Asus Vivobook 14, 15: ప్రముఖ టెక్ సంస్థ అసూస్ భారత మార్కెట్లోకి సరికొత్త ఫీచర్లతో కూడిన వివోబుక్ 14, వివోబుక్ 15 ల్యాప్టాప్ల అప్గ్రేడెడ్ వెర్షన్లను విడుదల చేసింది. ఆర్టిఫిషియల్ ఇంటెలిజెన్స్ (AI) సామర్థ్యాలతో వచ్చిన ఈ ల్యాప్టాప్లు విద్యార్థులు, ఆఫీస్ ఉద్యోగులకు చక్కగా ఉపయోగపడతాయి. మైక్రోసాఫ్ట్ ఆఫీస్ హోమ్ 2024 లైఫ్టైమ్ యాక్సెస్తో పాటు ఏడాది పాటు 100GB వన్డ్రైవ్ క్లౌడ్ స్టోరేజ్ ఉచితంగా లభిస్తుంది.
ఈ ల్యాప్టాప్లు కంటికి ఎలాంటి శ్రమ కలగకుండా ఉండేందుకు ట్యూవ్ రైన్ల్యాండ్ సర్టిఫికేషన్తో కూడిన ఫుల్-హెచ్డీ ఐపీఎస్ యాంటీ-గ్లేర్ డిస్ప్లేను కలిగి ఉన్నాయి. 84% స్క్రీన్-టు-బాడీ రేషియో, 250 నిట్స్ బ్రైట్నెస్తో ఇవి వస్తాయి. కూల్ సిల్వర్, టెర్రా కోటా, క్వైట్ బ్లూ రంగుల్లో లభించే ఈ మోడల్స్ చూడటానికి ఎంతో స్టైలిష్గా ఉంటాయి.
లేటెస్ట్ ఇంటెల్ కోర్ 7 సిరీస్ 3 ప్రాసెసర్లతో పనిచేసే ఈ ల్యాప్టాప్లలో ప్రత్యేకంగా న్యూరల్ ప్రాసెసింగ్ యూనిట్ (NPU) అందించారు. ఇది ఏఐ పనులను చాలా వేగంగా పూర్తి చేస్తుంది. దీనిలో 16GB డీడీఆర్5 ర్యామ్, 512GB స్టోరేజ్ ఉండటం వల్ల ల్యాప్టాప్ చాలా స్మూత్గా రన్ అవుతుంది. విండోస్ 11 హోమ్ ఆపరేటింగ్ సిస్టమ్తో ఇవి పనిచేస్తాయి.
Also Read: లైవ్ పెర్ఫామర్ల కోసం సోనీ సరికొత్త ఇయర్ మానిటర్స్.. అడ్వాన్స్డ్ ఫీచర్లు, ధర వివరాలు ఇవే!
రక్షణ కోసం టచ్ప్యాడ్లోనే ఫింగర్ప్రింట్ స్కానర్ ఇచ్చారు. వీడియో కాల్స్ కోసం ప్రైవసీ షట్టర్ ఉన్న 720 పిక్సెల్ హెచ్డీ వెబ్క్యామ్ ఉంది. వై-ఫై 6, బ్లూటూత్ 5.3తో పాటు టైప్-సి, టైప్-ఎ, హెచ్డీఎమ్ఐ వంటి అన్ని రకాల కనెక్టివిటీ పోర్టులు ఇందులో అందుబాటులో ఉన్నాయి. మంచి సౌండ్ కోసం సోనిక్మాస్టర్ స్పీకర్లను అమర్చారు.
భారత్లో అసూస్ వివోబుక్ 15 ప్రారంభ ధర రూ.75,990 కాగా.. వివోబుక్ 14 ప్రారంభ ధర రూ.1,07,990గా ఉంది. వివోబుక్ 15 ఇప్పటికే ప్రముఖ ఆన్లైన్, ఆఫ్లైన్ స్టోర్లలో అందుబాటులో ఉండగా, వివోబుక్ 14 జులై 26 నుంచి విక్రయానికి రానుంది. సులభమైన ఈఎంఐ ఆప్షన్లతో పాటు 24 నెలల ఫైనాన్స్ సౌకర్యం కూడా ఉంది.
Also Read: టీవీ, ఏసీలను కంట్రోల్ చేసే ఫీచర్తో Itel జెనో సిరీస్ ఫోన్లు.. రఫ్ అండ్ టఫ్గా వాడేయొచ్చు మావా!
Share
డబ్బులు అస్సలు వేస్ట్ కావు! బెస్ట్ మైక్ క్వాలిటీతో..బడ్జెట్ ఇయర్బడ్స్!
అమ్మాయిల కోసమే స్పెషల్ వాచ్! నెక్స్ట్ లెవెల్ లుక్తో.. Noise Diva 2 లాంచ్!
