ఫ్రిజ్ లేదా వాషింగ్ మెషీన్ కొంటున్నారా?

LG vs Samsung washing machine: దేశంలో బట్టలు ఉతికే పనిని సులభం చేసుకోవడానికి ప్రతి ఒక్కరూ వాషింగ్ మెషీన్ కొనడానికి ఆసక్తి చూపిస్తున్నారు. అయితే.. మార్కెట్లోకి వెళ్ళినప్పుడు లేదా ఆన్‌లైన్‌లో వెతికినప్పుడు మనకు ఎక్కువగా కనిపించే.. రెండు బ్రాండ్లు ఎల్‌జీ, శామ్‌సంగ్. ఈ రెండు కూడా సౌత్ కొరియాకు చెందిన దిగ్గజ కంపెనీలే అయినప్పటికీ.. వీటి టెక్నాలజీ , బిల్డ్ క్వాలిటీలో చాలా తేడాలు ఉన్నాయి. ఒక సాధారణ కస్టమర్లకు భారీ మొత్తంలో డబ్బు పెట్టి కొనేటప్పుడు ఏ మెషీన్ ఎక్కువ కాలం మన్నుతుంది. దేని లైఫ్ ఎక్కువ అనేది తెలుసుకోవడం చాలా ముఖ్యం.

మోటార్ టెక్నాలజీ ,మన్నిక :
వాషింగ్ మెషీన్ ఎక్కువ కాలం మనగాలి అంటే.. దాని గుండెకాయ లాంటి మోటార్ చాలా బలంగా ఉండాలి. ఎల్‌జీ కంపెనీ తన వాషింగ్ మెషీన్లలో ఇన్వర్టర్ డైరెక్ట్ డ్రైవ్ టెక్నాలజీని వాడుతుంది. ఇందులో బెల్ట్ , పుల్లీ వంటి విడిభాగాలు లేకుండా.. మోటార్ నేరుగా డ్రమ్‌కు కనెక్ట్ అయి ఉంటుంది. దీని వల్ల మెషీన్ తిరిగేటప్పుడు ఘర్షణ తగ్గి, వైబ్రేషన్, శబ్దం చాలా తక్కువగా వస్తాయి. విడి భాగాలు తక్కువగా ఉండటం వల్ల ఎల్‌జీ మెషీన్లు మెకానికల్ పరంగా చాలా కాలం పాటు ఎలాంటి రిపేర్లు రాకుండా మన్నుతాయి.

మరోవైపు శామ్‌సంగ్ కంపెనీ డిజిటల్ ఇన్వర్టర్ టెక్నాలజీని ఉపయోగిస్తుంది. ఇందులో బెల్ట్ సిస్టమ్ ఉన్నప్పటికీ, పవర్‌ఫుల్ మాగ్నెట్స్ వాడటం వల్ల మోటార్ పెర్ఫార్మెన్స్ చాలా బాగుంటుంది. కరెంట్ వాడకాన్ని తగ్గించడంలో శామ్‌సంగ్ మోటార్లు అద్భుతంగా పనిచేస్తాయి. అయితే మెకానిక్స్ , నిపుణుల అభిప్రాయం ప్రకారం.. బెల్ట్ లేని ఎల్‌జీ డైరెక్ట్ డ్రైవ్ మోటార్ లాంగ్ లైఫ్ విషయంలో శామ్‌సంగ్ కంటే కొద్దిగా ఎక్కువ కాలం మన్నికగా ఉండే అవకాశం ఉంది. ఈ రెండు కంపెనీలు కూడా తమ మోటార్లపై ప్రస్తుతం 10 నుంచి 20 ఏళ్ల వరకు వారంటీని అందిస్తున్నాయి.

వాషింగ్ టెక్నాలజీ , బట్టల సంరక్షణ:
బట్టలు ఎంత నీట్‌గా క్లీన్ అవుతాయి. మెషీన్ లోపలి భాగం ఎంత సురక్షితంగా ఉంటుంది అనేది కూడా మన్నికను డిసైడ్ చేస్తుంది. ఎల్‌జీ తన మెషీన్లలో ‘6 మోషన్ డైరెక్ట్ డ్రైవ్’ ఫీచర్‌ను అందిస్తుంది. ఇది బట్టలను చేత్తో ఉతికినట్లు వేర్వేరు దిశల్లో తిప్పుతుంది. దీని వల్ల బట్టల నాణ్యత దెబ్బతినకుండా.. ఎక్కువ కాలం కొత్తవిలా ఉంటాయి. అలాగే లోపల ఉండే స్టెయిన్‌లెస్ స్టీల్ డ్రమ్ కూడా తుప్పు పట్టకుండా ఎక్కువ కాలం మన్నుతుంది.

శామ్‌సంగ్ కంపెనీ ‘ఇకో బబుల్’, ‘వైబ్రేషన్ రిడక్షన్ టెక్నాలజీ’వంటి లేటెస్ట్ ఫీచర్లతో వస్తుంది. ఈ ఇకో బబుల్ టెక్నాలజీ డిటర్జెంట్‌ను బబుల్స్‌గా మార్చి బట్టల్లోకి వేగంగా పంపిస్తుంది. తద్వారా చల్లటి నీటిలో కూడా కఠినమైన మరకలు త్వరగా తొలగిపోతాయి. శామ్‌సంగ్ మెషీన్లలో ఉండే డైమండ్ డ్రమ్ కూడా బట్టలకు ఎలాంటి డ్యామేజ్ జరగకుండా చూస్తుంది. వాషింగ్ స్పీడ్, క్లీనింగ్ ఎఫిషియన్సీ విషయానికి వస్తే శామ్‌సంగ్ చాలా అడ్వాన్స్‌డ్‌గా ఉంటుంది.

