Infinix GT 30 Pro Review: భారతదేశంలో ఈస్పోర్ట్స్ అంటే ఆన్ లైన్ గేమ్స్‌కు జనాదరణ రోజురోజుకూ పెరుగుతోంది. చాలా మంది యువత గేమర్లుగా మారాలని లేదా ఈస్పోర్ట్స్ పోటీలలో పాల్గొనాలని కలలు కంటున్నారు. మొబైల్ గేమింగ్ కు మంచి ఉండడంతో, స్మార్ట్‌ఫోన్ కంపెనీలు గేమర్ల కోసం అందుబాటులో ఉండే ధరలలోనే శక్తివంతమైన ఫోన్‌లను తయారు చేస్తున్నాయి. ఇప్పుడు ఇన్ఫినిక్స్ జిటి 30 ప్రో అనే కొత్త గేమింగ్ ఫోన్ మార్కెట్‌లోకి ఎంట్రీ ఇచ్చింది. దీని ధర 8GB + 256GB వేరియంట్‌కు రూ. 24,999, 12GB + 256GB వేరియంట్‌కు రూ. 26,999. ఇది గతంలో విజయవంతమైన జిటి 20 ప్రోకు అప్‌గ్రేడ్ వెర్షన్. ఈ ఫోన్ డిజైన్, పనితీరు, కెమెరా, బ్యాటరీలో గొప్ప అప్‌గ్రేడ్‌లతో వచ్చింది. రెండు వారాలపాటు ఈ ఫోన్‌ను ఉపయోగించిన ఒక యూజర్.. గేమింగ్‌తో సహా అన్ని పరీక్షలు చేశాడు. ఇది ఎలా పనిచేస్తుందో వివరించాడు.
స్టైలిష్ డిజైన్
ఇన్ఫినిక్స్ జిటి 30 ప్రో.. సైబర్ మెకా 2.0 డిజైన్ చూడగానే ఆకర్షిస్తుంది. ఇది ఫ్యూచరిస్టిక్ గేమింగ్ ఫోన్‌లా కనిపిస్తుంది. బ్లేడ్ వైట్, డార్క్ ఫ్లేర్ అనే రెండు రంగుల్లో లభిస్తుంది. యూజర్ మాత్రం బ్లేడ్ వైట్ వేరియంట్ ఉపయోగించాడు. ఇది గేమింగ్ ఫ్లెయిర్‌తో పాటు సరళమైన లుక్‌ను ఇస్తుంది. 7.99 mm సన్నగా, 188 గ్రాముల బరువుతో చేతిలో సౌకర్యవంతంగా ఉంటుంది. వెనుకవైపు నాలుగు LED స్ట్రిప్‌లు ఉన్నాయి, ఇవి లైటింగ్‌లో అద్భుతంగా కనిపిస్తాయి. డార్క్ ఫ్లేర్ వేరియంట్‌లో RGB LED లైటింగ్ ఉంది. కెమెరా మాడ్యూల్ చిన్నగా, బ్యాలెన్స్ గా ఉంటుంది. ఫోన్ ఎడ్జ్‌లో జిటి షోల్డర్ ట్రిగ్గర్స్ ఉన్నాయి, ఇవి గేమింగ్ కంట్రోలర్ బటన్ల లాంటి అనుభవాన్ని ఇస్తాయి. IR బ్లాస్టర్ కూడా ఉండటం ఒక అదనపు సౌకర్యం.
డిస్‌ప్లే, సౌండ్
ఈ ఫోన్‌లో 6.78-అంగుళాల 1.5K AMOLED డిస్‌ప్లే ఉంది, ఇది 144Hz రిఫ్రెష్ రేట్‌ను సపోర్ట్ చేస్తుంది. అయితే, కొన్ని యాప్‌లు లేదా గేమ్‌లు (ఉదా: BGMI) 120Hz వరకు మాత్రమే సపోర్ట్ చేస్తాయి. 1224×2720 రిజల్యూషన్, 100% DCI-P3 కలర్ గ్యామట్‌తో చిత్రాలు స్పష్టంగా, రంగులు సహజంగా కనిపిస్తాయి. 1600 నits HBM బ్రైట్‌నెస్, 4500 నits పీక్ బ్రైట్‌నెస్‌తో సూర్యకాంతిలో కూడా స్క్రీన్ స్పష్టంగా కనిపిస్తుంది. డ్యూయల్ స్టీరియో స్పీకర్లు DTS సౌండ్, హై-రెస్ ఆడియో సర్టిఫికేషన్‌తో బిగ్గరగా, ఆకర్షణీయంగా ఉన్నాయి. యూట్యూబ్‌లో 4 గంటల వీడియో చూసినా ఇయర్‌ఫోన్స్ అవసరం లేదు. ఇన్-డిస్‌ప్లే ఫింగర్‌ప్రింట్ సెన్సార్ 90 శాతం సమయంలో వేగంగా పనిచేస్తుంది.
