iPhone Mini: చిన్న సైజ్‌లో మంచి పనితీరు, ఒక చేత్తో సులభంగా వాడుకునే ఫోన్ కావాలనుకునే వారికి యాపల్ iPhone Mini మంచి ఆప్షన్‌గా నిలిచింది. ముఖ్యంగా iPhone 12 Mini, iPhone 13 Mini తమ చిన్న డిజైన్‌తో చాలామందిని ఆకట్టుకున్నాయి. అయితే మార్కెట్‌లో ఆశించిన స్థాయిలో అమ్మకాలు జరగకపోవడంతో కంపెనీ ఈ సిరీస్‌ను కొనసాగించలేదు.
స్మార్ట్‌ఫోన్ మార్కెట్‌లో పెద్ద డిస్‌ప్లేల వైపు వినియోగదారుల ఆసక్తి పెరుగుతూ వచ్చింది. ఈ పరిస్థితిలో iPhone 12 Mini, iPhone 13 Mini అమ్మకాలు మాత్రం తక్కువగానే ఉన్నాయి. 2021లో ఐఫోన్ 12 మిని మొత్తం ఐఫోన్ అమ్మకాల్లో కేవలం 4 శాతం వాటా మాత్రమే సాధించింది.
Also Read: Google Maps నచ్చకపోతే ఇవి ట్రై చేయండి.. Android Autoలో పనిచేసే టాప్ నావిగేషన్ యాప్స్!
ఐఫోన్ మిని కోసం కంపెనీ ప్రత్యేకంగా 5.4 అంగుళాల డిస్‌ప్లే, ప్రత్యేక బాడీని తయారు చేయాల్సి వచ్చింది. అదే సమయంలో 6.1, 6.7 అంగుళాల మోడల్స్‌కు మంచి డిమాండ్ ఉండటంతో ఉత్పత్తి సామర్థ్యాన్ని వాటిపై ఎక్కువగా కేటాయించడం కంపెనీకి మరింత ఉపయోగకరంగా మారింది.
ఐఫోన్ 13 మిని వచ్చిన తర్వాత కూడా పరిస్థితి పెద్దగా మారలేదు. కొంతకాలం తర్వాత దీని అమ్మకాల వాటా కూడా చాలా తక్కువ స్థాయిలోనే ఉంది. దీంతో చిన్న ఫోన్ కోసం ప్రత్యేకంగా ఉత్పత్తి కొనసాగించడం యాపిల్‌కు అంతగా ప్రయోజనకరంగా కనిపించలేదు.
చివరకు కంపెనీ 2023 సెప్టెంబర్‌లో iPhone Mini అమ్మకాలను నిలిపివేసింది. అప్పటి నుంచి ఈ సిరీస్ తిరిగి వస్తుందనే స్పష్టమైన సంకేతాలు కనిపించలేదు. చిన్న ఫోన్లను ఇష్టపడే వారికి ఇది నిరాశ కలిగించే విషయమే అయినా.. మార్కెట్ మాత్రం పెద్ద డిస్‌ప్లేల వైపే ఎక్కువగా ఆసక్తి చూపిస్తోంది.
Also Read: యాపిల్ మ్యూజిక్‌లో ఉన్న ఈ ఫీచర్లు యూట్యూబ్ మ్యూజిక్‌లో ఎందుకు లేవు?
Share
పిల్లలు తరచూ అనారోగ్యానికి ఎందుకు గురవుతారు.. డాక్టర్ను ఎప్పుడు సంప్రదించాలి?
Gundeninda GudiGantalu Today episode: కన్నీళ్లు పెట్టుకున్న మౌనిక.. అయ్యో బాలు.. సిగ్గుపడ్డ రోహిణి..
