4G phones comeback in 5G era: ప్రస్తుత కాలంలో.. స్మార్ట్‌ఫోన్ మార్కెట్ పూర్తిగా మారిపోయింది. ఎక్కడ చూసినా 5G ఫోన్లదే హవా. కంపెనీలు కూడా తమ కొత్త లాంచ్‌లన్నీ 5G టెక్నాలజీతోనే చేస్తున్నాయి.అయితే.. ఈ ట్రెండ్‌కు భిన్నంగా శాంసంగ్, రెడ్‌మి, రియల్‌మీ లాంటి ప్రముఖ బ్రాండ్లు మళ్లీ 4G స్మార్ట్‌ ఫోన్లను మార్కెట్లోకి తీసుకురావడం టెక్ నిపుణులను సైతం ఆశ్చర్యపరుస్తోంది. 5G వేగం అందుబాటులోకి వచ్చినా.. కంపెనీలు మళ్ళీ వెనక్కి తిరిగి 4G ఫోన్ల వైపు ఎందుకు చూస్తున్నాయి? దీని వెనక ఉన్న అసలు కారణాలు ఏంటో విశ్లేషిస్తే కొన్ని ఆసక్తికరమైన విషయాలు వెల్లడవుతాయి. అవేంటో ఇప్పుడు తెలుసుకుందాం.
ప్రపంచ వ్యాప్తంగా.. ముఖ్యంగా ఇండియా లాంటి అభివృద్ధి చెందుతున్న దేశాలలో ఇప్పటికీ కోట్ల మంది కస్టమర్లు బడ్జెట్ స్మార్ట్‌ఫోన్ల మీదే ఆధారపడి ఉన్నారు. 5G ఫోన్ల తయారీ ఖర్చు ఎక్కువగా.. ఉండటం వల్ల వాటి ధరలు సామాన్యులకు కాస్త భారంగా మారుతున్నాయి. కానీ.. అదే ధరకు మరింత మెరుగైన ఫీచర్లు, మంచి కెమెరా, పెద్ద బ్యాటరీతో కూడిన 4G ఫోన్లను తక్కువ ధరలో.. అందించడానికి కంపెనీలు ఈ నిర్ణయం తీసుకున్నాయి. తక్కువ బడ్జెట్‌లో బెస్ట్ ఫోన్ కావాలనుకునే వారిని ఆకట్టుకోవడానికి 4G సరైన మార్గంగా మారింది.
5G సేవలు పట్టణ ప్రాంతాలలో వేగంగా విస్తరిస్తున్నప్పటికీ.. అనేక గ్రామీణ , మూలమూల ప్రాంతాలలో ఇప్పటికీ 4G సిగ్నల్సే ప్రధాన ఆధారం. కొన్ని ప్రాంతాలలో.. 5G నెట్‌వర్క్ పూర్తిగా అందుబాటులోకి రాలేదు. అలాంటి ప్రాంతాల కస్టమర్లకు 5G ఫోన్ కొనడం వల్ల అదనపు ఖర్చే అవుతుంది తప్ప పూర్తి ప్రయోజనం లభించదు. అందుకే.. స్థిరమైన కనెక్టివిటీని కోరుకునే గ్రామీణ కస్టమర్ల కోసం కంపెనీలు ఇప్పటికీ 4G మోడళ్లను తయారు చేస్తున్నాయి.
చాలా మందికి తెలియని విషయం ఏంటంటే.. ప్రారంభ దశలో ఉన్న కొన్ని ఎంట్రీ-లెవెల్ 5G ఫోన్ల కంటే, మెరుగ్గా ఆప్టిమైజ్ చేసిన 4G ఫోన్లు మెరుగైన బ్యాటరీ బ్యాకప్‌ను ఇస్తాయి.రోజువారీ సాధారణ పనులు, కాలింగ్, వాట్సాప్, యూట్యూబ్ చూసే సామాన్య కస్టమర్లకు హెవీ ప్రాసెసర్లు అవసరం లేదు. తక్కువ పవర్ ఉపయోగించుకునే 4G చిప్‌సెట్లు ఫోన్ ఛార్జింగ్ ఎక్కువ సేపు నిలిచేలా చేస్తాయి. ఇది బ్యాటరీ సమస్యతో.. బాధ పడే యూజర్లకు ఎంతో ఊరటనిస్తుంది.
Also Read: కెన్‌స్టార్ వాషింగ్ మెషీన్‌పై..ఏకంగా 50 శాతం డిస్కౌంట్!
అందరూ హై-స్పీడ్ 5G ని కోరుకుంటున్నప్పటికీ..రోజువారీ అవసరాల కోసం ప్రాథమిక డేటాను వాడే యూజర్లు కోట్లలో ఉన్నారు.ముఖ్యంగా ఫీచర్ ఫోన్ల నుంచి స్మార్ట్‌ ఫోన్లకు తర్వాత తరం కస్టమర్లు లేదా సెకండరీ ఫోన్‌గా వాడేవారు తక్కువ ధరలో లభించే.. 4G డివైజ్‌ల వైపే మొగ్గు చూపుతున్నారు. కంపెనీలు ఈ మార్కెట్ డిమాండ్‌ను కచ్చితంగా అంచనా వేసి.. వారికి తగిన ప్రత్యామ్నాయాలను అందిస్తున్నాయి.
5G టెక్నాలజీ రాబోయే రోజుల్లో.. మరింత విస్తరించడంలో సందేహం లేదు. అయితే.. కేవలం 5G లేబుల్ ఉందన్న కారణంతో ఎక్కువ ధర పెట్టలేక ఇబ్బంది పడే.. బడ్జెట్ కస్టమర్ల కోసం 4G ఫోన్లు ఇంకా కొంత కాలం మార్కెట్లో తమ ఉనికిని గట్టిగా చాటుకోవడం ఖాయంగా కనిపిస్తోంది. శాంసంగ్ లాంటి దిగ్గజ కంపెనీలు అటు ప్రీమియం 5G మార్కెట్‌ను పట్టుకుంటూనే.. ఇటు బడ్జెట్ 4G సెగ్మెంట్‌ను కూడా వదులుకోకపోవడానికి ఈ వ్యాపార వ్యూహమే ప్రధాన కారణం
Share
బంతులు వేస్తే, బ్యాటర్ల ముక్కు, దవడల నుంచి రక్తం రావాలి...షోయబ్ అక్తర్ సంచలనం !
సంపాదన ఎంత అనేది ముఖ్యం కాదు.. నెల చివరిలో పొదుపు చేయాలంటే ఈ 5 టిప్స్ పాటించండి
