Korean kanakaraju: థియేటర్లలో విడుదలయ్యే ప్రతి సినిమా కూడా ఓటీటీలోకి వస్తుందన్న విషయం అందరికీ తెలిసిందే. అందుకే థియేటర్లలో సినిమా చూడడం మిస్ అయినా.. ఓటీటీలో మాత్రం అస్సలు మిస్ అవ్వరు. అటు ఓటీటీలు కూడా మంచి విభిన్నమైన జానర్ లలో సినిమాలను ప్రేక్షకులకు అందిస్తూ.. ప్రేక్షకుడికి వినోదాన్ని పంచే అతిపెద్ద ప్లాట్ఫారం గా అవతరిస్తున్నాయి. ఈ క్రమంలోనే ఇటీవల థియేటర్లలో ప్రేక్షకులను విపరీతంగా ఆకట్టుకొని రూ.50 కోట్ల క్లబ్లో చేరిన కొరియన్ కనకరాజు ఇప్పుడు ఓటీటీ స్ట్రీమింగ్ కి సిద్ధమయ్యింది. మరి థియేటర్లలో హార్రర్ కామెడీ బ్యాక్ డ్రాప్ లో ప్రేక్షకులను ఆకట్టుకున్న ఈ సినిమా ఎప్పుడు స్ట్రీమింగ్ కి రాబోతోంది ? ఏ ఫ్లాట్ ఫామ్ లో అందుబాటులో ఉండనుంది అనే విషయాలు ఎప్పుడు చూద్దాం.
కంచె , ముకుంద లాంటి చిత్రాలతో ప్రేక్షకులను ఆకట్టుకున్న వరుణ్ తేజ్ ఇండస్ట్రీకి వచ్చిన కొత్తలో మంచి విజయాలను అందుకొని ప్రేక్షకులను మెప్పించారు. కానీ ఆ తర్వాత ఏమైందో తెలియదు.. వరుణ్ తేజ్ నటించిన ఏ సినిమా కూడా ప్రేక్షకులను మెప్పించలేకపోయింది. పైగా వివాహం జరిగింది. ఒక కొడుకు కూడా పుట్టాడు. కొడుకు తర్వాత ఆయనకు సక్సెస్ అనివార్యమైంది. ఈ నేపథ్యంలోనే ఎలాగైనా సరే ప్రేక్షకులను ఆకట్టుకోవాలని ఎంతో ప్రయత్నం చేసిన వరుణ్ తేజ్.. ఏది వర్క్ అవుట్ కాక ఏకంగా జానర్ నే మార్చేశారు. అలా ఇండో – కొరియర్ బ్యాక్ డ్రాప్ లో హారర్ కామెడీ నేపథ్యంలో ప్రేక్షకుల ముందుకు వచ్చిన కొరియన్ కనకరాజు సినిమా ఆగస్టు 7వ తేదీన థియేటర్లలో విడుదలై మంచి విజయాన్ని సొంతం చేసుకుంది. ఇప్పటికే థియేటర్లలో ఈ సినిమాని చూస్తూ ఎంజాయ్ చేస్తున్నారు. అయితే ఇప్పుడు ఈ సినిమా ఓటీటీ స్ట్రీమింగ్ డేట్ సోషల్ మీడియాలో వైరల్గా మారింది.
also read:ఎన్టీఆర్ రాజకీయాల్లోకి వచ్చేది అప్పుడే.. పుట్టిన తేదీ కూడా తప్పు: వేణు స్వామి
కొరియన్ కనకరాజు డిజిటల్ స్ట్రీమింగ్ హక్కులను ప్రముఖ ఓటీటీ సంస్థ నెట్ ఫ్లిక్స్ సొంతం చేసుకుంది. నెట్ ఫ్లిక్స్ సంస్థ రూ.26 కోట్లు పెట్టి కొరియన్ కనకరాజు ఓటీటీ స్ట్రీమింగ్ హక్కులను సొంతం చేసుకున్నట్లు సమాచారం. ఇకపోతే సినిమా థియేటర్లలో విడుదలైన ఆరు వారాలు లేదా ఎనిమిది వారాల నిబంధన తర్వాతే ఓటీటీలోకి వస్తుందన్న విషయం అందరికీ తెలిసిందే. అయితే తాజాగా అందుతున్న సమాచారం ప్రకారం.. వినాయక చవితి సందర్భంగా సెప్టెంబర్ 10 లేదా 11 తేదీలలో ఈ సినిమా ఓటీటీలోకి వస్తుందనే వార్త వినిపిస్తోంది. త్వరలోనే దీనిపై ప్రకటన ఇవ్వనున్నట్లు సమాచారం.
రెండు తెలుగు రాష్ట్రాలలో పది రోజుల్లోనే 50 కోట్లు కలెక్ట్ చేసి పెద్ద సక్సెస్ చవిచూసిన ఈ సినిమా ఇటు ఓటీటీలో ఎలాంటి విజయాన్ని సొంతం చేసుకుంటుందో చూడాలి. ఇకపోతే ఈ సినిమాలో కమెడియన్ సత్య తన అద్భుతమైన పర్ఫామెన్స్ తో మెప్పించగా. రితికా నాయక్ హీరోయిన్గా అందరి హృదయాలను మరోసారి దోచుకుంది. పైగా ఈ సినిమాతో హ్యాట్రిక్ సొంతం చేసుకుంది ఈ ముద్దుగుమ్మ. మేర్లపాక గాంధీ ఈ చిత్రానికి దర్శకత్వం వహించారు.
Share
ఇమ్రాన్ ఖాన్‌కు బిగ్ రిలీఫ్.. జైలు నుంచి ఆస్పత్రికి.. పాక్ సుప్రీంకోర్టు కీలక ఆదేశాలు!
జీప్ కంపాస్ స్పెషల్ ఎడిషన్ వచ్చేసింది.. జస్ట్ 85 యూనిట్లు మాత్రమే!
