Smartphone Privacy Tips: ప్రస్తుత రోజుల్లో స్మార్ట్‌ఫోన్ మన జీవితంలో ఒక భాగమైపోయింది. ఉదయం లేచినప్పటి నుండి రాత్రి పడుకునే వరకు మనం రకరకాల యాప్స్ వాడుతుంటాం. అయితే మనం డౌన్‌లోడ్ చేసుకునే కొన్ని యాప్స్ మనకు తెలియకుండానే బ్యాక్‌గ్రౌండ్‌లో మన కెమెరా, మైక్రోఫోన్‌లను ఉపయోగిస్తూ మన మాటలను, కదలికలను గమనించే ప్రమాదం ఉంది. దీనివల్ల మన వ్యక్తిగత గోప్యతకు భంగం కలుగుతుంది. మీరు కూడా మీ ప్రైవసీ గురించి ఆందోళన చెందుతుంటే.. మీ ఫోన్‌లో ఏ యాప్ దొంగచాటుగా మిమ్మల్ని గమనిస్తుందో చాలా సులభంగా తెలుసుకుని వాటికి చెక్ పెట్టవచ్చు.
కొత్తగా వస్తున్న ఆండ్రాయిడ్, ఐఫోన్ మొబైల్స్‌లో ప్రైవసీ కోసం ప్రత్యేక ఫీచర్లు అందుబాటులో ఉన్నాయి. ఏదైనా యాప్ మీ కెమెరా లేదా మైక్రోఫోన్‌ను ఉపయోగిస్తున్నప్పుడు స్క్రీన్ పైభాగంలో ఒక చిన్న ఆకుపచ్చ లేదా నారింజ రంగు చుక్క కనిపిస్తుంది. మీరు ఏ యాప్ వాడకపోయినా ఈ లైట్ వెలుగుతుంటే.. ఏదో ఒక యాప్ బ్యాక్‌గ్రౌండ్‌లో మిమ్మల్ని గమనిస్తోందని అర్థం చేసుకోవాలి.
మీ ఆండ్రాయిడ్ ఫోన్‌లో అనవసరమైన యాప్స్‌కు పర్మిషన్లు తీసేయడం చాలా తేలిక. ముందుగా మీ ఫోన్ సెట్టింగ్స్ ఓపెన్ చేసి, అందులో ప్రైవసీ లేదా ప్రైవసీ డ్యాష్‌బోర్డ్ ఆప్షన్‌పై క్లిక్ చేయండి. అక్కడ కెమెరా, మైక్రోఫోన్ ఆప్షన్లు విడివిడిగా కనిపిస్తాయి. వాటిని ఓపెన్ చేసి, మీకు అనుమానం ఉన్న లేదా అవసరం లేని యాప్స్‌కు పర్మిషన్‌ను Don’t allow అని సెట్ చేయండి.
Also Read: ఒక్క రీఛార్జ్‌తో 84 రోజుల వ్యాలిడిటీ, 4 ఓటీటీలు, రూ.4,000 విలువైన ప్రీమియం బెనిఫిట్స్ ఫ్రీ!
ఐఫోన్ వాడేవారు ముందుగా ఫోన్ సెట్టింగ్స్‌లోకి వెళ్లి కిందకు స్క్రోల్ చేస్తే Privacy and Security ఆప్షన్ కనిపిస్తుంది. దానిపై క్లిక్ చేస్తే కెమెరా, మైక్రోఫోన్ జాబితాలు వస్తాయి. అందులో ఏయే యాప్స్‌కు పర్మిషన్ ఉందో చూసి, మీకు అవసరం లేని యాప్స్ పక్కన ఉన్న బటన్‌ను ఆఫ్ చేసేయండి.
ఏదైనా కొత్త యాప్‌కు పర్మిషన్ ఇచ్చేటప్పుడు ఎప్పుడూ While using the app అనే ఆప్షన్ మాత్రమే ఎంచుకోండి. ఆండ్రాయిడ్ ఫోన్లలో ఉండే Only this time ఫీచర్ వాడటం ఇంకా మంచిది. అలాగే కొన్ని నెలలుగా మీరు అస్సలు వాడని యాప్స్ మీ ఫోన్‌లో ఉంటే వాటిని వెంటనే అన్‌ఇన్‌స్టాల్ చేయడం ద్వారా మీ ఫోన్‌ను కంప్లీట్ సేఫ్‌గా ఉంచుకోవచ్చు.
Also Read: భారతీయులు ఇల్లు క్లీన్ చేసే విషయంలో ఇంత నిర్లక్ష్యమా? డైసన్ సర్వేలో షాకింగ్ విషయాలు!
Share
పబ్జీలో కలిశారు.. మూడేళ్లు ప్రేమించుకున్నారు.. కట్ చేస్తే గెస్ట్ హౌస్లో..
ఒక చిన్న ప్రాణం.. గొప్ప మనసు.. ఇది ప్రతీ ఒక్కరూ చూడాల్సిందే!
