Crime Mystery Series OTT : ఒక క్రైమ్ జరిగింది. పోలీసులకు సాక్షులు ఉన్నారు, ఆధారాలు కూడా ఉన్నాయి. కానీ అక్కడ జరిగిన ప్రతి చిన్న విషయాన్ని కళ్లముందు జరిగినట్టే గుర్తు పెట్టుకునే పోలీస్ ఆఫీసర్ ఉంటే ? ఆమె చూసిన ముఖం, విన్న మాట, కనిపించిన చిన్న వస్తువు… ఏదీ మర్చిపోకుండా గుర్తుంటే ? అదే ‘Unforgettable’లో క్యారీ వెల్స్‌కు ఉన్న ప్రత్యేకత. కానీ తనకు జరిగిన ప్రతిదీ గుర్తున్నా… తన సోదరి హత్య వెనుక నిజం మాత్రం ఎందుకు గుర్తు రావడం లేదు ? అన్న ప్రశ్నే సిరీస్ లో మరో పెద్ద మిస్టరీ. మరి కథలో ఏం జరుగుతుందో చూద్దాం.
క్యారీ వెల్స్ ఒక పోలీస్ డిటెక్టివ్. ఆమెకు hyperthymesia అనే అరుదైన మెమరీ కండిషన్ ఉంటుంది. అంటే తన జీవితంలో జరిగిన సంఘటనలను అసాధారణంగా స్పష్టంగా గుర్తుపెట్టుకోగలదు. ఉదాహరణకు ఓ క్రైమ్ సీన్‌ కు వెళ్లిందనుకోండి. అక్కడ ఎవరెవరు ఉన్నారు ? టేబుల్‌ పై ఏ వస్తువు ఉంది ? ఎవరు ఏ దుస్తులు వేసుకున్నారు ? ఏ సమయంలో ఏం జరిగింది ? ఇలాంటి చిన్న విషయాలు కూడా ఆమెకు గుర్తుంటాయి. ఇతరులకు పెద్దగా ఉపయోగం లేని క్లూ… క్యారీకి మాత్రం కేసును ఛేదించే కీలక ఆధారంగా మారుతుంది.
అందుకే ఆమె పోలీస్ ఇన్వెస్టిగేషన్స్‌ లో చాలా ఉపయోగపడుతుంది. కానీ క్యారీకి తన జీవితంలో ఓ బాధ మాత్రం ఉంటుంది. తన సోదరి రాచెల్ హత్యను ఆమె స్వయంగా చూసింది. అయినా ఆ హత్యకు కారణమైన వ్యక్తిని ఇప్పటికీ పూర్తిగా గుర్తించలేకపోతుంది. ఇదే ఆమెను వెంటాడే అతిపెద్ద ప్రశ్న. ఒకవైపు రోజూ కొత్త కొత్త క్రైమ్ కేసులు వస్తుంటాయి. వాటిని తన అసాధారణ మెమరీతో సాల్వ్ చేస్తుంది. మరోవైపు తన సోదరి హత్యకు సంబంధించిన గతాన్ని కూడా మళ్లీ మళ్లీ వెతుకుతూనే ఉంటుంది.
ఇక్కడే సిరీస్ ఇంట్రెస్టింగ్‌గా మారుతుంది. ఎందుకంటే క్యారీకి ఏదైనా మర్చిపోయే సమస్య లేదు. కానీ అన్నీ గుర్తున్న వ్యక్తికి కూడా ఒక ముఖ్యమైన నిజం దొరకకపోతే… అసలు అక్కడ ఏం జరిగిందో తెలుసుకోవాలనే క్యూరియాసిటీ పెరుగుతుంది. ఇంతకీ ఆమె సోదరి హత్యకు కారణం ఎవరు ? వాళ్ళని హీరోయిన్ కనిపెట్టగలిగిందా ? అన్నది తెలియాలంటే సినిమాను చూడాల్సిందే.
Also Read : ప్రతి క్రైమ్ కళ్లముందే రీప్లే… అరుదైన కథ… అదిరిపోయే క్రైమ్ ఇన్వెస్టిగేషన్ సిరీస్
‘అన్ఫర్గెటబుల్’ 2011లో CBSలో ప్రారంభమైన అమెరికన్ క్రైమ్ డ్రామా. Poppy Montgomery క్యారీ వెల్స్‌గా, Dylan Walsh అల్ బర్న్స్‌గా ప్రధాన పాత్రల్లో నటించారు. Ed Redlich, John Bellucci ఈ సిరీస్‌ను డెవలప్ చేశారు. 2011 సెప్టెంబర్ 20న ప్రీమియర్ అయింది. మొత్తం 4 సీజన్లలో 61 ఎపిసోడ్లు ఉన్నాయి. Netflixలో అందుబాటులో ఉన్న వెర్షన్‌ ను క్రైమ్, మిస్టరీ ఇష్టపడేవాళ్లు ట్రై చేయొచ్చు. అయితే తాజాగా ఓటీటీలోకి వచ్చిన సీజన్ మాత్రం ఇంగ్షీషులోనే ఉంది.
Share
హైడ్రా రంగంలోకి వస్తోంది.. ప్రకటనలు ఇచ్చేముందు ఈ రూల్స్ తెలియాలోచ్!
హామీ ఇచ్చి నీళ్లు ఆపేశారా.. జూరాల ప్రాజెక్టుపై ఆశతో ఎదరుచూస్తున్న అన్నదాతలు!
