Oppo K12x 5G Launch Date: టెక్ బ్రాండ్ ఒప్పో‌కి మార్కెట్‌లో మంచి డిమాండ్ ఉంది. స్టైలిష్ డిజైన్, వండర్‌ఫుల్ ఫీచర్స్‌తో కొత్త కొత్త మొబైళ్లను లాంచ్ చేస్తూ అందరినీ ఆకట్టుకుంటోంది. ఇక ఇప్పుడు మరో స్టైలిష్ ఫోన్‌ను తమ వినియోగదారులకు పరిచయం చేసేందుకు రెడీ అవుతోంది. Oppo ఈ నెలాఖరులో అంటే జూలైలో భారతదేశంలో కొత్త స్మార్ట్‌ఫోన్‌ను లాంచ్ చేసేందుకు రంగం సిద్ధం చేసింది. జూలై 30న కొత్త Oppo K12x 5G స్మార్ట్‌ఫోన్‌ను లాంచ్ చేస్తున్నట్లు కంపెనీ ప్రకటించింది. రాబోయే ఫోన్ ‘సెగ్మెంట్-లీడింగ్ డ్యూరబిలిటీ’ని కలిగి ఉంటుందని Oppo పేర్కొంది. అంతేకాకుండా ఇది వాటర్ అండ్ డస్ట్ రెసిస్టెన్స్ కోసం IP రేటింగ్‌తో మిలిటరీ-గ్రేడ్ బాడీని కలిగి ఉంది. ఈ K12x 5G ఫోన్‌కి సంబంధించిన స్పెసిఫికేషన్లు లాంచ్‌కి ముందే వెల్లడయ్యాయి.

Oppo K12x 5G Specifications

Oppo K12x 5G స్మార్ట్‌ఫోన్ కీలక స్పెసిఫికేషన్లను కంపెనీ వెల్లడించింది. దీని ఆధారంగా Oppo K-సిరీస్ ఫోన్ డస్ట్ అండ్ వాటర్ రెసిస్టెన్సీ కోసం IP54 రేటింగ్‌ను కలిగి ఉంటుంది. అందువల్ల చిన్న చిన్న చినుకుల్లో ఫోన్ తడిసినా పెద్దగా ఏమి కాదని కంపెనీ చెబుతోంది. అంతేకాకుండా Oppo K12x 5Gని కంపెనీ స్ప్లాష్ టచ్ టెక్నాలజీతో తీసుకొచ్చింది. ఈ టెక్నాలజీ కారణంగా తడి చేతులతో లేదా స్క్రీన్ తడిగా ఉన్నప్పుడు టచ్‌స్క్రీన్‌ను ఈజీగా ఉపయోగించడానికి సహాయపడుతుంది. కాగా ఈ కొత్త Oppo K12x 5G ఫోన్ బ్రీజ్ బ్లూ, మిడ్‌నైట్ వైలెట్ కలర్ ఆప్షన్‌లలో వస్తుంది.

Also Read: ప్రపంచపు అతిచిన్న 5జీ స్మార్ట్‌ఫోన్ లాంచ్.. 100MP కెమెరా దీని సొంతం..!

ఈ Oppo K12x 5G 360-డిగ్రీల డ్యామేజ్ ప్రూఫ్ ఆర్మర్ బాడీని కలిగి ఉంది. ఇది డ్రాప్-రెసిస్టెంట్ మెటీరియల్, రెండుసార్లు రీన్‌ఫోర్స్డ్ పాండా గ్లాస్‌తో తయారు చేయబడింది. అలాగే ఈ సరికొత్త ఫోన్ MIL-STD-810H సర్టిఫికేషన్‌ను కూడా కలిగి ఉంది. ఇది ఫోన్‌ను విపరీతమైన వేడి, తేమ, షాక్‌ను ఏ సమయంలోనైనా ఈజీగా తట్టుకుంటుందని కంపెనీ పేర్కొంది. కాగా కంపెనీ దీనిని కార్నర్ కుషనింగ్‌తో ఎయిర్ కుషన్ ఆర్మర్ కేస్‌ను ప్యాక్ చేసింది.

K12x 5G ఫోన్ చాలా స్లిమ్‌గా ఉంటుంది. దీని బరువు 186g ఉంటుంది. ఈ ఫోన్‌లో 120Hz రిఫ్రెష్ రేట్, 1000 నిట్‌ల గరిష్ట ప్రకాశంతో 6.67-అంగుళాల HD+ డిస్‌ప్లేను పొందుతారు. అలాగే నెట్‌ఫ్లిక్స్, అమెజాన్ ప్రైమ్ వీడియో వంటి DRM ప్రొటెక్టెడ్ యాప్‌ల నుండి HD స్ట్రీమింగ్ కోసం ఇది L1 వైడ్‌వైన్ సర్టిఫికేషన్‌ను కూడా కలిగి ఉంటుంది. Oppo నుంచి రాబోయే ఈ ఫోన్‌లో AI లింక్‌బూస్ట్ టెక్నాలజీ కూడా ఉంటుంది. Oppo K12x 5G 45W SuperVOOC ఛార్జింగ్‌కు మద్దతుతో 5100mAh బ్యాటరీని ప్యాక్ చేస్తుంది.

Share

• 
• 
• 
• 
• 
•