అమీర్ లోగ్ మూవీ రివ్యూ.. పాతబస్తీ గల్లీ స్నేహం వర్కౌట్ అయ్యిందా?

Ameerlog Movie Review:తెలంగాణ గ్రామీణ నేపథ్యంలో ఎన్నో కథలు ప్రేక్షకులను ఆకట్టుకుంటున్న విషయం తెలిసిందే అయితే ఇప్పుడు హైదరాబాద్ లోని పాతబస్తీ గల్లీలో ఉండే యువతను ఆధారంగా చేసుకొని ప్రేక్షకుల ముందుకు అమీర్ లోగ్ అంటూ ఒక కొత్త మూవీతో ప్రేక్షకుల ముందుకు వచ్చారు. రమణారెడ్డి సోమదర్శకత్వంలో అవ్వల్ నంబర్ ప్రొడక్షన్స్ బ్యానర్ పై మాధవి రెడ్డి సోమ నిర్మించిన చిత్రం అమీర్ లోగ్ స్మరణ్ సాయి సంగీతాన్ని అందించిన ఈ చిత్రంలో హరి మున్నంగి, మనోజ్ ఆవుల, శశిధర్ కోచర్ల కోట, వేద జలంధర్, విశ్వేందర్ రెడ్డి కొమ్మిడి, సాయి యోగి, రావణ్ నిట్టూరు తదితరులు కీలక పాత్రలు పోషించారు ఇక భారీ అంచనాల మధ్య నేడు థియేటర్లలో విడుదలైన ఈ సినిమా ప్రేక్షకులను ఏ విధంగా మెప్పించింది ఈ సినిమా రివ్యూ ఒకసారి చూద్దాం.

అమీర్ లోగ్ సినిమా స్టోరీ..

హైదరాబాద్ పాతబస్తీ గల్లీల్లో పెరిగిన ముగ్గురు స్నేహితుల జీవితాలను, వారి ఎదుగుదలను బిర్యానీ నేపథ్యంతో కలిపి చెప్పే ప్రయత్నం ‘అమీర్ లోగ్’. కథలో హైదరాబాదీ నేటివిటీ, స్థానిక భాష, గల్లీ కల్చర్ ప్రధాన ఆకర్షణగా నిలుస్తాయి.
శ్రీను, మల్లేష్, రఫీక్ అనే ముగ్గురు యువకులు లక్ష్యం లేకుండా తిరుగుతూ ఉంటారు. గీత ఇచ్చే ప్రోత్సాహంతో ఉద్యోగాల వైపు అడుగులు వేస్తారు. అనుకోకుండా బిర్యానీ ద్వారా వారికి ఓ కొత్త వ్యాపార ఆలోచన వస్తుంది. అక్కడి నుంచి స్నేహం, వ్యాపారం, నమ్మకం చుట్టూ కథ ముందుకు సాగుతుంది.

also read:2 ఇళ్లల్లోనే మొత్తం షూటింగ్.. బడ్జెట్ మాత్రం బారెడు.. కలెక్షన్స్ ఎంత?

సినిమా ప్లస్ పాయింట్స్ :

పాతబస్తీ వాతావరణం చాలా సహజంగా అనిపిస్తుంది. హైదరాబాద్ స్లాంగ్, గల్లీ లైఫ్ మంచి నేటివిటీని తీసుకొచ్చాయి.
ముగ్గురు స్నేహితుల మధ్య కెమిస్ట్రీ సినిమాలో ప్రధాన బలంగా నిలుస్తుంది.
బిర్యానీని కేవలం ఫుడ్‌గా కాకుండా కథలోని ముఖ్యమైన అంశంగా ఉపయోగించిన విధానం ఆసక్తికరంగా ఉంది.
సెకండాఫ్‌లో భావోద్వేగ సన్నివేశాలు, ముఖ్యంగా చాచా పాత్రకు సంబంధించిన ఎపిసోడ్స్ బాగా వర్కవుట్ అయ్యాయి.
క్లైమాక్స్‌లో వచ్చే ఎమోషనల్ టచ్ సినిమాకు మంచి ముగింపు ఇస్తుంది.

సినిమా మైనస్ పాయింట్స్:

ఫస్ట్ హాఫ్‌లో కథ చాలా నెమ్మదిగా కదులుతుంది.
పాత్రలను స్థాపించడానికి ఎక్కువ సమయం తీసుకోవడంతో కథలోకి పూర్తిగా వెళ్లడానికి కొంత టైమ్ పడుతుంది.
బిర్యానీ బిజినెస్ మొదలైన తర్వాత కూడా కొన్ని సన్నివేశాలు డ్రామాటిక్‌గా కాకుండా వివరించే విధంగా అనిపిస్తాయి.
కథలో మంచి ఐడియా ఉన్నప్పటికీ, దాన్ని మరింత ఆసక్తికరమైన స్క్రీన్‌ప్లేతో చెప్పే అవకాశం ఉంది.
కొన్ని చోట్ల కామెడీ, ఎమోషన్ రెండూ ఆశించిన స్థాయిలో పేలవు.

చివరి ఆఖరి మాటగా :

‘అమీర్ లోగ్’లో కథ కంటే నేటివిటీ పెద్ద బలం. హైదరాబాద్ పాతబస్తీ జీవనశైలి, స్నేహం, బిర్యానీ కల్చర్‌ను నిజాయతీగా చూపించడంలో సినిమా సక్సెస్ అవుతుంది. అయితే వేగవంతమైన స్క్రీన్‌ప్లే, బలమైన ట్విస్టులు కోరుకునే ప్రేక్షకులకు అక్కడక్కడా నెమ్మదిగా అనిపించొచ్చు.

నేటివిటీ, ఫ్రెండ్‌షిప్, ఎమోషన్ కోసం చూడొచ్చు.. కానీ భారీ ఎంటర్‌టైన్‌మెంట్ ఆశిస్తే అంచనాలు కాస్త తగ్గించుకోవాలి.