నేటి ఆడియన్స్ మెచ్చే బ్లడీ బ్లడ్ బాత్ తో ఉంటుంది. సింపుల్ గా చెప్పాలంటే ‘ది బాయ్స్’ తరహాలో ఉంటుంది. 2022లో నెట్ఫ్లిక్స్లో విడుదలైన ఈ సైన్స్ ఫిక్షన్ సూపర్హీరో సిరీస్ “ది ఇంపర్ఫెక్ట్స్” (The Imperfects) తెలుగులో అందుబాటులో ఉందా ? స్టోరీ ఏంటి ? అనే విషయాలను తెలుసుకుందాం పదండి.
ఈ సిరీస్ అబ్బి (Rhianna Jagpal), టిల్డా (Morgan Taylor Campbell), జువాన్ (Iñaki Godoy) అనే ముగ్గురు యువతీ యువకుల చుట్టూ తిరుగుతుంది. నిజానికి ఈ ముగ్గురు ఒక వింత జన్యుపరమైన వ్యాధితో బాధ పడుతుంటారు. దానికి ట్రీట్మెంట్ ఇస్తానని చెబుతాడు డాక్టర్ అలెక్స్ సార్కోవ్. కానీ ఈ క్రేజీ సైంటిస్ట్ చేసే ఒక ప్రయోగాత్మక “జీన్ థెరపీ” (Gene Therapy)ని వాళ్ళు ఫేస్ చేయాల్సి వస్తుంది. ఆ ప్రయోగం వికటించి, వారి డిఎన్ఏ పూర్తిగా మారిపోతుంది.
ఈ సైడ్ ఎఫెక్ట్స్ కారణంగా వారికి ఊహించని రాక్షస శక్తులు వస్తాయి. అబ్బికి ఎదుటి వారిని తన వశం చేసుకునే ‘సక్యూబస్’ శక్తి ఉంటే, టిల్డాకు గట్టిగా అరిచి వస్తువులను ధ్వంసం చేసే ‘బాన్షీ’ శక్తి, చివరగా జువాన్ కు తోడేలుగా మారే ‘చుపాకాబ్రా’ శక్తి వస్తాయి. ఈ శక్తులు వారి సాధారణ జీవితాలను తలకిందులు చేస్తాయి. దీంతో వారు మళ్లీ సాధారణ మనుషులుగా మారడానికి, ఆ ప్రయోగానికి కారణమైన సైంటిస్ట్ ను వెతికి పట్టుకుని, తమకు విరుగుడు కనుక్కోవాలని ఒక టీమ్గా ఏర్పడి ప్రయాణం షురూ చేస్తారు.
ఆ అన్వేషణలో వారికి ఎదురైన సవాళ్లు, ప్రభుత్వ సంస్థల నుండి తప్పించుకునే క్రమంలో జరిగే పోరాటమే ఈ సిరీస్ లో చూడాల్సిన మిగతా స్టోరీ. సైన్స్ ఫిక్షన్, యాక్షన్, సూపర్హీరో డ్రామాగా రూపొందిన ఈ సిరీస్ సీజన్ 1 లో మొత్తం 10 ఎపిసోడ్లు ఉన్నాయి. ప్రతి ఎపిసోడ్ దాదాపు 40 నుండి 45 నిమిషాల నిడివి ఉంటుంది. నెట్ఫ్లిక్స్ ఈ సిరీస్ను మొదటి సీజన్ తర్వాత క్యాన్సిల్ చేసింది. కాబట్టి దీనికి సీజన్ 2 లేదు. ఇక భాష విషయానికొస్తే… ప్రస్తుతం తెలుగు ఆడియోలో అందుబాటులో లేదు. ఇది నెట్ఫ్లిక్స్ (Netflix)లో కేవలం ఇంగ్లీష్ ఒరిజినల్ వెర్షన్ తో పాటు హిందీ ఆడియోలో మాత్రమే స్ట్రీమింగ్ అవుతోంది.
Share
తల్లిదండ్రులు పిల్లల ముందు ఈ పనులు ఎప్పుడూ చేయకూడదు.. చిన్నారుల భవిష్యత్తుపై ప్రతికూల ప్రభావం
Podarillu Today Episode : బృందావనంకు వెళ్లిన మహా.. చక్రికీ దిమ్మతిరిగే షాక్.. తాయర్ కు స్ట్రాంగ్ మహా వార్నింగ్..
