Samsung Galaxy Watch: నేటి డిజిటల్ యుగంలో స్మార్ట్‌వాచ్‌ కేవలం సమయం చూడటానికి మాత్రమే పరిమితం కాలేదు. మన ఆరోగ్యాన్ని ఎప్పటికప్పుడు కనిపెట్టుకుని ఉండే ఒక చిన్న సైజ్ హెల్త్ అసిస్టెంట్‌లా మారిపోయింది. మార్కెట్లో యాపిల్, ఇతర రకాల వేర్ ఓఎస్ వాచ్‌లు ఎన్నో అందుబాటులో ఉన్నప్పటికీ.. శాంసంగ్ గెలాక్సీ వాచ్‌లలో ఉండే కొన్ని హెల్త్ ఫీచర్లు మాత్రం వేరే ఏ బ్రాండ్‌లోనూ కనిపించవు. శాంం‌సంగ్ దాదాపు 13 ఏళ్లుగా ఈ రంగంలో రీసెర్చ్ చేస్తూ తీసుకొచ్చిన ఆ ప్రత్యేకమైన ఫీచర్ల ఏంటో ఇప్పుడు చూద్దాం.
Galaxy Watch 7 సిరీస్ నుంచి శాంసంగ్ ఒక కొత్త బయోయాక్టివ్ సెన్సార్‌ను పరిచయం చేసింది. దీని సహాయంతో మన శరీరంలో పేరుకుపోయే ‘అడ్వాన్స్‌డ్ గ్లైకేషన్ ఎండ్ ప్రొడక్ట్స్’ (AGEs) స్థాయిలను ట్రాక్ చేయవచ్చు. మనం ఎక్కువ డీప్ ఫ్రై చేసిన ఆహారాలు, షుగర్ ఎక్కువగా ఉండే పదార్థాలు తీసుకుంటే మన జీవక్రియ మందగిస్తుంది. ఈ సెన్సార్ ప్రత్యేకమైన కాంతి కిరణాల ద్వారా మన చర్మాన్ని స్కాన్ చేసి, మన జీవక్రియ ఆరోగ్యం ఎలా ఉందో ఒక అంచనా ఇస్తుంది. ఇది ఒక మెడికల్ పరికరం కాకపోయినా.. మనం తింటున్న ఆహార అలవాట్లను మార్చుకోవడానికి బాగా ఉపయోగపడుతుంది.
Also Read: ఫోన్ వెనుక కలర్ స్క్రీన్.. ఇదేం కొత్త టెక్నాలజీ.. Hisense A10 సిరీస్ వచ్చేసింది!
సాధారణంగా జిమ్‌లలో లేదా పెద్ద హాస్పిటల్స్‌లో మాత్రమే ఉండే బాడీ కాంపోజిషన్ మెషిన్ పనితీరును శాంసంగ్ తమ Galaxy Watch 4 నుంచి అందిస్తోంది. దీనిలోని BIA సెన్సార్ శరీరంలోకి చాలా స్వల్ప పరిమాణంలో మైక్రోకరెంట్‌ను పంపిస్తుంది. దీని ద్వారా మన శరీరంలో ఫ్యాట్ ఎంత ఉంది? మజిల్ మాస్ ఎంత ఉంది? అలాగే నీటి శాతం ఎంత ఉందనే వివరాలను సెకన్లలో తెలియజేస్తుంది. మన ఫిట్‌నెస్ ప్రయాణంలో శరీరంలో వస్తున్న మార్పులను గమనించడానికి ఇది చాలా హెల్ప్ అవుతుంది.
Galaxy Watch 8 సిరీస్‌లో పరిచయం చేసిన మరొక అద్భుతమైన ఫీచర్ ఇది. మన ఆహారంలో పండ్లు, కూరగాయలు సరిపడా తీసుకుంటున్నామా లేదా అనేది ఇది తెలియజేస్తుంది. మనం తినే పండ్లు, కూరగాయలలో ఉండే కెరోటినాయిడ్స్ అనే వర్ణద్రవ్యాలను ఈ వాచ్ చర్మం ద్వారా స్కాన్ చేస్తుంది. దాని ఆధారంగా 0 నుండి 100 వరకు స్కోర్ ఇస్తుంది. ఈ స్కోర్ ఎక్కువగా ఉంటే మనం పోషకాహారం సరిగ్గా తీసుకుంటున్నామని అర్థం. మనం రోజువారీగా పాటించే డైట్ ఎలా ఉందో తెలుసుకోవడానికి ఈ ఫీచర్ చాలా వినూత్నంగా పనిచేస్తుంది.
Also Read: చిన్న సైజు ఫోన్లకు గుడ్‌బై చెప్పిన యాపిల్.. iPhone Mini ఎందుకు ఆగిపోయింది?
Share
'కింగ్ 100'లో ఐశ్వర్య రాజేష్..నిజమెంత?
డిగ్రీ లేకపోయినా రూ.1 లక్షకు పైగా జీతం.. ఎలా సంపాదిస్తున్నాడంటే
