స్టైలిష్ లుక్, టచ్ కంట్రోల్స్.. ఈ స్మార్ట్ రింగ్ ఫీచర్లు చూస్తే ఫిదా అవుతారు

boAt SmartRing Active Review: ఈ రోజుల్లో ఫిట్‌నెస్ ట్రాకింగ్ అనగానే అందరికీ స్మార్ట్‌వాచ్‌లు లేదా ఫిట్‌నెస్ బ్యాండ్‌లే గుర్తొస్తాయి. కానీ.. రోజంతా చేతికి పెద్ద పెద్ద వాచీలు పెట్టుకోవడం కొందరికి కాస్త ఇబ్బందిగా అనిపిస్తుంది. అలాంటి వారి కోసం టెక్నాలజీ ప్రపంచంలో సరి కొత్త ట్రెండ్ సెట్ చేస్తూ వచ్చింది ‘స్మార్ట్ రింగ్’. ప్రముఖ బ్రాండ్ బోట్ అతి తక్కువ ధరలోనే ప్రీమియం ఫీచర్లతో తీసుకొచ్చిన గ్యాడ్జెటే boAt SmartRing Active. కేవలం రూ.2,999 ధరకే లభించే ఈ స్మార్ట్ రింగ్ ఫీచర్ల వివరాలు..

సాధారణంగా లగ్జరీ స్మార్ట్ రింగ్‌లు మార్కెట్లో రూ.15,000 కంటే ఎక్కువ ధరలో ఉంటాయి. కానీ బోట్ సంస్థ కేవలం రూ.2,999 కే ఒక అద్భుతమైన, స్టైలిష్ అండ్ మెటాలిక్ బాడీ ఉన్న స్మార్ట్ రింగ్‌ను ఇండియన్ మార్కెట్లోకి తెచ్చింది. ఇది మీ చేతి వేలికి ఒక రింగ్ లానే ఉంటూ.. మీ హెల్త్‌ని నిరంతరం మానిటర్ చేస్తుంది.

ప్రీమియం అండ్ లైట్ వెయిట్ డిజైన్ :

ఈ స్మార్ట్ రింగ్ ప్రీమియం స్టెయిన్‌లెస్ స్టీల్ మెటీరియల్‌తో వస్తుంది. ఇది చూడటానికి చాలా క్లాసీగా ఉండటమే కాకుండా.. కేవలం కొన్ని గ్రాముల బరువు మాత్రమే ఉంటుంది. చేతికి పెట్టుకుంటే అసలు వేలికి ఒక గ్యాడ్జెట్ ఉందనే విషయమే మర్చిపోయేంత లైట్ వెయిట్‌గా ఉంటుంది. రాత్రి పడుకునేటప్పుడు.. కూడా ఎలాంటి ఇబ్బంది లేకుండా దీన్ని వేసుకోవచ్చు. ఇది వేర్వేరు వేళ్ల సైజులలో, ట్రెండీ కలర్స్‌లో అందుబాటులో ఉంది.

అడ్వాన్స్‌డ్ హెల్త్ ట్రాకింగ్ :
చిన్న రింగ్ అయినా సరే, దీని లోపల అమర్చిన సెన్సార్లు మీ హెల్త్‌ని పర్ఫెక్ట్‌గా ట్రాక్ చేస్తాయి.

హార్ట్ రేట్ మానిటరింగ్: మీ గుండె వేగాన్ని 24×7 ఇది ట్రాక్ చేస్తుంది.

SpO2 బ్లడ్ ఆక్సిజన్: మీ రక్తంలో ఆక్సిజన్ శాతాన్ని నిరంతరం లెక్కిస్తుంది.

స్లీప్ ట్రాకింగ్: మీరు రాత్రి ఎంతసేపు గాఢ నిద్రపోయారు, మీ నిద్ర క్వాలిటీ ఎలా ఉందో క్లియర్‌గా చూపిస్తుంది.

స్ట్రెస్ అండ్ పీరియడ్ ట్రాకింగ్: మీ మానసిక ఒత్తిడి స్థాయిలతో పాటు, మహిళల కోసం ప్రత్యేకంగా మెన్‌స్ట్రువల్ సైకిల్ ట్రాకింగ్ ఫీచర్ కూడా ఇందులో ఉంది.

స్మార్ట్ టచ్ కంట్రోల్స్:
boAt SmartRing Active లో ఒక క్రేజీ ఫీచర్ ఉంది. దీని సర్ఫేస్ పై టచ్ కంట్రోల్స్ ఉంటాయి. మీ ఫోన్ జేబులో ఉన్నప్పుడు, ఈ రింగ్ పై జస్ట్ స్వైప్ చేయడం లేదా ట్యాప్ చేయడం ద్వారా ఫోన్ కెమెరాతో ఫోటోలు క్లిక్ చేయవచ్చు, మ్యూజిక్ ప్లే/పాజ్ చేయవచ్చు లేదా ప్రెజెంటేషన్ స్లైడ్స్ మార్చవచ్చు.

స్పోర్ట్స్ మోడ్స్ & వాటర్ రెసిస్టెన్స్ :
ఫిట్‌నెస్ లవర్స్ కోసం ఇందులో పలు రకాల స్పోర్ట్స్ మోడ్స్ (రన్నింగ్, వాకింగ్, సైక్లింగ్ మొదలైనవి) ఉన్నాయి. మీరు రోజుకు ఎన్ని అడుగులు వేశారు, ఎన్ని క్యాలరీలు బర్న్ చేశారు అనేది బోట్ క్రియా యాప్ లో స్పష్టంగా చూడొచ్చు. ఇది 5ATM వాటర్ రెసిస్టెంట్ రేటింగ్‌తో వస్తుంది కాబట్టి ఈ రింగ్ పెట్టుకుని స్విమ్మింగ్ చేసినా, చేతులు కడిగినా ఏమాత్రం పాడవదు.

పవర్‌ఫుల్ బ్యాటరీ:
ఈ స్మార్ట్ రింగ్‌ను ఒక్కసారి ఛార్జ్ చేస్తే దాదాపు 5 నుంచి 7 రోజుల వరకు నాన్-స్టాప్ బ్యాటరీ బ్యాకప్ ఇస్తుంది. దీనితో పాటు వచ్చే క్యూట్ మ్యాగ్నెటిక్ ఛార్జింగ్ కేస్ ద్వారా దీన్ని చాలా ఈజీగా ఛార్జ్ చేసుకోవచ్చు.

చేతికి వాచ్ పెట్టుకోవడం బోర్ కొట్టి, ఏదైనా కొత్తగా, ట్రెండీగా ట్రై చేయాలనుకునే వారికి boAt SmartRing Active ఒక పర్ఫెక్ట్ గ్యాడ్జెట్. కేవలం రూ.2,999 బడ్జెట్ ధరలో స్టైల్, లగ్జరీ లుక్ మరియు బెస్ట్ హెల్త్ ఫీచర్స్ కావాలనుకునే ప్రతి ఒక్కరూ దీనిపై ఒక కన్నేయొచ్చు!

Share

• 
• 
• 
• 
• 
•