Samsung Foldable Phones: టెక్ ప్రపంచంలో శాంసంగ్ ఫోల్డబుల్ ఫోన్లకు ఉన్న క్రేజ్ గురించి ప్రత్యేకంగా చెప్పాల్సిన పనిలేదు. ఇప్పటికే మార్కెట్లో రకరకాల మోడళ్లతో ఆకట్టుకున్న ఈ కొరియన్ టెక్ దిగ్గజం.. త్వరలోనే మరిన్ని వినూత్న డిజైన్లతో మన ముందుకు రాబోతోంది. ముఖ్యంగా 2027 సంవత్సరం శాంంసంగ్ అభిమానులకు నిజంగా ఒక పండుగలా మారబోతోందని సమాచారం.
2027లో శాంసంగ్ ఏకంగా 4 కొత్త ఫోల్డబుల్ స్మార్ట్ఫోన్లను మార్కెట్లోకి తీసుకొచ్చేందుకు సిద్ధమవుతున్నట్లు తెలుస్తోంది. ప్రముఖ లీకర్ అందించిన వివరాల ప్రకారం.. ఈ జాబితాలో Galaxy Z Fold 9, Galaxy Z Fold 9 Ultra, Galaxy Z Flip 9తో పాటు నెక్స్ట్ జనరేషన్ Tri-fold మోడల్ కూడా ఉండే అవకాశం ఉంది. ఈ ఫోన్లన్నీ 2027 జులై నాటికి లాంచ్ అయ్యే అవకాశాలు కనిపపిస్తున్నాయి.
Also Read: 1200mAh బ్యాటరీ, IP52 రేటింగ్తో వస్తున్న కొత్త HMD 4G ఫోన్.. ధర కూడా తక్కువే!
గతంలో వచ్చిన మొదటి తరం Tri-fold మోడల్ పెద్ద స్క్రీన్తో అలరించినప్పటికీ.. మడతల దగ్గర గీతలు రావడం (స్క్రీన్ క్రీజెస్) వంటి కొన్ని ఇబ్బందులు ఎదురయ్యాయి. అయితే ఈసారి రాబోయే కొత్త మోడల్లో ఫ్లెక్స్ టైటానియం టెక్నాలజీని ఉపయోగిస్తున్నారట. దీంతో స్క్రీన్ మడతపడే చోట ఎలాంటి గీతలు కనిపించకుండా, డిస్ప్లే చాలా స్మూత్గా ఉండబోతోంది. అలాగే సింగిల్ హ్యాండ్ యూసేజ్ కూడా మునుపటి కంటే చాలా తేలికగా మారనుంది.
కేవలం ఫోల్డబుల్ ఫోన్లు మాత్రమే కాకుండా.. ఫ్లాగ్షిప్ S సిరీస్లోనూ శాంసంగ్ ఒక పెద్ద మార్పు చేయబోతోంది. ప్రతి ఏటా మొదటి రెండు నెలల్లో S సిరీస్ ఫోన్లను లాంచ్ చేయడం శాంసంగ్కు అలవాటు. అయితే 2027 ఆరంభంలో Galaxy S27 సిరీస్తో పాటు కొత్తగా Pro మోడల్ను కూడా పరిచయం చేసే ఆలోచనలో కంపెనీ ఉందట. ఫోల్డబుల్స్ వైపు మొగ్గు చూపుతున్న వినియోగదారుల కోసం కంపెనీ చేస్తున్న ఈ ప్రయత్నాలు నిజమైతే.. 2027 స్మార్ట్ఫోన్ మార్కెట్లో శాంసంగ్ రికార్డ్ సృష్టిస్తుంది.
Also Read: బడ్జెట్ ధరలో ఇంట్లోనే 200 అంగుళాల సినిమా హాల్.. మార్కెట్లోకి కొత్త ఆండ్రాయిడ్ 14 ప్రొజెక్టర్!
Share
బ్యాంక్ లాకర్ నుంచి రూ.50 లక్షల నగలు చోరీ.. చేతులెత్తేసిన బ్యాంక్.. నష్టపరిహారం ఎవరిస్తారు?
ఖాళీ టైమ్లో ఫోన్ స్క్రీన్ చూడడం వ్యసనంగా మారిందా? మీ అలవాట్లు మార్చుకునేందుకు టిప్స్
