OTT Movie : ఈ రోజుల్లో డిజిటల్ మీడియా ఎంతగా పాపులర్ అయ్యిందో ప్రత్యేకంగా చెప్పక్కర్లేదు. వీటిలో ఓటిటి ప్లాట్ ఫామ్ ను ఎంటర్టైన్మెంట్ కోసమే ఉపయోగిస్తున్నారు. ఒకప్పుడు ఉత్తరాలను పావురాల ద్వారా, ఆ తర్వాత పోస్టుల ద్వారా, ఇప్పుడు మెయిల్స్ ద్వారా పంపుతున్నారు. ఇప్పుడు మనం చెప్పుకోబోయే మూవీలో టిఫిన్ బాక్స్ లో లెటర్లను పెట్టి ప్రేమించుకుంటారు. ముంబైలో డబ్బా వాలా చాలా ఫేమస్ అయింది. ఇంటి నుంచి లంచ్ బాక్స్ ను తీసుకు వెళ్లే వీళ్ళు అనుకున్న సమయానికి చేరవేస్తూ ఉంటారు. వాటిలోనే మన కథలో హీరో, హీరోయిన్ లెటర్స్ రాస్తూ ప్రేమలో పడతారు. ఈ మూవీ పేరు ఏమిటి? ఎందులో స్ట్రీమింగ్ అవుతుందో వివరాల్లోకి వెళితే…
అమెజాన్ ప్రైమ్ వీడియో (Amazon prime video) లో
ఈ ఫీల్ గుడ్ మూవీ పేరు ‘ది లంచ్బాక్స్’ (The Lunch Box). ఈ మూవీకి రితేష్ బాత్రా దర్శకత్వం వహించారు. దీనిని గునీత్ మోంగా, అనురాగ్ కశ్యప్, అరుణ్ రంగాచారి నిర్మించారు. ఇందులో ఇర్ఫాన్ ఖాన్, నిమ్రత్ కౌర్, నవాజుద్దీన్ సిద్ధిఖీ, భారతీ అచ్రేకర్, నకుల్ వైద్ నటించారు. ‘ది లంచ్బాక్స్ బాక్సాఫీస్ వద్ద విజయం సాధించి, విమర్శకుల ప్రశంసలు అందుకుంది. ఈ మూవీ ఓటిటి ప్లాట్ ఫామ్ అమెజాన్ ప్రైమ్ వీడియో (Amazon prime video) లో స్ట్రీమింగ్ అవుతోంది.
స్టోరీ లోకి వెళితే
హీరోయిన్ తన భర్తతో కలిసి హౌస్ వైఫ్ గా జీవిస్తూ ఉంటుంది. అయితే భర్త మాత్రం తనని ఎక్కువగా పట్టించుకోకుండా ఉంటాడు. ఒకసారి తన భర్తకి నచ్చిన వంటని చేసి, ఆ లంచ్ బాక్స్ ని అక్కడున్న డబ్బా వాలా తో పంపిస్తుంది. ఆ లంచ్ బాక్స్ పొరపాటున వేరొకరికి వెళ్ళిపోతుంది. అకౌంట్టెంట్ గా పనిచేసే సాజన్ అనే వ్యక్తికి ఈ లంచ్ బాక్స్ వెళుతుంది. తనకోసం వచ్చిన క్యారేజ్ అనుకొని సాజన్ దానిని తింటాడు. అయితే అది తన కోసం రాలేదని తెలుసుకొని, అందులో థాంక్స్ అని ఒక లెటర్ పెడతాడు. ఆ తర్వాత హీరోయిన్ తన భర్త ఈ లంచ్ బాక్స్ తినలేదని తెలుసుకుంటుంది. లంచ్ బాక్స్ తిన్నావా అని అడిగినా కూడా, సమాధానం చెప్పకుండానే వెళ్ళిపోతాడు హీరోయిన్ భర్త.
ఆ తర్వాత మళ్లీ లంచ్ బాక్స్ ని సాజన్ కి పంపిస్తుంది. అతడు అందులో ఉన్న వాటిని తింటూ, ఒకరికి ఒకరు తమ బాధలు చెప్పుకుంటూ లెటర్లు రాసుకుంటూ ఉంటారు. ఒకరోజు హీరోయిన్ ని సాజన్ కాఫీ షాప్ కి ఇన్వైట్ చేస్తాడు. దూరంగానే ఆమెను చూసి ఆమె చాలా యంగ్ గా ఉండటంతో, అక్కడి నుంచి వెళ్ళిపోతాడు. ఆ తర్వాత హీరోయిన్ అతనికి ఖాళీ బాక్స్ పంపుతుంది. సాజన్ రిటైర్ అవుతూ తన ఊరికి వెళ్ళిపోతూ ఉంటాడు. హీరోయిన్ కూడా భర్తతో విసిగిపోయి, కూతుర్ని తీసుకొని వెళ్ళిపోవాలనుకుంటుంది. చివరికి సాజన్, హీరోయిన్ కోసం వస్తాడా? హీరోయిన్ తనని కలవడానికి ట్రై చేస్తుందా? వీళ్ళిద్దరి రిలేషన్షిప్ ఏమవుతుంది? ఈ విషయాలు తెలుసుకోవాలంటే ఈ మూవీని చూడాల్సిందే.
Share
Vande Bharat Express: గుడ్ న్యూస్.. ఇక ఆ స్టేషన్లోనూ ఆగనున్న సికింద్రాబాద్ - విశాఖ వందే భారత్ రైలు!
Coconut Chicken Gravy Recipe: కేరళ స్టైల్లో కొబ్బరిపాలతో చికెన్ గ్రేవీ చేసేయండి, తిన్నారంటే వదల్లేరు
