Chiranjeevi Emotional Reply :మెగాస్టార్ చిరంజీవి పుట్టినరోజు సందర్భంగా పవన్ కళ్యాణ్ తన అన్నయ్యకి ఎమోషనల్ విషెస్ చెప్పిన సంగతి తెలిసిందే. తాను వెండితెరపై హీరో కాకముందే తనకు నిజమైన హీరో చిరంజీవేనని, కాలేజీ రోజుల్లో అన్నయ్య పక్కన నడవడం తనకు ఎంతో గర్వంగా అనిపించేదని, చిన్నతనంలో ఆయన చూపించిన ఆప్యాయత ఎప్పటికీ మరచిపోలేనిదని తన విషెస్ లో చెప్పుకొచ్చారు పవన్.
ఇక చిరంజీవి మొదటిసారి సింగపూర్ వెళ్లినప్పుడు తెచ్చిన బ్లూ బ్యాగ్లో లెగో హెలికాప్టర్, రిమోట్ కార్లు, కామిక్ పుస్తకాలు, మ్యూజిక్ క్యాసెట్లు ఉండేవని, ఆ జ్ఞాపకాలు తన మనసులో ఇప్పటికీ పదిలంగా ఉన్నాయని పవన్ గుర్తు చేసుకున్నారు. అన్నయ్యకు పెళ్లి అయిన కొత్తలో, ఆయన ఇక తనకు దూరమైపోతారేమోనన్న భయంతో గదిలో కూర్చుని ఏడుస్తుంటే, చిరంజీవి తన భార్యను తీసుకొచ్చి ‘నీకో పెద్ద మనిషిని పరిచయం చేస్తా’ అంటూ నవ్వించి భయాన్ని పోగొట్టిన తీరును వివరించారు. . చదువులో లేదా జీవితంలో అపజయాలు ఎదురైనప్పుడు చిరంజీవి ఎప్పుడూ తనను నిందించలేదని, నిరంతరం అండగా నిలిచారని పవన్ పంచుకున్నారు.
సూపర్ స్టార్గా ఎదగడం, కేంద్ర మంత్రిగా బాధ్యతలు నిర్వర్తించడం, పద్మవిభూషణ్ పురస్కారాన్ని అందుకోవడం వంటి ఎన్నో విజయాలు సాధించినా చిరంజీవిలోని కష్టపడే తత్వం మాత్రం మారలేదని అన్నారు. ఇటీవల పెద్ద సర్జరీ జరిగిన తర్వాత కూడా విశ్రాంతి తీసుకోకుండా వెంటనే కోలుకుని పనిచేయడం తనకు ఎంతో స్ఫూర్తినిచ్చిందని పవన్ భావోద్వేగానికి లోనయ్యారు.
A thought about Annaya @KChiruTweets is always a source of joy. While I walk along the memory lane on this special day ,these are few memories I have tumbled upon.
In our childhood, he went away from home to pursue his college education in Narsapur. And his homecoming for… pic.twitter.com/oWMPairQY1
— Pawan Kalyan (@PawanKalyan) August 22, 2026
ఇక తమ్ముడి ఎమోషనల్ పోస్ట్ కి చిరంజీవి కూడా అంతే హృదయపూర్వకంగా రియాక్ట్ అయ్యారు. “మై డియర్ కళ్యాణ్ బాబు” అంటూ పవన్ మాటలు తమ జీవితంలోని ఎంతో విలువైన జ్ఞాపకాలను కళ్లముందు నిలిపాయని, వాటిని చదివి తాను కంటతడి పెట్టానని చెప్పారు. అన్నయ్యగా తాను చేసినదంతా తమ్ముడిపై ఉన్న ప్రేమతో, బాధ్యతతోనే చేశానని స్పష్టం చేశారు. అయితే ఇప్పుడు పవన్ ప్రజల కోసం చూపిస్తున్న ధైర్యం, నిబద్ధత, నిస్వార్థమైన ప్రయాణం మరియు దేశంపై ఉన్న ప్రేమను చూస్తుంటే ఒక అన్నగా తనకు ఎంతో గర్వంగా ఉందన్నారు.
also read :సౌత్ సినిమాలకు నెట్ఫ్లిక్స్ జై కొట్టిందా?.. లైనప్ చూస్తే మతిపోవాల్సిందే!
పవన్ లక్షలాది మందికి బలమైన స్ఫూర్తిగా మారాడని చిరంజీవి ప్రశంసించారు. “నువ్వు నన్ను నీ హీరో అంటున్నావు, కానీ నీ పట్టుదల, నిజాయితీ నన్ను కూడా ఎన్నో విధాలుగా స్ఫూర్తి పొందేలా చేశాయి” అని చిరంజీవి చెప్పిన మాటలు అభిమానులను ఎంతగానో ఆకట్టుకున్నాయి. ఈ అందమైన జ్ఞాపకాలను కానుకగా ఇచ్చినందుకు ధన్యవాదాలు తెలుపుతూ, పవన్ చూపించే ప్రేమ తన జీవితంలో దొరికిన గొప్ప ఆశీర్వాదమని పేర్కొన్నారు. చివరిగా “లవ్ యూ ఆల్వేస్ కళ్యాణ్ బాబు” అంటూ అన్నయ్యగా తన ప్రేమని గొప్పగా చాటుకున్నారు మెగాస్టార్ చిరు !
My dear Kalyan Babu,
Your words took me back to the most precious chapters of our lives and left me deeply emotional. What you remember as my love and sacrifice was simply my responsibility and affection as your Annayya.
Today, seeing your unwavering courage, commitment to the… https://t.co/4A1h9OyGZO
— Chiranjeevi Konidela (@KChiruTweets) August 22, 2026
Share
అమీర్ లోగ్ మూవీ రివ్యూ.. పాతబస్తీ గల్లీ స్నేహం వర్కౌట్ అయ్యిందా?
సీఎం రేవంత్, ఉత్తమ్లపై జీవన్ రెడ్డి ఫైర్.. మరో ఉద్యమం తప్పదంటూ హెచ్చరిక!
