Wear OS 7 Update: స్మార్ట్‌వాచ్ ప్రియుల కోసం గూగుల్ సరికొత్త ఆపరేటింగ్ సిస్టమ్‌ను తీసుకురావడానికి సిద్ధమైంది. గత నెలలో జరిగిన ఐఓ 2026 ఈవెంట్‌లో గూగుల్ పరిచయం చేసిన Wear OS 7 అప్‌డేట్ త్వరలోనే రోల్ అవుట్ కానుందని తెలుస్తోంది. ప్రముఖ టెలికాం సంస్థ వెరిజోన్ సపోర్ట్ పేజీల ద్వారా ఈ విషయం బయటకు వచ్చింది. మొత్తం మూడు పిక్సెల్ వాచ్ మోడళ్లకు ఈ సరికొత్త సాఫ్ట్‌వేర్ అప్‌డేట్ లభించనుంది.
వెరిజోన్ తమ సపోర్ట్ పేజీలలో పిక్సెల్ వాచ్ 2, పిక్సెల్ వాచ్ 3, అలాగే పిక్సెల్ వాచ్ 4 మోడళ్లకు సంబంధించిన సమాచారాన్ని అప్‌డేట్ చేసింది. అంతే కాదు.. Wear OS 7 అప్‌డేట్ బిల్డ్ నెంబర్ కూడా లిస్ట్ అయ్యింది. జూన్ రెండో వారంలోనే ఈ అప్‌డేట్ విడుదల కావాల్సి ఉన్నట్లు వెబ్‌సైట్‌లో కనిపించినప్పటికీ.. గూగుల్ దీనిపై ఇంకా అధికారిక ప్రకటన చేయలేదు. అయితే వెరిజోన్ ముందస్తుగానే వివరాలను పోస్ట్ చేయడంతో, ఈ అప్‌డేట్ ఏ క్షణమైనా వినియోగదారులకు అందుబాటులోకి వచ్చే అవకాశం ఉంది.
ఆండ్రాయిడ్ 17 ఆధారంగా రూపొందిన ఈ కొత్త అప్‌డేట్ స్మార్ట్‌వాచ్ లుక్‌ను పూర్తిగా మార్చేయనుంది. ఇందులో సరికొత్త డిజైన్‌తో పాటు ‘వేర్ విడ్జెట్స్’ వంటి ఫీచర్లు అందుబాటులోకి రానున్నాయి. బ్యాటరీ లైఫ్ పెంచడంపై గూగుల్ ఈసారి ప్రత్యేక దృష్టి పెట్టింది. అంతేకాదు.. గూగుల్ ఏఐ ‘జెమిని ఇంటెలిజెన్స్’ ఆధారంగా పనిచేసే ‘లైవ్ అప్‌డేట్స్’ ఫీచర్ దీని ప్రత్యేకత. దీనివల్ల ఫోన్‌లోని యాప్స్ సమాచారాన్ని వాచ్ స్క్రీన్‌పైనే నేరుగా, రియల్ టైమ్‌లో చూసుకోవచ్చు.
వ్యాయామాలు చేసేవారి కోసం ఇందులో ‘వేర్ వర్కౌట్ ట్రాకర్’ అనే కొత్త ఫీచర్‌ను జత చేశారు. ఇది హార్ట్‌రేట్ మానిటరింగ్, మీడియా కంట్రోల్స్ రెండింటినీ కలిపి మరింత మెరుగ్గా పనిచేస్తుంది. అలాగే ఇందులోని రిమోట్ అవుట్‌పుట్ స్విచ్చర్ సాయంతో వాచ్ నుంచే ఆడియో ప్లేబ్యాక్ డివైజ్‌లను సులభంగా మేనేజ్ చేయవచ్చు. ఫోన్ యాప్స్‌కు సంబంధించిన ఆటోమేటెడ్ టాస్క్‌లను కూడా ఇకపై వాచ్ నుంచే నేరుగా ట్రాక్ చేసుకునే సదుపాయం లభిస్తుంది. పాత వాటితో పోలిస్తే ఈ అప్‌డేట్ వాచ్ పనితీరును మరింత వేగవంతం చేయనుంది.
Also Read: YouTubeను సోషల్ మీడియాగా మార్చే భారీ ప్లాన్.. ఇక యాప్‌లోనే చాటింగ్, వీడియో షేరింగ్!
Share
టాయిలెట్లో ఫోన్ వాడుతున్నారా? చేతులారా దరిద్రాన్ని కొనితెచ్చుకోవడమే.. వాస్తు ఏం చెబుతోంది?
బుల్లెట్ రైలు ప్రాజెక్టులో కొత్త టెక్నాలజీ.. తొలిసారిగా టన్నెల్ హుడ్స్ ఏర్పాటు!
