Botsa Anusha: రాజకీయాల్లో విజయాలే కాకుండా, ప్రతికూల పరిస్థితుల్లో చూపించే తెగింపు కూడా ఒక నాయకురాలిని ఉన్నత స్థానంలో నిలబెడుతుంది. రాష్ట్రవ్యాప్తంగా అధికార కూటమి ప్రభంజనం వీస్తున్న తరుణంలో విజయనగరం జిల్లా రాజకీయాల్లో డాక్టర్ బొత్స అనూష వ్యవహారశైలి ప్రస్తుతం అందరి దృష్టిని ఆకర్షిస్తోంది.
ఆ ఆలోచనే లేదు
భీమిలి అసెంబ్లీ నియోజకవర్గ సమన్వయకర్తగా బాధ్యతలు నిర్వర్తిస్తున్న ఆమెకు స్థానిక ఎన్నికల్లో నేరుగా జెడ్పీటీసీ బరిలో నిలబడే ఆలోచన లేదు. అయితే గజపతినగరం పరిధిలోని బొండపల్లిలో పార్టీ పరిస్థితి సంక్లిష్టంగా మారడంతో అధిష్టాన ఆదేశాల మేరకు ఎలాంటి సంకోచం లేకుండా ఆమె రంగంలోకి దిగారు. బొండపల్లి స్థానాన్ని ఏకగ్రీవం చేసుకోవాలని కూటమి ప్లాన్‌ చేస్తే.. మంత్రులు, స్థానిక ఎమ్మెల్యేలు కీలక నేతల ఒత్తిళ్లను కాదని అనూష నామినేషన్ వేయడం రాజకీయంగా హాట్‌ టాపిక్‌ గా నిలిచింది.
కూటమికి గట్టి పోటీగా
ఒకవైపు భీమిలిలో జీవీఎంసీ కార్పొరేటర్ స్థానాలను గెలిపించుకోవడానికి వ్యూహాలు రచిస్తూనే మరోవైపు బొండపల్లిలో ఉత్కంఠభరిత ప్రచారంతో కూటమి అగ్రనేతలకు చెమటలు పట్టించారు. అధికార యంత్రాంగం, బెదిరింపులు, చివరి నిమిషంలో జరిగిన రాజకీయ పరిణామాల కారణంగా బొండపల్లిలో స్వల్ప తేడాతో ఓటమి ఎదురైనప్పటికీ.. అధికార బలగాలను ఎదుర్కొని ఆమె నిలబడిన తీరు ఆకట్టుకుంది.
ఓడినా అసలైన ఫైటర్
అంతేకాకుండా అనూష గతంలో చీపురుపల్లి నియోజకవర్గంలో నిర్మించిన బలమైన కేడర్ నెట్‌వర్కే.. గరివిడి, గుర్ల మండలాల్లో వైఎస్సార్సీపీ అభ్య్రధుల అఖండ విజయాలకు బలమైన పునాదిగా నిలిచింది. ప్రత్యర్థుల ఉమ్మడి వ్యూహాలను ధైర్యంగా ఎదుర్కొంటూ, భీమిలి నుంచి విజయనగరం పల్లెటూర్ల వరకు క్రియాశీలక పాత్ర పోషించిన బొత్స అనూష పోరాట పటిమ.. రాజకీయ వర్గాల్లో ఆమె నాయకత్వ లక్షణాలకు అద్దం పడుతోంది. సంఖ్యాబలంతో వచ్చే విజయాల కంటే, కష్టకాలంలో ఒంటరి పోరాటం చేసి సాధించిన ఈ నైతిక ధైర్యమే ఆమెను అసలైన ఫైటర్‌గా నిలబెట్టింది.
Share
AP Elections: గరివిడి, గుర్ల ZPTC లు వైసీపీ కైవసం.. బొత్స అనూష గ్రౌండ్ వర్కేనా?
