Sci Fi Comedy Series: సైన్స్ ఫిక్షన్ సినిమాలు సాధారణ మనుషుల ఊహకు కూడా అందనంత వింత స్టోరీలతో తెరపైకి వస్తూ ఉంటాయి. ఇలాంటి విజువల్ వండర్ కు కామెడీ తోడైతే… అలాంటి సినిమాలను అస్సలు మిస్ అవ్వకూడదు అనుకుంటారు ఆడియన్స్. మీరు కూడా ఈ లిస్ట్ లో ఉంటే ఈ మూవీ సజెషన్ మీ కోసమే. ‘Upload’ అనే టైటిల్ తో రూపొందిన ఈ అమెరికన్ సైన్స్ ఫిక్షన్ కామెడీ-డ్రామా సిరీస్ 2020లో తెరపైకి వచ్చింది. మరి ఈ సిరీస్ ను తెలుగులో ఏ ఓటీటీలో చూడవచ్చు ? అనే విషయాలను తెలుసుకుందాం పదండి.
ఇప్పటికే మనుషుల జీవితాల్లో ఏఐ క్రియేట్ చేస్తున్న అల్లకల్లోలం అంతా ఇంతా కాదు. ఇక భవిష్యత్తులో సాంకేతికత పెరిగిపోతే మనుషుల జీవితాలు… ముఖ్యంగా చావు, మరణానంతర జీవితం ఎలా మారుతుందో కళ్ళకు కట్టినట్టు చూపించే ఒక వినూత్నమైన కథ ఇది. ఒక్కమాటలో చెప్పాలంటే దీని మెయిన్ కాన్సెప్ట్ డిజిటల్ స్వర్గం అన్నమాట. ఇక కథలోకి వెళ్తే… 2033వ సంవత్సరంలో స్టోరీ షురూ అవుతుంది. ఆ కాలంలో మనుషులు చనిపోయే ముందు వారి మెదడులోని జ్ఞాపకాలను, స్పృహను కంప్యూటర్ సాయంతో ఒక వర్చువల్ రియాలిటీ (VR) ప్రపంచంలోకి ‘అప్లోడ్’ చేసుకునే ఛాన్స్ ఉంటుంది.
అంటే చనిపోయిన తర్వాత కూడా వారు డిజిటల్ రూపంలో స్వర్గం లాంటి ఒక రిసార్ట్ లో బతకొచ్చు అన్నమాట. ఇక ఇందులో ప్రధాన పాత్ర నాథన్ బ్రౌన్. అతనొక యంగ్ కంప్యూటర్ ప్రోగ్రామర్ గా పని చేస్తాడు అటానమస్ అంబటే సొంతంగా నడిచే కారు ప్రమాదానికి గురవడంతో, అందులోనే ఉన్న హీరో చనిపోయే స్థితికి చేరుకుంటాడు. అతని ధనవంతురాలైన గర్ల్ఫ్రెండ్ ఇంగ్రిడ్ అతన్ని బలవంతంగా అత్యంత ఖరీదైన ‘లేక్వ్యూ’ అనే డిజిటల్ స్వర్గంలోకి అప్లోడ్ చేసేలా ప్లాన్ చేస్తుంది.
కథ ఇక్కడే టర్న్ తీసుకుంటుంది. డిజిటల్ ప్రపంచంలోకి వెళ్లాక నాథన్ ను చూసుకోవడానికి ‘నోరా’ అనే ఒక బతికున్న అమ్మాయిని కస్టమర్ సర్వీస్ ఏజెంట్ గా నియమిస్తారు. వాళ్ళ భాషలో ఆమెను ఏంజెల్ అంటారు. కంప్యూటర్ స్క్రీన్ ద్వారా నాథన్తో మాట్లాడుతుంది నోరా. ఈ క్రమంలో ఆమె నెమ్మదిగా అతనితో ప్రేమలో పడుతుంది. ఈ నేపథ్యంలోనే నాథన్ కారు ప్రమాదం గురించి ఒక షాకింగ్ సీక్రెట్ బయట పడుతుంది. అది యాక్సిడెంట్ కాదు, అది ఒక ప్లాన్డ్ మర్డర్ అని నోరా తనకు దొరికిన కొన్ని ఆధారాల ద్వారా తెలుసుకుంటుంది.
దానికి కారణం నాథన్ కనిపెట్టిన ఒక ఉచిత అప్లోడ్ యాప్. ఈ యాప్ వల్ల కార్పొరేట్ కంపెనీల బిజినెస్ దెబ్బతింటుందని అతనిని కావాలని చంపేశారని తెలుసుకుంటారు. మరి చనిపోయిన నాథన్ నిజం తెలుసుకుని ఏం చేశాడు ? బతికున్న నోరాతో కలిసి హంతకులను ఎలా కనిపెట్టారు ? డిజిటల్ ప్రపంచంలో ఒకటవ్వడానికి వీళ్ళు ఏం చేశారు ? అనేదే ఈ సిరీస్ కథ.
ఈ అమెజాన్ ఒరిజినల్ సిరీస్ కేవలం ఇంగ్లీష్ ఆడియో, సబ్టైటిల్స్తో మాత్రమే Amazon Prime Video లో స్ట్రీమింగ్ అవుతోంది. తెలుగు డబ్బింగ్ వెర్షన్ మాత్రం లేదు. పాపులర్ సిట్కామ్ ‘ది ఆఫీస్’ (The Office) డైరెక్టర్ గ్రెగ్ డానియల్స్ సృష్టించిన ఈ సూపర్ హిట్ సిరీస్ మొత్తం 4 సీజన్లతో 30 ఎపిసోడ్లతో ఎండ్ అయ్యింది.
Read Also : తల్లీకూతుర్లకు నరకం చూపించే ఘోస్ట్ఫేస్ కిల్లర్… ఈ సైకోలు చేసిన పని చూస్తే బుర్రపాడు
Share
ఇండియాలోనే స్విట్జర్లాండ్, న్యూజిలాండ్ ఫీలింగ్.. దేశంలో తప్పకుండా చూడాల్సిన 5 అద్భుత టూరిస్ట్ ప్రాంతాలు
Road Accident: కారు రివర్స్ చేస్తుండగా ప్రమాదం.. ఓకే ఫ్యామిలీలో నలుగురు మృతి, ఇలా మీరు చేయొద్దు!
