Itel Rugged Smartphones: బడ్జెట్ ధరలో మంచి ఫీచర్లను అందించే ప్రముఖ మొబైల్ బ్రాండ్ ఐటెల్ (Itel).. భారత మార్కెట్లో తమ పట్టును మరింత పెంచుకునేందుకు సిద్ధమైంది. ఇందులో భాగంగా Zeno సిరీస్లో రెండు సరికొత్త స్మార్ట్ఫోన్లను భారత్లో విడుదల చేయనున్నట్లు కంపెనీ ప్రకటించింది. Itel Zeno 100 Pro, Itel Zeno 100 Lite పేర్లతో ఇవి మార్కెట్లోకి అడుగుపెడుతున్నాయి. దీనికి సంబంధించిన టీజర్ పేజీలు అమెజాన్లో లైవ్ అయ్యాయి.
ఈ సిరీస్లో హై-ఎండ్ మోడల్గా వస్తున్న Itel Zeno 100 Pro స్మార్ట్ఫోన్ను జూలై 16న భారతదేశంలో లాంచ్ చేయనున్నట్లు కంపెనీ అధికారికంగా ధృవీకరించింది. నిత్యం రఫ్ అండ్ టఫ్ యూసేజ్ కోసం ఫోన్ వెతికే వారికి ఇది ఒక మంచి ఆప్షన్గా నిలవనుంది. ఫోన్ పడిపోయినా, ఎండ తీవ్రతకు గురైనా తట్టుకునేలా దీని బాడీని అత్యంత పటిష్టంగా డిజైన్ చేశారు. దీని కోసం ప్రత్యేకంగా మిలిటరీ గ్రేడ్ (MIL-STD 810H) సర్టిఫికేషన్ను కూడా ఈ ఫోన్ సొంతం చేసుకుంది.
Also Read: 99% మంది ఐఫోన్ యూజర్లకు తెలియని 5 క్రేజీ ట్రిక్స్.. మీరూ ఓసారి ట్రై చేసేయండి బాస్!
ఈ ప్రో మోడల్లో ‘పాయింట్ అండ్ టాప్ కంట్రోల్ కనెక్టివిటీ’ అనే సరికొత్త ఫీచర్ను అందిస్తున్నారు. అంటే.. దీనిలో ఇన్బిల్ట్గా ఐఆర్ బ్లాస్టర్ (IR Blaster) ఉండే అవకాశం ఉంది. దీని ద్వారా ఇంట్లోని టీవీ, ఏసీ వంటి హోమ్ అప్లయెన్సెస్ను ఫోన్ నుంచే సులభంగా ఆపరేట్ చేయవచ్చు. అలాగే బ్యాక్ సైడ్ డ్యూయల్ రేర్ కెమెరా సెటప్ను ఇస్తున్నట్లు టీజర్ ద్వారా తెలుస్తోంది. అయితే కెమెరా మెగాపిక్సెల్ వివరాలను కంపెనీ ఇంకా సీక్రెట్గానే ఉంచింది.
ఇక ఇదే సిరీస్లో వస్తున్న Itel Zeno 100 Lite మోడల్ ఫీచర్లను కూడా కంపెనీ రివీల్ చేసింది. దీనిలో 90Hz రిఫ్రెష్ రేట్తో కూడిన 6.6 ఇంచుల హెచ్డీ ప్లస్ డిస్ప్లేను ఇస్తున్నారు. అదిరిపోయే సౌండ్ క్వాలిటీ కోసం డీటీఎస్ (DTS) స్పీకర్లు, ఎక్కువ సమయం బ్యాకప్ ఇచ్చేందుకు 5000mAh బ్యాటరీని అమర్చారు. ప్రో మోడల్ లాగే ఇది కూడా మిలిటరీ గ్రేడ్ ప్రొటెక్షన్తో వస్తోంది. ఈ లైట్ వేరియంట్ లాంచ్ డేట్ను ఇంకా అనౌన్స్ చేయనప్పటికీ, ప్రో మోడల్తో పాటే జూలై 16న విడుదలయ్యే అవకాశాలు ఉన్నాయి. దీని ధర, ప్రాసెసర్ వివరాలు త్వరలోనే తెలియనున్నాయి.
Also Read: ల్యాండ్స్కేప్ కెమెరాతో శాంసంగ్ కొత్త టాబ్లెట్.. భారత్లో లాంచ్ ఎప్పుడంటే?
Share
ఉపా ఉల్టా తిరిగింది! అది పవన్నేతగులుకున్నది! దేశద్రోహం కేసుపై చర్చ... !
అమెరికాలో ఏపీ యువతి మృతి కేసులో బిగ్ ట్విస్ట్.. రూ. 1400 కోట్ల స్కామ్తో లింక్?