పనితీరు
ఇన్ఫినిక్స్ జిటి 30 ప్రోలో మీడియాటెక్ డైమెన్సిటీ 8350 అల్టిమేట్ చిప్‌సెట్ (4nm), మాలి-G615 MC6 GPU ఉన్నాయి. 8GB లేదా 12GB LPDDR5X RAM, 256GB UFS 4.0 స్టోరేజ్‌తో రెండు వేరియంట్‌లు ఉన్నాయి. వర్చువల్ RAM 8GB/12GB వరకు విస్తరించవచ్చు. AnTuTuలో 1,184,530, Geekbenchలో 1211 (సింగిల్-కోర్), 4181 (మల్టీ-కోర్) స్కోర్‌లతో ఈ ఫోన్ రూ. 25,000 ధరలో ఉన్న ఇతర ఫోన్‌లను అధిగమిస్తుంది. BGMI గేమ్‌లో స్మూత్ + అల్ట్రా ఎక్స్‌ట్రీమ్ సెట్టింగ్స్‌లో 30+ మ్యాచ్‌లు ఆడాను, సగటున 116 FPS, కొన్నిసార్లు 120 FPS వచ్చింది. జిటి షోల్డర్ ట్రిగ్గర్స్ గేమింగ్ అనుభవాన్ని మరింత మెరుగుపరుస్తాయి. ఒక గంట గేమింగ్ తర్వాత ఫోన్ కొద్దిగా వేడెక్కింది, కానీ పనితీరు తగ్గలేదని ఆ యూజర్ చెప్పాడు సాధారణ ఉపయోగంలో యాప్‌లు, సోషల్ మీడియా వేగంగా పనిచేశాయి, కానీ గ్యాలరీ యాప్ కొన్నిసార్లు క్రాష్ అయింది, ఇది సాఫ్ట్‌వేర్ అప్‌డేట్‌తో సరిచేయవచ్చు.
కెమెరా
ఈ ఫోన్ కెమెరా దాని ప్రధాన ఆకర్షణ కాదు, కానీ రోజువారీ ఉపయోగానికి సరిపోతుంది. 108MP మెయిన్ సెన్సార్, 8MP అల్ట్రా-వైడ్ లెన్స్, 13MP సెల్ఫీ కెమెరా ఉన్నాయి. పగటిపూట ఫోటోలు స్పష్టంగా, సహజ రంగులతో ఉంటాయి. పోర్ట్రెయిట్ మోడ్‌లో బ్యాక్‌గ్రౌండ్ బ్లర్ బాగుంది, కానీ ఎడ్జ్ ల వద్ద కొన్నిసార్లు సమస్యలు వస్తాయి. సెల్ఫీలు పగటిపూట బాగుంటాయి, కానీ తక్కువ వెలుతురులో కొద్దిగా గ్రెయిన్ కనిపిస్తాయి.
బ్యాటరీ, సాఫ్ట్‌వేర్
5500 mAh బ్యాటరీ, 45W ఫాస్ట్ ఛార్జింగ్‌తో 0-50% 30 నిమిషాల్లో, 100% 55 నిమిషాల్లో ఛార్జ్ అవుతుంది. సాధారణ ఉపయోగంలో బ్యాటరీ 1.5 రోజులు, గేమింగ్‌లో 5 గంటల 20 నిమిషాలు ఉంటుంది. XOS 15 (ఆండ్రాయిడ్ 15 ఆధారంగా) సాఫ్ట్‌వేర్ మెరుగైన అనుభవాన్ని ఇస్తుంది. డైనమిక్ బార్ అనే ఫీచర్ నోటిఫికేషన్‌లను సౌకర్యవంతంగా చూపిస్తుంది.
Also Read: ఇంటర్నెట్ లేకుండానే అచ్చం మనిషిలా పనిచేసే రోబోలు లాంచ్.. గూగుల్ మరో సంచలనం
ఫైనల్ రివ్యూ..
ఇన్ఫినిక్స్ జిటి 30 ప్రో రూ. 25,000 ధరలో గేమింగ్ ఫోన్‌లలో ఒక గొప్ప ఎంపిక. స్టైలిష్ డిజైన్, షోల్డర్ ట్రిగ్గర్స్, వేగవంతమైన ఛార్జింగ్, మెరుగైన సాఫ్ట్‌వేర్‌తో గేమర్లకు సరైన ఫోన్. కెమెరా రోజువారీ ఉపయోగానికి సరిపోతుంది. రూ. 25,000 లోపు గేమింగ్ ఫోన్ కోసం చూస్తున్నవారికి ఇది ఉత్తమ ఎంపిక!
Share
TG Sarpanch Election: మంత్రులకు కొత్త సవాల్.! పదవుల కోసం రాంగ్ సిగ్నల్స్ కరెక్టా?
Tejeswar Case : తేజేశ్వర్ హత్య కేసులో సంచలన నిజాలు చెప్పిన ఎస్పీ.. అచ్చం మేఘాలయ హనీమూన్ జంటలానే..
