OTT Movie : ఆ ఇంట్లో అడుగుపెడితే చావు మేళం మోగినట్లే … సినిమా మొత్తం అరాచకమే … IMDbలో 9.1 రేటింగ్

OTT Movie : రీసెంట్ గా ఓటీటీలోకి వచ్చిన ఒక తమిళ హారర్ థ్రిల్లర్ సినిమా ప్రేక్షకులను ఆకట్టుకుంటోంది. ఇది IMDbలో 9.1/10 రేటింగ్ ను పొందడం విశేషం. ఈ కథ ఇద్దరు స్నేహితులు, వారి స్నేహితురాళ్ల చుట్టూ తిరుగుతుంది. వీళ్లంతా ఒక అడవిలోని ఒంటరిగా ఉండే బంగళాలో విహారయాత్రకు వెళతారు. అక్కడ ఊహించని భయానక సంఘటనలు వారి జీవితాలను తలకిందులు చేస్తాయి. ఈ కథలో సస్పెన్స్, భయం, మానసిక ఒత్తిడి కలగలిసిన ట్విస్ట్‌లు ఉంటాయి. అడవిలోని ఒంటరి వాతావరణం, ధర్మ ప్రకాష్ అందించిన సంగీతం, దినేష్ కుమార్ ఎల్.డి. సినిమాటోగ్రఫీ ఒక సీటెడ్జ్ థ్రిల్లర్ గా నిలుస్తోంది. ఈ సినిమా పేరు ఏమిటి ? ఎందులో స్ట్రీమింగ్ అవుతోంది ? అనే వివరాల్లోకి వెళితే …

కథలోకి వెళితే

జీవన్, మణి అనే ఇద్దరు ప్రాణ మిత్రులు, వాళ్ళ గర్ల్ ఫ్రెండ్స్ షాలు, షిబితో కలిసి ఒక దట్టమైన అడవిలో విహారయాత్రకు వెళతారు. వీళ్లంతా అడవిలో ఒంటరిగా ఉండే ఒక అందమైన బంగళాలో రాత్రి గడపాలని నిర్ణయించుకుంటారు. ఈ బంగళా సైలెంట్ గా కనిపించినప్పటికీ, దాని చుట్టూ ఒక వింతైన, భయానక వాతావరణం ఉంటుంది. రాత్రి గడిచేకొద్దీ షాలు తన ప్రియుడు జీవన్‌తో ఒంటరిగా ఉన్నప్పుడు హఠాత్తుగా మరణిస్తుంది. ఈ ఆకస్మిక మరణం గురించి ఎవరికీ స్పష్టమైన కారణం అయితే తెలియదు. దీంతో ఈ బృందం భయం, గందరగోళంలో పడతారు.

షాలు శవంతో ఒంటరిగా ఉన్న ఈ బృందం, సహాయం కోసం ఎవరినీ సంప్రదించలేని పరిస్థితిలో, భయాందోళనకు గురవుతారు. ఈ సంఘటనను దాచిపెట్టేందుకు వారు తీసుకునే నిర్ణయాలు, వారిని మరింత ఊహించని పరిస్థితుల్లోకి తీసుకెళ్తాయి. ఈ సంఘటన నుండి బయటపడే ప్రయత్నంలో, వీళ్లంతా మరింత ప్రమాదంలో పడతారు. ఇంతకీ షాలు ఎలా చనిపోయింది ? ఆమె స్నేహితులు ఎలాంటి సమస్యల్లో పడతారు ? ఆ బంగ్లా రహస్యం ఏమిటి ? అనే విషయాలను తెలుసుకోవాలనుకుంటే ఈ సినిమాని మిస్ కాకుండా చుడండి.

ఏ ఓటీటీలో ఉందంటే

“యాదుం అరియాన్” (Yaadhum Ariyaan) ఒక తమిళ సైకలాజికల్ హారర్ థ్రిల్లర్ చిత్రం. దీనికి ఎం. గోపి దర్శకత్వం వహించారు. ఈ చిత్రంలో వి. దినేష్, అప్పుకుట్టి, థంబి రామయ్య, బ్రానా అబ్దుల్సలాం, ఆనంద్ పాండి, శ్యామల్, ఉరియాడి ఆనందరాజ్, రాజకుమారి, తిడియన్, మురుగన్ శివకుమార్ ప్రధాన పాతల్లో నటించారు. 2025 ఆగస్టు 8 నుంచి Aha Tamil లో ఈ సినిమా స్ట్రీమింగ్ కు వచ్చింది. IMDbలో ఈ సినిమా 9.1/10 రేటింగ్ ను కూడా పొందింది.