OnePlus 13s| ప్రముఖ స్మార్ట్ ఫోన్ కంపెనీ అయిన వన్ప్లస్ భారత్లో తాజాగా వన్ప్లస్ 13s పేరుతో కొత్త మోడల్ స్మార్ట్ఫోన్ని విడుదల చేసింది. ఇది వన్ప్లస్ 13 సిరీస్లో కొత్తగా వచ్చిన మోడల్. ఇందులో 13R, 13 మోడళ్లు కూడా ఉన్నాయి. ఈ కాంపాక్ట్ ఫోన్ ఐఫోన్, గూగుల్ పిక్సెల్, శాంసంగ్ గెలాక్సీ S సిరీస్లతో పోటీపడుతోంది. ప్రపంచంలో మొట్టమొదటి డెడికేటెడ్ వై-ఫై చిప్ కలిగి ఉండడం ఈ నయా ఫోన్ ప్రత్యేకత. అలాగే, వన్ప్లస్ AIతో కొత్త అనుభవాన్ని అందిస్తుంది.
వన్ప్లస్ 13s ధర, లభ్యత
వన్ప్లస్ 13s ధర రూ.54,999 నుంచి ప్రారంభమవుతుంది. ఇది రెండు వేరియంట్లలో లభిస్తుంది: 12GB RAM + 256GB స్టోరేజ్ (రూ.54,999), 12GB RAM + 512GB స్టోరేజ్ (రూ.59,999). బ్యాంక్ డిస్కౌంట్తో రూ.5,000 తగ్గింపు లభిస్తుంది, అంటే ప్రారంభ ధర రూ.49,999 అవుతుంది. ఈ ఫోన్ను జూన్ 5 నుంచి అమెజాన్ ఇండియా, వన్ప్లస్ అధికారిక వెబ్సైట్లో ప్రీ-బుకింగ్ కోసం అందుబాటులో ఉంది. మొదటి సేల్ జూన్ 12 మధ్యాహ్నం 12 గంటలకు ప్రారంభమవుతుంది. బేస్ మోడల్ గ్రీన్ సిల్క్, బ్లాక్ వెల్వెట్, పింక్ సాటిన్ రంగుల్లో, టాప్ వేరియంట్ గ్రీన్ సిల్క్, బ్లాక్ వెల్వెట్ రంగుల్లో లభిస్తుంది.
వన్ప్లస్ 13s స్పెసిఫికేషన్లు
వన్ప్లస్ 13s 6.32-అంగుళాల FHD+ AMOLED డిస్ప్లేతో వస్తుంది. ఈ స్క్రీన్ 1600 నిట్స్ గరిష్ట బ్రైట్నెస్, 144Hz రిఫ్రెష్ రేట్తో వీడియో క్లారిటీ సూపర్ గా ఉంటుంది. డాల్బీ విజన్, HDR10+ సపోర్ట్తో డిస్ప్లే అద్భుతంగా ఉంటుంది. క్రిస్టల్ షీల్డ్ గ్లాస్, ఇన్-డిస్ప్లే ఫింగర్ప్రింట్ సెన్సార్ రక్షణను అందిస్తాయి.
ఈ కొత్త స్మార్ట్ ఫోన్ క్వాల్కామ్ స్నాప్డ్రాగన్ 8 ఎలైట్ ప్రాసెసర్తో పనిచేస్తుంది. 12GB RAM (24GB వరకు ఎక్స్టెండ్ చేసుకోవచ్చు), 512GB స్టోరేజ్తో వస్తుంది. గేమింగ్ ప్రియులకు 4400mm² గ్లేసియర్ వేపర్ ఛాంబర్ కూలింగ్ సిస్టమ్ వేడిని నియంత్రిస్తుంది. ఆక్సిజన్ ఓఎస్ 15 (ఆండ్రాయిడ్ 15 ఆధారంగా), గూగుల్ జెమినీ AI, డెడికేటెడ్ వై-ఫై చిప్తో అత్యుత్తమ కనెక్టివిటీని అందిస్తుంది.
ఫోటోగ్రఫీ కోసం, వెనుకవైపు 50MP ప్రధాన కెమెరా (OISతో), 50MP టెలిఫోటో లెన్స్ (2x ఆప్టికల్ జూమ్, 20x డిజిటల్ జూమ్) ఉన్నాయి. సెల్ఫీలు, వీడియో కాల్స్ కోసం 32MP ఫ్రంట్ కెమెరా ఉంది. IP65 రేటింగ్, వై-ఫై 7, బ్లూటూత్ 5.4, GPS, NFC వంటి ఫీచర్లు ఉన్నాయి. 6,260mAh బ్యాటరీ 80W ఫాస్ట్ ఛార్జింగ్ను సపోర్ట్ చేస్తుంది. సాంప్రదాయ అలర్ట్ స్లైడర్ స్థానంలో ఐఫోన్ 16 లాంటి మల్టీ-ఫంక్షన్ బటన్, 5.5G కనెక్టివిటీ ఉన్నాయి.
Also Read: నథింగ్ ఫోన్ 3 ఇండియా లాంచ్ త్వరలోనే.. అద్భుత ఫీచర్లతో వన్ ప్లస్ 13కు గట్టి పోటీ?
వన్ప్లస్ 13s కాంపాక్ట్ డిజైన్, శక్తివంతమైన ప్రాసెసర్, అద్భుతమైన కెమెరా, పెద్ద బ్యాటరీతో భారత మార్కెట్లో ఒక మంచి ఆప్షన్ గా లాంచ్ అయింది. రూ.49,999 నుంచి ప్రారంభమయ్యే ధరతో, ఈ ఫోన్ ఫ్లాగ్షిప్ ఫీచర్లను సరసమైన ధరలో అందిస్తుంది.
Share
Nindu Noorella Saavasam Serial Today June 6th : ‘నిండు నూరేళ్ల సావాసం’ సీరియల్: మనోహరికి షాక్ ఇచ్చిన మిస్సమ్మ
Ram Pothineni: నిన్నుకోరి డైరెక్టర్ తో రామ్.. ఈ కాంబో భలే కొత్తగా ఉందే.. ?
