లాంచ్ స్ట్రాటజీ మార్చిన Huawei.. కొత్త ఫోన్ల కోసం ఎదురుచూస్తున్న యూజర్లకు గుడ్ న్యూస్, కానీ..

Huawei Mate 90: హువావే మొబైల్ ప్రియులకు ఒక గుడ్ న్యూస్‌తో పాటు ఒక బ్యాడ్ న్యూస్ కూడా. కంపెనీ తమ మోస్ట్ అవేటెడ్ Mate 90 సిరీస్‌ను మార్కెట్లోకి తెచ్చేందుకు శరవేగంగా అడుగులు వేస్తోంది. అయితే, ఇదే సమయంలో హువావే అభిమానులను కాస్త నిరాశపరిచే వార్త కూడా ఒకటి బయటకు వచ్చింది. ఈసారి Mate 90 ఫ్లాగ్‌షిప్ సిరీస్‌తో పాటు రావాల్సిన నెక్స్ట్ జనరేషన్ ఫోల్డబుల్ స్మార్ట్‌ఫోన్ లాంచ్ కాస్త ఆలస్యం కానుందని సమాచారం. తమ లాంచ్ స్ట్రాటజీని మార్చుకుంటూ హువావే ఈ నిర్ణయం తీసుకున్నట్లు తెలుస్తోంది.

మారిన హువావే వ్యూహం:

గతేడాది హువావే తమ Mate 80 సిరీస్‌తో పాటే ఫోల్డబుల్ మోడల్స్‌ను కూడా ఒకే వేదికపై లాంచ్ చేసి అందరినీ ఆకట్టుకుంది. కానీ ఈసారి సీన్ మారబోతోంది. ప్రముఖ టిప్‌స్టర్ రూరీరెన్ చైనీస్ మైక్రోబ్లాగింగ్ ప్లాట్‌ఫారమ్ వైబోలో షేర్ చేసిన వివరాల ప్రకారం.. హువావే తమ సరికొత్త ఫోల్డబుల్ ఫోన్ Mate XT 2 లాంచ్‌ను తాత్కాలికంగా పక్కన పెట్టింది. ముందుగా కేవలం Mate 90 సిరీస్‌ను మాత్రమే మార్కెట్లోకి తీసుకురావాలని కంపెనీ ప్లాన్ చేస్తోంది.

Also Read: చీప్ ధరలో Ultra లెవెల్ ఫోన్.. రెడ్‌మీ దెబ్బకు మిగతా బ్రాండ్స్ షేక్, ఫీచర్లు చూశారంటే..

సెప్టెంబర్‌లోనే గ్రాండ్ ఎంట్రీ:

ఈ కొత్త Mate 90 సిరీస్ రాబోయే సెప్టెంబర్ నెలలో గ్రాండ్‌గా విడుదలయ్యే అవకాశం ఉంది. అయితే ఈ టైమింగ్ హువావేకి కాస్త సవాల్‌తో కూడుకున్నదనే చెప్పాలి. ఎందుకంటే.. సరిగ్గా అదే సమయంలో మార్కెట్లోకి యాపిల్ iPhone 18 సిరీస్‌తో పాటు Xiaomi 18 సిరీస్, iQOO 16 వంటి అగ్రశ్రేణి బ్రాండ్ల ఫోన్లు కూడా పోటీకి సిద్ధమవుతున్నాయి. ఈ భారీ పోటీని తట్టుకుని Mate 90 సిరీస్ ఎంతవరకు నిలబడుతుందో చూడాలి.

పాత మోడల్స్ సక్సెస్ ట్రాక్:

హువావే గతంలో తీసుకొచ్చిన Mate 80 Pro మోడల్ మార్కెట్లో మంచి విజయాన్ని అందుకుంది. 6.75 ఇంచుల అద్భుతమైన ఓఎల్ఈడీ డిస్‌ప్లే, 50MP ప్రైమరీ కెమెరాతో కూడిన ట్రిపుల్ కెమెరా సెటప్, 100W ఫాస్ట్ ఛార్జింగ్ వంటి ప్రీమియం ఫీచర్లు ఇందులో ఉన్నాయి. అలాగే కంపెనీ చివరి ఫోల్డబుల్ ఫోన్ Mate S7 కూడా 8 ఇంచుల పెద్ద స్క్రీన్, 5600mah బ్యాటరీతో యూజర్లను బాగా ఆకట్టుకుంది.

పెరిగిన అంచనాలు:

ప్రస్తుతం స్మార్ట్‌ఫోన్ మార్కెట్లో విపరీతమైన పోటీ నెలకొంది. ఇలాంటి టైమ్‌లో ఫోల్డబుల్ ఫోన్‌ను కాకుండా, కేవలం Mate 90 సిరీస్‌పైనే హువావే పూర్తి ఫోకస్ పెట్టడం ఇండస్ట్రీలో హాట్ టాపిక్‌గా మారింది. ఈ సరికొత్త వ్యూహం హువావేకి ఎంతవరకు కలిసివస్తుందో.. రాబోయే రోజుల్లో ఎలాంటి సంచలనాలు సృష్టిస్తుందో వేచి చూడాలి.

Also Read: ఇలాంటి ఇయర్‌బడ్స్ ఎప్పుడూ చూసుండరు.. చెవికి క్లిప్‌లా తగిలించుకుంటే చాలు, బ్యాటరీ లైఫ్ అద్భుతం!