స్మార్ట్ ఫీచర్లు,సెన్సార్ల మన్నిక:
ప్రస్తుత కాలంలో రెండు బ్రాండ్లు కూడా ఏఐ ఫీచర్లతో స్మార్ట్ వాషింగ్ మెషీన్లను మార్కెట్లోకి తెస్తున్నాయి. శామ్‌సంగ్ తన ‘స్మార్ట్ థింగ్స్’యాప్ కనెక్టివిటీ , ఏఐ కంట్రోల్‌తో యూజర్ ఫ్రెండ్లీగా ఉంటుంది. అయితే ఎక్కువ సెన్సార్లు మరియు టచ్ ప్యానెల్స్ ఉండటం వల్ల, వోల్టేజ్ హెచ్చుతగ్గులు ఎక్కువగా ఉండే ప్రాంతాల్లో శామ్‌సంగ్ మదర్‌బోర్డ్ లేదా డిస్‌ప్లే ప్యానెల్స్ త్వరగా పాడయ్యే అవకాశం ఉందని సర్వేలు చెబుతున్నాయి.

ఎల్‌జీ కూడా ‘స్మార్ట్ థింక్ క్యూ’, ఏఐ డీడీ (AI DD) టెక్నాలజీని వాడుతోంది. ఎల్‌జీ సాఫ్ట్‌వేర్ మరియు ఎలక్ట్రానిక్ విడిభాగాలు స్థిరమైన వోల్టేజ్ హెచ్చుతగ్గులను తట్టుకునేలా డిజైన్ చేయబడ్డాయి. అందువల్ల ఎలక్ట్రానిక్ సర్క్యూట్ ఫెయిల్యూర్స్ ఎల్‌జీలో కొంచెం తక్కువగా కనిపిస్తాయి. మెషీన్ లైఫ్ ఎక్కువ కాలం ఉండాలంటే కేవలం మోటార్ మాత్రమే కాదు.. లోపల ఉండే ఎలక్ట్రానిక్స్ కూడా బలంగా ఉండాలి, ఈ విషయంలో ఎల్‌జీకి మంచి ట్రాక్ రికార్డ్ ఉంది.

కస్టమర్ సర్వీస్ , రిపేర్ ఖర్చులు:
దేశంలో సర్వీస్ నెట్‌వర్క్ విషయంలో.. ఎల్‌జీ , శామ్‌సంగ్ రెండు కూడా టాప్‌లోనే ఉన్నాయి. చిన్న నగరాల నుంచి మెట్రో సిటీల వరకు ఈ రెండు బ్రాండ్లకు సర్వీస్ సెంటర్లు ఉన్నాయి. అయితే ఒకవేళ వారంటీ అయిపోయిన తర్వాత మెషీన్ పాడైతే, విడిభాగాల లభ్యత, వాటి ధర చాలా ముఖ్యం. ఎల్‌జీ విడిభాగాలు మార్కెట్లో సులభంగా దొరుకుతాయి . అంతే కాకుండా రిపేర్ ఖర్చులు కూడా కాస్త అందుబాటులోనే ఉంటాయి. శామ్‌సంగ్ ప్రీమియం మోడల్స్ విడిభాగాలు దొరకడానికి కొంచెం సమయం పట్టడమే కాకుండా రిపేర్ కాస్ట్ కూడా కాస్త ఎక్కువగా ఉండవచ్చు.

చివరగా ఏది ఎక్కువ కాలం మన్నుతుంది అనే విషయానికి వస్తే.. అంతర్జాతీయ సర్వేలు , కస్టమర్ రివ్యూల ప్రకారం ఎల్‌జీ వాషింగ్ మెషీన్లు సగటున 10 నుంచి 15 సంవత్సరాల పాటు ఎలాంటి మేజర్ రిపేర్లు లేకుండా నమ్మకంగా పనిచేస్తాయి. దీనికి ప్రధాన కారణం దాని మెకానికల్ డైరెక్ట్ డ్రైవ్ టెక్నాలజీ. శామ్‌సంగ్ కూడా మన్నికైనదే అయినప్పటికీ.. అది స్మార్ట్ ఫీచర్లు, లుక్స్ , క్విక్ వాషింగ్ టెక్నాలజీకి ఎక్కువ ప్రాధాన్యత ఇస్తుంది. కాబట్టి మీకు ఎలాంటి రిపేర్లు రాకుండా, లాంగ్ లైఫ్ ఇచ్చే రఫ్ అండ్ టఫ్ మెషీన్ కావాలంటే ఎల్‌జీ బెస్ట్ ఆప్షన్. అదే మీకు లేటెస్ట్ టెక్నాలజీ, స్మార్ట్ లుక్స్ వేగవంతమైన వాషింగ్ కావాలంటే శామ్‌సంగ్ వైపు వెళ్ళవచ్చు.

Share

• 
• 
• 
• 
• 
•